19.6 C
Aghjabadi

Muğanlıda Qəhrəmanlar Parkı inşa edilir

         Qəhrəmanlar tarix yazdıqları üçün heç vaxt unudulmurlar. İllər keçir, ancaq onların adları daim zirvələrə yüksəlir, əməlləri yaşayır və qalib gəlir. Qədirbilən xalqımız ölməz Vətən oğullarının xatirəsini hər an əziz tutur, qürur və ehtiram hissi ilə yad edir. Bu gün ölkəmizdə Birinci və İkinci Qarabağ müharibəsi şəhidlərinin xatirəsini əbədiləşdirmək ən müqəddəs vəzifəyə, amala çevirilib.

Rayonumuzda həm rəhbərlik, həm də əhali tərəfindən bu istiqamətdə mühüm addımlar atılır. Bölgənin müxtəlif ərazilərində şəhidlər üçün  xatirə lövhələrinin quraşdırılması, küçələrə ad verilməsi, bulaq komplekslərinin, parkların inşa edilməsi bu baxımdan önəmli əhəmiyyət kəsb edir. Rayonun Muğanlı kəndində salınan, Qəhrəmanlar Parkı da bu sırada xüsusi yer tutur. Sözügedən xatirə parkında hazırda geniş tikinti, quruculuq işləri aparılır. Tikinti işlərində könüllü olaraq, iştirak edən Şərəfxanlı kənd sakini, keçmiş Qarabağ döyüşçüsü Seyran Behbudovun dediklərinə görə, burada inşaat işləri kənd sakinlərinin dəstəyi ilə həyata keçirilir. Rayonun ayrı-ayrı yerlərindən olan şəxslər də tikintiyə köməklik və yardımlar göstərirlər.

Qeyd edilib ki, Qəhrəmanlar Parkı kənddə sovetlər dövründə 1941-1945-ci illər Böyük Vətən müharibəsi iştirakçılarının şərəfinə ucaldılmış abidənin yerləşdiyi ərazidə salınır. Burada döyüşçü abidəsi saxlanılmaq şərti ilə, 4 böyük lövhədən ibarət xatirə kompleksi inşa olunur. Həmin lövhələrin üzərində Birinci və İkinci Qarabağ müharibələrində igidliklə döyüşərək şəhid olmuş ağcabədililərin mərmərdə işlənmiş şəkilləri yer alacaq.

Parkda həyata keçirilən tikinti tədbirlərində Hüsülü kəndindən olan bənnalar Əkrəm, Şəfahət və Səyyab Əsgərov qardaşları, Muğanlı kənd sakini Dilafət Həsənov, Muğanlının digər nüfuzlu və imkanlı şəxsləri, Qarabağ müharibəsi veteranları, başqa kəndlərdən olan könüllülər əllərindən gələnləri əsirgəmirlər.

S.Behbudov söhbət zamanı bunu da bildirib ki, yeni xatirə kompleksinin kənarında istirahət guşələri, oturacaqlar, qurbanlıq kəsmək üçün otaq da inşa ediləcək. Bundan başqa, parkın ətrafında 1000 ədəd meyvə ağacından ibarət bağ salınması, asfaltlaşdırma və işıqlandırma tədbirləri, içməli su xətti çəkilməsi planlaşdırılıb. Artıq yaxınlıqda Ağcabədi Rayon Subartezian Quyularının İstismarı İdarəsi tərəfindən yeni artezian quyusu vurulub.

Qəhrəmanlar Parkının salınması bütün kənd sakinləri tərəfindən böyük ruh yüksəkliyi və minnətdarlıqla qarşılanıb.

Yəhya PAŞAZADƏ

Xəbər lenti

27 Sentyabr Anım günü

https://www.youtube.com/watch?v=PJxvsrtJ5jo

Qəhrəman tankçı Dəyanət Əliyevin doğum günü qeyd olundu -VİDEO

https://www.youtube.com/watch?v=wlUOaSzF9vs

Rəşad Məcid Mətbuat Şurasına sədr seçildi

Rəşad Məcid Azərbaycan Mətbuat Şurasının sədri seçilib. Bu gün Jurnalistlərin VIII qurultayı çərçivəsində həyata keçirilən səsvermədə "525-ci qəzet"in baş...

Vətən müharibəsi şanlı zəfər tariximizdir

Əzəli Azərbaycan torpağı olan Qarabağa ermənilərin çar Rusiyası zamanı köçürüldüyü dövrdən etibarən xalqımıza qarşı başlamış düşmənçilik siyasəti bu günə qədər davam edir....

Ağcabədi şəhidi ilə vidalaşıb – BAKU TV (VİDEOREPORTAJ)

https://www.youtube.com/watch?v=3kJ1prZQu74&t=23s

Ağcabədidə pambıq yığımına başlanıldı – VİDEO

https://www.youtube.com/watch?v=L1kZM3Aoxfs

Qarabağ Atçılıq Zavodunun direktoru: Qarabağ atları öz yurduna qayıtdıqdan sonra cins əlamətlərini daha da zənginləşdirəcək

Respublikamızın dilbər guşələrindən olan Qarabağ füsunkar təbiəti, heyrətamiz musiqisi, qədim abidələri, nəfis xalçaları ilə yanaşı, həm də nadir cins atları ilə dünyada...

Azərbaycan qarşısına qoyduğu bütün hədəflərə çatır

Ölkəmizin gücünə güc qatan müqavilə             28 il bundan əvvəl 1994-cü ilin sentyabr ayının 20-də Bakıda Azərbaycan və dünyanın...

Çoban, qaytar quzunu…

Hər dəfə yaylaq haqqında düşünəndə hər qarışında uşaqlığımın keçdiyi buz bulaqlı, şehli çəmənlər, qüdrətdən səngərli, qalalı dağlar yadıma düşür, xatirələr qəlbimdə şimşək...

Ənənə davam etdirilir

         Yeni tədris ilinin başlanması münasibətilə ötən illərdə olduğu kimi Ağcabədi Rayon İcra Hakimiyyəti tərəfindən şəhid və müharibə iştirakçılarının övladları, həmçinin hər...

Şərhlər