16.3 C
Aghjabadi

“Vətən analar” rublikası – Şəhidlər ölməz

                                                                 

Övladları haqqında soruşanda biri həvəslə danışar,bütün xatirələrini dilə gətirər, biri sadəcə susar,danışmaq istəməz, gözlərindən oxunar demək istədikləri. Biri özünü şux tutub dərdini ürəyinə axıdar, biri bunu gizləməz,hönkürüb ağlayar.Biri təsəlli tapar, “balam şəhidlik zirvəsinə ucalıb” deyər, biri gözlərini qapıya dikib möcüzə gözləyər… Fərqli xasiyyətlərə,fərqli baxışlara malik insanlardır hər biri. Amma həmin qadınları  birləşdirən bir məqam var. Şəhid anasıdır onlar. Şəhid anası! Kədərləri eyni ağırlıqda, göz yaşları eyni boyda, xatirələri eyni rəngdə, təsəlliləri eyni böyüklükdə…

Doğulub böyüdüyümüz  yurd-yuvaya Ana Vətən deyirik. Şəhid anaları isə Vətən Anadır. Vətən torpağına qarışan,vətənə dönən oğulların anaları… Vətən anaları… Və o vətəni ürəyində gəzdirər,vətənə vətən olar sinələri…Odur ki, bu analar elə özləri də vətəndirlər….

O qədər çətin ki onları danışdırmaq, dilə gətirmək… Haradan başlayasan,necə sual verəsən ki,yarasını qoparmayasan,qanatmayasan?

Amma danışmağa başlayınca hiss edirsən ki,əslində sözləri lap çoxdur.Bəziləri bəlkə də günlərlə danışsa yorulmaz. Övladlarını xatırlamaqla sanki onun nəfəsini, qoxusunu hiss edirlər, bundan rahatlıq tapırlar…

Görüşlərimiz zamanı götürdüyüm qeydlərə göz gəzdirirəm. O söhbətlərin hər biri haqqında ayrıca yazmalı olduğumu anlayıram. Və bu yazıları “Vətən Ana” başlığı altında təqdim etmək, şəhidlərimizin anası, yaxud ana əvəzi olan bacıları ilə görüşlərimizin təəssüratlarını oxucularımızla da bölüşmək istəyirik…

                           Bu dəfə hədiyyəsi tamam başqa oldu…

Rəhimli Ömər Rəşad oğlunun ailəsindəyik.Çöhrəsindən uşaqlığın məsumluğu çəkilməmiş bir oğlan boylanır şəkillərdən. Anasına diqqət yetirirəm.Ömərlə elə bacı-qardaş kimi görünür. Övlad itkisi boyda ağırlığı necə qaldırır bu gənc qadın? Söhbətimizin əvvəlində sərbəstdir. Qonaqların yanında ağlamamağa, onların qanını qaraltmamağa çalışdığı hiss olunur:

– Bir oğlum da var. O,sakit təbiətlidir.Ömər isə hay-küylü idi.Çöl qapı açılanda artıq bilirdik ki,gələn odur.Həyat dolu,nikbin idi balam.Həmişə deyib- gülərdi. İdmanla məşğul olurdu. Bir də ritm oynamağı çox sevirdi. Əsgərlikdə ritm oynadığı vaxt çəkilən videogörüntüləri də var… Hədsiz diqqətli idi.Həmişə bayramlarda hədiyyəmizi alardı.

Noyabrın 9-da yaralanmışdı. Şuşadan Hadruta, sonra Füzuliyə aparılıb. Füzulidə gözünü açan kimi deyib ki, qanım 1-ci qrupdur. Bax düzgün qan vurun. Bir gecə hərbi hospitalda  qaldıqdan sonra Bakıya, “Papanin  hospitalı”na (Silahlı Qüvvələrin Baş Klinik Hospitalı) götürülüb.Orada olarkən telefonda elə danışırdı ki, sanki ona heç nə olmamışdı. Ağır yaralansa da, dözümlü balam ağrılarını hiss etdirməməyə çalışırmış…

Sonra həkimlər əməliyyat etməyə qərar veriblər. Amma əməliyyatdan ayılmadı… Noyabrın 22-də şəhid oldu. Atası ilə toyumuzun düz 20 illiyində… Özəl günlərimizi heç vaxt unutmayan Ömərin hədiyyəsi bu dəfə tamam başqa oldu…

                           Səhifəmi açıq saxla. Çoxlu videolarım olacaq

Onun İnsaqram səhifəsini hazırda mən işlədirəm. Səhifənin adı  Hindarx_001 idi. Adını dəyişmədim.Elə o adla işlədirəm.Zəng vurub danışanda deyirdi ki, səhifəmi açıq saxlayın,bağlamayın.Çoxlu videolarımız olacaq… İndi həmin səhifədə Ömərə aid şəkillər,videolar paylaşıram… Bununla təsəlli tapıram…

                             Dodaqlarının rəngi heç solmamışdı…

Artıq getmək vaxtıdır.Anadan xahiş edirəm ki, Ömər üçün ayrılmış guşə ilə bizi tanış etsin.Getdiyimiz əksər şəhid evlərindəki kimi burada da ayrıca, xüsusi hazırlanmış bir otaq var. Şəhidin geyimləri, əşyaları, şəkillərinin sərgiləndiyi muzeyə bənzər bir otaq. Həsrət dolu baxışlarla övladının şəklinə baxan ananın üzündə kədər qarışıq bir işıq hiss olunur:

-Ömərin dodaqları uşaqlıqdan tünd, “marqans” rəngli idi. Şəhid olandan sonra üzünü açıb baxdım. Dodaqlarının rəngi heç solmamışdı ki… Elə bil, heç nə olmamışdı balama…

Bunu deyincə üzümüzə baxır. Əslində nə  eşitmək istədiyini hiss edirəm.Və mən o sözləri deyirəm:

-Axı şəhidlər ölmür… Onlar həmişə yaşayırlar…

Otağa yayılan ümid, kədər, həsrət dolu hönkürtü səsinə dözməyib gül qoxulu ananın boynuna sarılıram. Gözüm yenidən Ömərin şəklinə sataşır. Mənə elə gəlir ki, o bizi görür,eşidir. Bir daha özümü toparlayıb şəhid anasının qulağına pıçıldayıram:

-Şəhidlər ölmür!

Məhsəti Musa

Xəbər lenti

Gənc fermerlərlə görüş keçirilib

Azərbaycan Respublikası regionlarının 2019–2023-cü illərdə sosial-iqtisadi inkişafı Dövlət Proqramının icrası ilə əlaqədar bölgələrdə məqsədyönlü tədbirlər, görüşlər keçirilir. Noyabrın 25-də gənc sahibkarların...

Ermənistanın cinayətləri beynəlxalq hüquq normalarının Pozulmasıdır

    Ermənistanın insanlığa qarşı cinayətlərinin beynəlxalq aləmdə ifşa olunması vacib amildir. Bu cinayətlər barədə Prezident ilham Əliyev 15 noyabrda Albaniyada rəsmi səfər zamanı mətbuata verdiyi...

Laçın aeroportunun inşası bölgənin beynəlxalq statusunu artıracaq

Laçın qədim tarixə və zəngin təbii ehtiyatlara malikolan ərazilərimizdəndir. Rayon 1930-cu ildə inzibati ərazi vahidi statusu alıb. Ərazisi şimaldan Kəlbəcər, cənubdan Qubadlı, şərqdən Xocalı, Şuşa və Xocavənd rayonları, qərbdən...

Narkomaniya ilə mübarizə məqsədilə Ağcabədi rayonunda təlim təşkil olunub

Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının daimi fəaliyyət göstərən işçi qrupu ilə Gənclər Fondu arasında imzalanmış tədbirlər...

Tədarük məntəqələrinə 285 min tondan çox pambıq təhvil verilib

Respublikada pambıq yığımı davam edir. Bugünədək fermerlər tərəfindən kondisiya çəkidə 285743 ton pambıq yığılaraq tədarük məntəqələrinə təhvil verilib. Hazırda...

Pielonefrit xəstəliyi haqqında bilmədikləriniz – HƏKİM DANIŞIR

Pielonefrit xəstəliyi sidik kisəsində infeksiya yayılmasından yaranır. İltihabi prosesin artması daxili kəskin inkişaf ilə bağlıdır. Xəstəlik tam müalicə olmadıqda, xroniki formaya keçir.

“Vətənin müdafiəsinə hazıram” Poliatlon çoxnövçülüyü üzrə rayon turniri keçirilmişdir

   24 noyabr 2022-ci il tarixdə Ağcabədi Rayon Gənclər və İdman İdarəsinin və Olimpiya İdman Kompleksinin birgə təşkilatçılığı ilə “Vətənin müdafiəsinə hazıram”...

Anti-Azərbaycan təbliğatı İranın dəyişməz siyasətidir

  Azərbaycan bütün ölkələrlə o, cümlədən qonşuları ilə problemsiz münasibətlərin formalaşmasında maraqlıdır. Təəssüf ki, Azərbaycanın yerləşdiyi bölgədə qonşu olduğu dövlətlər bizim ortaya qoyduğumuz münasibətlərə...

RİH yanında İctimai Şura və “Aran” qəzetinin rəhbərləri tələbələrlə görüşüb

         Ağcabədi rayon İcra Hakimiyyəti yanında İctimai Şura və  “Aran” qəzetinin birgə təşkilatçılığı ilə Ağcabədi Pedaqoji Kollecinin tələbələri...

Ağcabədi Rayon İcra Hakimiyyətinin başçısı şəhid anasının dəvəti ilə onu evində ziyarət etdi

Ağcabədi Rayon İcra Hakimiyyəti tərəfindən istər I-ci Qarabağ müharibəsi , istərsə də vətən müharibəsi şəhidləri daim diqqət mərkəzində saxlanılır . Bu ailələr...

Şərhlər