15.7 C
Aghjabadi

Vətən müharibəsi qazisi: Canını tapşırarkən əli əlimdə idi…

Hərbçi yoldaşlarından biri ilə başqa iş üçün gəlmişdi redaksiyaya. Söz arası, incikliyini bildirməyi də unutmadı:

-Niyə qazilərdən, döyüşçülərdən yazmırsınız? Axı, biz də istəyirik ki…

-Qardaşım, kim deyir ki yazmırıq?

-Bəs mənimlə niyə maraqlanmırsınız?

– Yazılarımız davamlı olur. Növbə sizə də çatacaqdı. Amma madam ki, özünüz gəlmisiniz, bəlkə, elə buradaca söhbət edək?

– Olsun, nə deyirəm ki?

Beləcə, bu ərköyün qazimizlə söhbətə başlayırıq. Bu dəfə sualları mən verirəm, o cavablandırır.

– Adətən, müsahiblərimi oxuculara öz dilindən təqdim edirəm. Odur ki, istərdim, ilk olaraq, özünüz haqda qısa məlumat verəsiniz.

– Baxışov Zülfi Amil oğlu. 1977-ci ildə Hüsülü kəndində anadan olmuşam. Orta məktəbi də həmin kənddə başa vurmuşam. Sonra Naxçıvan-Şərur 1 nömrəli orta ixtisas kollecini bitirmişəm. 1995-98-ci illərdə Tovuz rayonunun Qaralar kəndində hərbi xidmətdə olmuşam. 2016-cı ildən isə MAHHXE kimi xidmətə başlamışam…

– Vətən müharibəsindən danışaq.Nə vaxt qatıldınız döyüşlərə?

– Elə ilk gündən. Sentyabrın 27-dən…

– O günlərdən qalan təəssüratlarınızı bölüşə bilərsinizmi?

– O qədər məqamlar var… Hansından danışasan? Ümumiyyətlə demək istədiyim bir şey var ki, bizim qələbəmizin kökündə birliyimiz, bir də inam dayanırdı. Bölüyümüz döyüş zamanı elə şücaət göstərirdi ki, özümüzlə qürur duyurduq. İnsanların ordumuza göstərdiyi diqqət isə… Belə bir misal var ey, deyir vur, deyənlə vuran yarıdır. Bax xalqımızın bizə dəstəyi, birliyi bu inamı, bu gücü birə beş artırırdı…

– Oğullarımız can qurban etdilər bu yolda. Siz də sağlamlığınızı itirdiniz. Nə hiss etdiniz o anda?

– 3 oktyabrda Füzuli rayonunun Qaraxanbəyli kəndində Şumluq deyilən ərazidə yaralandım. Bud, baldır, qarın nahiyələrimdən yaralar aldım. Hazırda bədənimdə 3 güllə var. Hələlik müalicə alıram, amma sol ayağım amputasiya olunacaq yaxınlarda.

Nə hiss etməyimə gəldikdə, demək yaralanandan sonra 6 saatdan çox 2 əsgərlə neytral zonada qaldıq. Bizi həmin yerdən çıxarmağa gələn gizir Kənan Səlimzadə qışqırdı ki, gəlirəm. Bu vaxt o, sağ gözündən snayperlə vuruldu, şəhid oldu. ..

Bölük komandiri İlqar Nəsibov və Fuad Məmmədov bizi ərazidən çıxartdılar.

Xərəkdə yaralı əsgər Altun Məmmədovla məni yanaşı apararkən deyirdim ki,mənə yox, əsgərə kömək edin. Amma onu xilas etmək mümkün olmadı. Şəhid oldu. Canını tapşırarkən əli əlimdə idi… Əlbəttə, bunlar çox çətin oldu mənim üçün. Çox ağır anlar idi. Ancaq təsəllimiz budur ki, qələbə çaldıq.

– Hazırda nə işlə məşğulsunuz? Övladlarınız ailəyə köməklik edə bilirlərmi?

– Özüm hazırda işsizəm. Oğlum 40 saylı Yol İstismar MMC – də texniki işçidir. Qızım isə Ağcabədi Pedaqoji Kollecini bitirib. Amma işləmir. Çox istərdim ki,bir işlə təmin olunsun.Tək oğlumun işləməyi ilə, açığı bir az çətindir. Yəni şikayət kimi qəbul etməyin. Dövlətimizdən çox razıyam. Mən yaralananda əvvəl Füzuli hospitalına,sonra Silahlı Qüvvələrin Baş Klinik Hospitalına aparılmışdım. Hələ orada müalicə alarkən rayonumuzun rəhbəri dəfələrlə bizim evə yardımlar göndərib. Evimizə qayıdanda da məni ziyarət etdi. Həmişə qayğı ilə yanaşıb. Bir dəfə yolda, icra hakimiyyətinin yaxınlığında maşın gözləyirdim. O, məni görən kimi öz maşınını saxlatdı, mənimlə görüşdü, hal-əhvalımı soruşdu. Əlbəttə bu dəyər bizim üçün çox vacibdir… Çox şükür ki, torpaqlarımızın azad olunmasında mən də iştirak etmişəm. Bu mərtəbəyə yüksəlmişəm.

– Fəxrimizsiniz.Sizin kimi oğulların hesabına bu xoşbəxtliyi yaşaya bildik.Başqa nə demək istərdiniz?

– Allah bütün şəhidlərimizə rəhmət eləsin. Şəhid analarının qarşısında baş əyirəm. Azərbaycan xalqı qalibdir, həmişə də qalib olacaq!

Söhbətləşdi: Məhsəti MUSA

Xəbər lenti

Gənc fermerlərlə görüş keçirilib

Azərbaycan Respublikası regionlarının 2019–2023-cü illərdə sosial-iqtisadi inkişafı Dövlət Proqramının icrası ilə əlaqədar bölgələrdə məqsədyönlü tədbirlər, görüşlər keçirilir. Noyabrın 25-də gənc sahibkarların...

Ermənistanın cinayətləri beynəlxalq hüquq normalarının Pozulmasıdır

    Ermənistanın insanlığa qarşı cinayətlərinin beynəlxalq aləmdə ifşa olunması vacib amildir. Bu cinayətlər barədə Prezident ilham Əliyev 15 noyabrda Albaniyada rəsmi səfər zamanı mətbuata verdiyi...

Laçın aeroportunun inşası bölgənin beynəlxalq statusunu artıracaq

Laçın qədim tarixə və zəngin təbii ehtiyatlara malikolan ərazilərimizdəndir. Rayon 1930-cu ildə inzibati ərazi vahidi statusu alıb. Ərazisi şimaldan Kəlbəcər, cənubdan Qubadlı, şərqdən Xocalı, Şuşa və Xocavənd rayonları, qərbdən...

Narkomaniya ilə mübarizə məqsədilə Ağcabədi rayonunda təlim təşkil olunub

Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının daimi fəaliyyət göstərən işçi qrupu ilə Gənclər Fondu arasında imzalanmış tədbirlər...

Tədarük məntəqələrinə 285 min tondan çox pambıq təhvil verilib

Respublikada pambıq yığımı davam edir. Bugünədək fermerlər tərəfindən kondisiya çəkidə 285743 ton pambıq yığılaraq tədarük məntəqələrinə təhvil verilib. Hazırda...

Pielonefrit xəstəliyi haqqında bilmədikləriniz – HƏKİM DANIŞIR

Pielonefrit xəstəliyi sidik kisəsində infeksiya yayılmasından yaranır. İltihabi prosesin artması daxili kəskin inkişaf ilə bağlıdır. Xəstəlik tam müalicə olmadıqda, xroniki formaya keçir.

“Vətənin müdafiəsinə hazıram” Poliatlon çoxnövçülüyü üzrə rayon turniri keçirilmişdir

   24 noyabr 2022-ci il tarixdə Ağcabədi Rayon Gənclər və İdman İdarəsinin və Olimpiya İdman Kompleksinin birgə təşkilatçılığı ilə “Vətənin müdafiəsinə hazıram”...

Anti-Azərbaycan təbliğatı İranın dəyişməz siyasətidir

  Azərbaycan bütün ölkələrlə o, cümlədən qonşuları ilə problemsiz münasibətlərin formalaşmasında maraqlıdır. Təəssüf ki, Azərbaycanın yerləşdiyi bölgədə qonşu olduğu dövlətlər bizim ortaya qoyduğumuz münasibətlərə...

RİH yanında İctimai Şura və “Aran” qəzetinin rəhbərləri tələbələrlə görüşüb

         Ağcabədi rayon İcra Hakimiyyəti yanında İctimai Şura və  “Aran” qəzetinin birgə təşkilatçılığı ilə Ağcabədi Pedaqoji Kollecinin tələbələri...

Ağcabədi Rayon İcra Hakimiyyətinin başçısı şəhid anasının dəvəti ilə onu evində ziyarət etdi

Ağcabədi Rayon İcra Hakimiyyəti tərəfindən istər I-ci Qarabağ müharibəsi , istərsə də vətən müharibəsi şəhidləri daim diqqət mərkəzində saxlanılır . Bu ailələr...

Şərhlər