Azad olmuş Şuşada möhtəşəm bayram təntənəsi yaşanıb

            Azərbaycan təbiətinin, tarixinin və sənət dünyasının nadir incisi sayılan qədim Şuşadan Tanrı heç nəyi əsirgəməyib. Səfalı ab-hava, füsunkar mənzərələr, saf sular bu şəhərə xüsusi gözəllik bəxş edib. Qədim qalalar, tikililər, bulaqlar, daşlar tarixin yadigarlarıdırlar. Bu torpağın hər qarşısında musiqi şeir sənəti yaşayır.

            Qarabağ tarixinin, şeir, musiqi sənətinin, arxitekturasının zəngin ənənələri burada bu gün də canlı və təravətlidir.

            Avqustun 30-da həmvətənlərimiz 29 ildən sonra ilk dəfə olaraq, qüdrətli söz ustası, dövlət xadimi Molla Pənah Vaqifin Şuşadakı məqbərəsinin ətrafına toplaşıblar. Qələbə, zəfər ovqatlı insanlar buraya axın ediblər. Məqbərə önündə şeir söyləyən, muğam ifa edən hər kəs Vaqifin ölməz ruhu qarşısında öz sevincini, fərəh hissini nümayiş etdirib, arzularını bölüşüb. Şairin narahat ruhu perik düşsə də, can sirdaşlarının qayıdacağı, geri dönəcəyi günü intizarla, səbirsizliklə gözləyib. Bu gün məhz həmin gün idi. Vaqifin məqbərəsinin yenidən açıldığı gün, Vaqif Poeziya Günləri yenidən başlandığı gün…

            Düz 39 il tarixi olan Vaqif Poeziya Günləri işğaldan azad Şuşada əsl bayram təntənəsi yaşadıb. Ümummilli lider Heydər Əliyevin 1982-ci il yanvarın 14-də Şuşa şəhərində Molla Pənah Vaqifin məqbərəsinin və Poeziya Evinin tikintisi barədə göstərişi, onların təntənəli açılışında iştirakı çox mühüm tarixi, mədəni əhəmiyyət kəsb edib. Məhz ulu öndərin qərarı ilə 29 iyul – 3 avqust tarixində Şuşada Vaqif Poeziya Günləri keçirilib.

            Azərbaycan ədəbiyyatı tarixində mühüm rol oynayan bu bənzərsiz ədəbi-bədii tədbir həmin tarixdən 1991-ci ilədək hər il avqust ayında görkəmli şairin vətəni Qazaxdan başlayıb Şuşanın məşhur Cıdır düzündə yekunlaşıb. Təsadüfi deyildir ki, Vaqif Poeziya Günləri çərçivəsində şeir gecələri ilə yanaşı təqdim edilən konsert proqramları da böyük marağa səbəb olub.

            Prezident İlham Əliyevin Şuşa şəhərini respublikanın mədəniyyət paytaxtı elan etməsi, bu müqəddəs məkanda “Xarıbülbül” musiqi festivalının və Vaqif Poeziya Günlərinin bərpası, bütövlükdə, torpaqlarını erməni işğalından azad etmiş müstəqil Azərbaycanımızın mədəni həyatının əsl təntənəsinə çevirilib. Tədbirdə Prezident İlham Əliyev və Birinci vitse-prezident Mehriban Əliyevanın iştirakı böyük ruh yüksəkliyi doğurub, coşqu ilə qarşılanıb.

            Heydər Əliyev Fondunun təşkil etdiyi Molla Pənah Vaqifin bərpa edilmiş möhtəşəm məqbərəsi qarşısında keçrilən tədbir zamanı Azərbaycan Respublikasının Prezidenti İlham Əliyev çıxış edib. Söz şeir-sənət, musiqi nümayəndələrinə verilib. Çıxışlardan sonra Vaqif Poeziya Günlərinin tarixini əks etdirən videoçarx nümayiş etdirilib. Tədbirdə muğam triosunun ifasında səsləndirilən “Qarabağ şikəstəsi” diqqəti çəkib.

            Rəsmi açılış mərasimi başa çatdıqdan sonra iştirakçılar Molla Pənah Vaqifin bərpa olunmuş və yenidən qurulmuş muzey-məqbərə kompleksini ziyarət ediblər.

            Necə deyərlər, yuxu kimi görünən bu tarixi tədbir Azərbaycan Prezidenti, Ali Baş Komandan İlham Əliyevin rəhbərliyi ilə reallaşıb, xalqımıza ərmağan edilib. Bu tarixi hadisə hər birimizin qəlbini riqqətə gətirib, sabaha inamımızı, yaşamaq eşqimizi daha da artırıb.

            Qeyd edim ki, Şuşada Vaqif Poeziya Günlərinin keçirilməsi çox mühüm tarixi, siyasi və mədəni hadisə hesab olunur. Respublikanın görkəmli sənət adamlarının qatıldıqları bu tədbir bizim mədəniyyət tariximizin parlaq səhifəsini təşkil edib. Gün ərzində Şuşada yüksək bayram əhval-ruhiyyəsi hökm sürüb. Hər bir mərasim iştirakçısı qələbə sevinclərini, zəfər duyğularını bir daha yaşayıb. Hər oxunan şeirdə, ifa olunan musiqidə bizlərə bu qələbə sevinclərini yaşadan Azərbaycan Prezidenti, Ali Baş Komandan İlham Əliyevə, ölməz şəhidlərimizə, qəhrəman qazilərimizə minnətdarlıq hissləri əks olunub.

            Ertəsi gün Poeziya günləri çərçivəsində ədəbi simpozium keçirilib, sərgilər nümayiş etdirilib. Tədbir iştirakçıları yüksək təəssüratlarla, xoş əhval-ruhiyyə və xatirələrlə geri dönüblər.

Yəhya PAŞAZADƏ

Xəbər lenti

Yollarda ağırçəkili nəqliyyat vasitələrinin hərəkətinə icazənin rüsumu 50 manat olacaq

Yollarda ağırçəkili nəqliyyat vasitələrinin hərəkətinə icazənin rüsumu 50 manat olacaq. Bununla bağlı “Dövlət rüsumu haqqında” qanuna dəyişiklik edilir.

Şəhid Orxan Əsgərov dəfn edilir

Azərbaycanın İrandakı səfirliyinə edilən terror hücumu nəticəsində şəhid olan baş leytenant Orxan Əsgərov İkinci Şəhidlər xiyabanında dəfn edilir. “Report” xəbər...

Azərbaycanın İrandakı səfirliyinin diplomatik fəaliyyəti tamamilə dayandırılıb

"Biz İrandakı səfirliyimizin diplomatik fəaliyyətini tamamilə dayandırmışıq”. Bu barədə Azərbaycanın xarici işlər nazirinin müavini Xələf Xələfov deyib.

Azərbaycanın Tehrandakı səfirliyinə terror hücumu zamanı şəhid olan Orxan Əsgərovun nəşi Bakıya gətirilib

Azərbaycanın Tehrandakı səfirliyinə xain terror hücumunun qarşısının alınması zamanı şəhid olan mühafizə xidmətinin rəisi Orxan Əsgərovun nəşi yanvarın 29-da Bakıya gətirilib.

Ağcabədidə yol nəqliyyat hadisəsi baş verib – FOTOLAR

Mingəçevir-Bəhramtəpə avtomobil yolunun Ağcabədi rayonunun Aşağı Avşar kəndindən keçən hissəsində yol qəzası baş verib. Belə ki, Ağdam rayon sakininə məxsus "Mercedes" markalı...

Prezident İlham Əliyev Macarıstana rəsmi səfərə gedib

Azərbaycan Respublikasının Prezidenti İlham Əliyev yanvarın 29-da Macarıstana rəsmi səfərə gedib. Hər iki ölkənin dövlət bayraqlarının dalğalandığı Budapeştin Ferents...

Dünyanın ən çox ziyarət olunan saytları məlum olub

Aran xəbər verir ki, "Similarweb" tərəfindən dünyanın ən çox ziyarət edilən saytları açıqlanıb. Birinci yerdə dünyanın ən böyük axtarış platforması hesab edilən...

Ceyhun Bayramov və Hikmət Hacıyev Orxan Əsgərovun yas mərasimində – Foto

Azərbaycanın xarici işlər naziri Ceyhun Bayramov və Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev Azərbaycanın İrandakı...

Soyuq havaya baxmayaraq, Xankəndi-Laçın yolunda aksiya davam edir

Havanın soyuq və şaxtalı olmasına baxmayaraq, Azərbaycanın Qarabağ iqtisadi rayonunda faydalı yataqların qanunsuz istismarı əleyhinə Xankəndi-Laçın yolunda keçirilən etiraz aksiyası qırx doqquz...

Ağcabədidə sahibsiz itlər şəxsi təsərrüfata hücum edib

Aran xəbər verir ki, hadisə rayonun Şənlik kəndində baş verib. Belə ki, ötən gün axşam saatlarında kənd sakini Ziyad Səfərovun həyatyanı sahəsinə...

Şərhlər