23.3 C
Aghjabadi
Çərşənbə axşamı, May 24, 2022

Gözləri yol çəkən məzar daşları

         XIX əsrin əvvəllərindən başlayaraq Azərbaycan torpaqları işğal olunmağa başlayır. Torpaqlar itirilir, Vətən parçalanır, bölünür və kiçilirdi. Bax bu zamanVətənin kişi, əsl oğulları öz sözlərini dedilər. Qarı düşmənə göstərdilər ki, bu torpağın hər qarışından ötrü canını fəda etməyə daim hazır olan minlərlə oğul var. Vətənin, Torpağın oğulları.

…Zaur Rafiq oğlu Qəribov 1975-ci ildə Ağcabədi şəhərində anadan olub. 1982-ci ildə şəhər 1 saylı tam orta məktəbin 1-ci sinfinə daxil olan Zaur 1992-ci ildə sözügedən məktəbi uğurla başa vurub. Elə o vaxtlar torpaqlarımıza göz dikən erməni faşistləri bizə qarşı müharibəyə başlamışdılar. Qəlbi Vətəni azad görmək eşqi ilə döyünən Zaur hərb sənətini özünə həyat yolu seçmək məqsədində idi. O, hamıya deyirdi ki, məktəbi bitirən kimi, hərbiyə gedəcəyəm. Nə müəllim, nə də həkim olmaq istəyirəm. Ermənilər gündə bir bölgəni ələ keçirir, günahsız körpələri, qocaları qanına qəltan edir. Bu zaman oxumaq adama nə verir? Vuruşmaq lazımdır. Vətən, Torpaq uğrunda. Bu torpaqdan ötrü ölməyə, gənc yaşında həyatla vidalaşmağa dəyər. Bu müqəddəs Vətən torpağıdır. Onu göz bəbəyi kimi qorumaq hər bir kişinin borcudur. Vətən yolunda şəhid olmaq özü elə böyük bir xoşbəxtlikdir:

Yolunda

şəhid olmaq istəyirəm,

Bayrağına bürünüb

dəfn olmaq istəyirəm…

1993-cü ilin yazında Zaura hərbi xidmətə getmək üçün çağırış gəldi. Qardaşı Elnur deyir ki, Zaur sevincindən atılıb düşür, böyük həyəcan içindəydi. Deyirdi Allah dualarımı, səsimi eşitdi. Cəbhəyə yollanıram…

Rayonumuzda yerləşən batalyonun tərkibində könüllü vuruşan Zaur bir neçə kəndin azad olunmasında yaxından iştirak edir. 1993-cü il dekabrın 31-də komandirlik tərəfindən yaxşı döyüşdüyünə görə ona 3 günlük istirahət verilir. O, doğma şəhərə gəlir, yaxınları ilə görüşür. 3 gün sonra, 1994-cü il yanvar ayının 4-də hərbi hissəyə qayıdan Zauru yola salanda anası onun arxasınca həsrətlə baxır və ağlayır. Zaur geri qayıdıb anasını qucaqlayaraq bağrına basır, onun göz yaşlarını silərək, -”Ana sənin oğlun lazım gəlsə Vətən yolunda ölə də bilər. Sən Allah, şəhid olsam belə ağlama. Ölümümü şad xəbər kimi qarşıla. Ağlasan ruhum səndən inciyər”, – deyir.

Anası Sadiqə xanım deyir ki, onun sözləri qəmli, kədərli olsa da, məni xeyli toxtatdı. Artıq ağlamırdım. Amma ana ürəyi pıçıldayırdı ki, bu oğlunla son görüşündür. Oğlun Vətən naminə canından keçəcəkdir. O, bunu özü də bilirdi. Elə buna görə də şəhid olsam belə ağlama, deyəndə gülürdü. Zaur ölümü də gülərüzlə qarşıladı. Sanki ən ümdə, əlçatmaz arzusuna yetişdi. Bu torpağın oğlu olduğunu həyatı bahasına sübut etdi.

Komandirləri söylədilər ki, Zaur qisasını sağlığında özü aldı. Son döyüşdə bir neçə erməni əsgərini məhv edərək, zirvəyə yüksəldi. Şəhidlik zirvəsinə ucaldı. İndi təsəllim var ki, gec də olsa torpaqlarımız düşmən əsarətindən azad olundu. Zaur bu günü görməsə də, indi məzarda rahat uyuyar. Azərbaycan oğlunun torpaq uğrunda məzarı da vuruşmağa hazırdır:

Bu Vətəninin nəyi var-döyüşər;

Dağı, daşı, torpağı, varı, yoxu döyüşər,

Neçə şəhid igidin nakam ruhu döyüşər,

Bir əsgərə çevrilər burda hər məzar daşı…

Torpaq, Vətən düşmən tapdağı altında olan zaman qeyrətli, vətənpərvər oğulların məzar daşları da rahatlıq tapmır, nisgillə dolu gözləri daim yol çəkir. Çünki onlar bir əsgərə dönüb, Vətəni düşməndən qorumağa hər zaman hazırdırlar.

Adil MİSİRLİ

Xəbər lenti

Azərbaycan-Litva münasibətləri yüksələn xətlə inkişaf edir

     Tarixin hansı mərhələsində olursa-olsun, dünyanın siyasi xəritəsində meydana çıxan yeni müstəqil dövlət ayaq üstə qalmaq üçün bir-birindən çətin sınaqlarla üz-üzə gəlir....

Ümumrayon yığıncağı keçirilib

May ayının 21-də Ağcabədi rayon Mədəniyyət Mərkəzində bölgə  ərazisində ideoloji maarifləndirmə işini həyata keçirən təbliğat qrupu üzvlərinin iştirakı ilə ümumrayon yığıncağı keçirilib.

Bu gün onların peşə bayramıdır

Mayın 23-ü Ekologiya və Təbii Sərvətlər Nazirliyi işçilərinin peşə bayramıdır.  Bu münasibətlə 9 saylı Regional Ekologiya və Təbii Sərvətlər İdarəsinin əməkdaşları ulu...

“Fədakarlar bir amalın uğrunda” kitabının təqdimatı keçirilib

Mayın 21-də Nizami Kino Mərkəzində Mədəniyyət Nazirliyi tabeliyində Mədəniyyət üzrə Elmi-Metodiki və İxtisasartırma Mərkəzinin sektor müdiri,  Azərbaycan Jurnalistlər Birliyinin üzvü Aydın Tağıyevin...

Azərbaycan sülhə, təhlükəsizliyə və sabitliyə sadiqdir

Azərbaycan Respublikasının Prezidenti İlham Əliyevmayın 18-də Litva Prezidenti Gitanas Nausadının ölkəmizə səfəri ilə əlaqədar mətbat üçün bəyanat verib.  Ölkə Prezidenti bildirib...

“Çempionumuz” layihəsi çərçivəsində növbəti görüş

Azərbaycan Respublikasının Gənclər və İdman Nazirliyi, Azərbaycan Respublikasının Təhsil Nazirliyi və Azərbaycan İdman Könüllüləri İctimai Birliyi tərəfindən təsdiq edilmiş birgə əsasnaməyə müvafiq...

Deyimlərimiz, kəlamlarımız

         Bədii yaradıcılıq xalqımızın ruhunda, canındadır. Lap qədimdən bu günə qədər qaynayıb-daşan, axıb-coşan bu yaradıcılıq çeşməsi bitib-tükənmək bilmir. Zəngin məna çalarlarına malik...

Avşar elinin tarixi

         Fəzlullah Rəşidəddin (“Cəmiəttəvarix”), Yazıçıoğlu Əli (“Səlcuqnamə”) və Əbülqazi Bahadır Xan Xivəliyə (“Şəcəreitərakimə”) görə Avşar adının anlamı “işlərini cəld görən və ova...

Kümçülərə 877 qutu barama qurdu paylanılıb

         Respublikamızda barama istehsalına yüksək dövlət diqqət və qayğısından ruhlanan rayon kümçüləri 2022-ci təsərrüfat ilində  də bu mühüm kampaniyaya böyük həvəslə qoşulublar.

Şəhidlərin xatirəsi əbədiləşdirilib

         Rayonun İmamqulubəyli kəndində Birinci Qarabağ müharibəsi şəhidləri Hidayət Kərimov, Cavanşir Zeynalov, Savalan Kərimov, Yadigar Bəşirov və Röyal Baxşəliyevin xatirələrini əbədiləşdirmək məqsədi...

Şərhlər