23.3 C
Aghjabadi
Çərşənbə axşamı, May 24, 2022

Şirnalı Talıbovun doğum günü qeyd olunub

16 sentyabr 2021-ci il tarixdə rayonun Nəcəfqulubəyli kəndində II Qarabağ müharibəsində şəhid olan Talıbov Şirnalı Aqil oğlunun doğum günü münasibətilə mərasim keçirilib. Rayon icra hakimiyyəti Aparatında Vətən müharibəsi iştirakçıları və şəhid ailələri ilə işin təşkili şöbəsinin, Səfərbərlik və Hərbi Xidmətə Çağırış üzrə Dövlət Xidmətinin Ağcabədi rayon şöbəsi, Dini Qurumlarla İş üzrə Dövlət Komitəsinin Ağcabədi rayon bölməsinin əməkdaşları, yerli icra, bələdiyyə nümayəndələri, kənd sakinləri, şəhidin doğmaları, yaxınları və media mənsubları iştirak etmişlər.

Doğum günü mərasimində çıxış edənlər şəhid Şirnalı Talıbovun qısa, lakin mənalı həyatından, keçdiyi şərəfli döyüş yolundan danışmış, onunla bağlı fikir və xatirələrini bölüşmüş, ruhuna dualar oxumuşlar. Sonda şəhidin ailəsinə Dini Qurumlarla iş üzrə Dövlət Komitəsinin Ağcabədi rayon bölməsi tərəfindən məişət avadanlığı təqdim olunub.

Onu da qeyd edək ki, Şirnalı Talıbov 29 sentyabr 2020-ci il tarixdə könüllü olaraq Vətən müharibəsinə yollanıb. Füzuli, Cəbrayıl uğrundakı döyüşlərdə xüsusi qəhrəmanlıqlar göstərib. 22 oktyabr 2020-ci il tarixdə Qubadlıda gedən döyüşlərdə qəhrəmancasına həlak olan Şirnalı Talıbov ölümündən sonra ölkə başçısı tərəfindən “Vətən uğrunda” medalı ilə təltif olunub.

Hüseyn QULUZADƏ

Xəbər lenti

Azərbaycan-Litva münasibətləri yüksələn xətlə inkişaf edir

     Tarixin hansı mərhələsində olursa-olsun, dünyanın siyasi xəritəsində meydana çıxan yeni müstəqil dövlət ayaq üstə qalmaq üçün bir-birindən çətin sınaqlarla üz-üzə gəlir....

Ümumrayon yığıncağı keçirilib

May ayının 21-də Ağcabədi rayon Mədəniyyət Mərkəzində bölgə  ərazisində ideoloji maarifləndirmə işini həyata keçirən təbliğat qrupu üzvlərinin iştirakı ilə ümumrayon yığıncağı keçirilib.

Bu gün onların peşə bayramıdır

Mayın 23-ü Ekologiya və Təbii Sərvətlər Nazirliyi işçilərinin peşə bayramıdır.  Bu münasibətlə 9 saylı Regional Ekologiya və Təbii Sərvətlər İdarəsinin əməkdaşları ulu...

“Fədakarlar bir amalın uğrunda” kitabının təqdimatı keçirilib

Mayın 21-də Nizami Kino Mərkəzində Mədəniyyət Nazirliyi tabeliyində Mədəniyyət üzrə Elmi-Metodiki və İxtisasartırma Mərkəzinin sektor müdiri,  Azərbaycan Jurnalistlər Birliyinin üzvü Aydın Tağıyevin...

Azərbaycan sülhə, təhlükəsizliyə və sabitliyə sadiqdir

Azərbaycan Respublikasının Prezidenti İlham Əliyevmayın 18-də Litva Prezidenti Gitanas Nausadının ölkəmizə səfəri ilə əlaqədar mətbat üçün bəyanat verib.  Ölkə Prezidenti bildirib...

“Çempionumuz” layihəsi çərçivəsində növbəti görüş

Azərbaycan Respublikasının Gənclər və İdman Nazirliyi, Azərbaycan Respublikasının Təhsil Nazirliyi və Azərbaycan İdman Könüllüləri İctimai Birliyi tərəfindən təsdiq edilmiş birgə əsasnaməyə müvafiq...

Deyimlərimiz, kəlamlarımız

         Bədii yaradıcılıq xalqımızın ruhunda, canındadır. Lap qədimdən bu günə qədər qaynayıb-daşan, axıb-coşan bu yaradıcılıq çeşməsi bitib-tükənmək bilmir. Zəngin məna çalarlarına malik...

Avşar elinin tarixi

         Fəzlullah Rəşidəddin (“Cəmiəttəvarix”), Yazıçıoğlu Əli (“Səlcuqnamə”) və Əbülqazi Bahadır Xan Xivəliyə (“Şəcəreitərakimə”) görə Avşar adının anlamı “işlərini cəld görən və ova...

Kümçülərə 877 qutu barama qurdu paylanılıb

         Respublikamızda barama istehsalına yüksək dövlət diqqət və qayğısından ruhlanan rayon kümçüləri 2022-ci təsərrüfat ilində  də bu mühüm kampaniyaya böyük həvəslə qoşulublar.

Şəhidlərin xatirəsi əbədiləşdirilib

         Rayonun İmamqulubəyli kəndində Birinci Qarabağ müharibəsi şəhidləri Hidayət Kərimov, Cavanşir Zeynalov, Savalan Kərimov, Yadigar Bəşirov və Röyal Baxşəliyevin xatirələrini əbədiləşdirmək məqsədi...

Şərhlər