2.5 C
Aghjabadi

Şəhid ailələri ilə görüş

            Ötən il sentyabr ayının 27-də başlanan və cəmi 44 gün çəkən Vətən müharibəsində xalqımızın imza atdığı Qələbənin əks-sədası bütün dünyaya yayıldı. Xalqımız bir anda ordu ilə birləşərək ölkə Prezidenti, Azərbaycan Silahlı Qüvvələrinin Baş Komandanı İlham Əliyevin başçılığı altında düşməni lərzəyə salan, bizi bütöv bir xalq kimi dünya arenasında tanıdan, dünya hərb sənətində analoqu olmayan döyüş strategiyası seçərək əzəli düşmənimizə qalib gəldik. Xalqımızın, ordumuzun apardığımız haqq, ədalət mücadiləsində nələrə qadir olduğumuz dünya ictimaiyyətinə bəyan oldu. Biz bir daha sübut etdik ki, qürurlu, vətənpərvər və rəhmli bir xalqıq.

            Vətən müharibəsində qurbanlarımız da oldu. Əlbəttə, müharibə, savaş qurbansız olmur. Ancaq bizim oğullar adalətli, haqq mübarizəsində həlak oldular. Vətənə olan məhəbbət və sədaqətlərini bir daha sübut edərək, şəhid oldular. Torpaq yolunda, Vətən uğrunda…

            22-23 sentyabr 2021-ci il tarixdə Ağcabədi Rayon İcra Hakikiyyətinin başçısı Rafil Hüseynov Salmanbəyli kəndində şəhid Samir Mikayıllı, Kəbirli kəndində Təhmasib Qarayev, Aran kəndində Etibar Nəcəfov, Yeni Qaradolaq kəndində Hafiz Həziyev, Ağcabədi şəhərində Anar Cəfərov, Mirəli Hüseynov, Xəyal Həziyev, Məhəmməd Məmmədov, Həsən Süleymanov, Cəmaləddin Məmmədovun ailələrində olub, ailə üzvləri və yaxınları ilə görüşüb, onların ailə vəziyyətləri, eləcə də problem və qayğıları ilə yaxından maraqlanıb.

            İcra başçısı müqəddəs torpaqlarımızın düşmən tapdağında azad olunmasında canlarını fəda edən şəhidlərimizin ölkəmizin hər yerində olduğu kimi, rayonumuzda da xatirələrinin əziz tutulduğundan və ailələrində mövcud olan problemlərin dərhal aradan qaldırılması istiqamətində görülən işlərdən danışıb. Vurğulayıb ki, şəhid ailələrinə göstərilən qayğı və problemlərin həlli qarşıda duran ən vacib vəzifələrdən biridir.

            Şəhid ailələrinin üzvləri görüş zamanı onlara göstərilən diqqət və qayğıya görə ölkə rəhbərinə öz təşəkkür  və minnətdarlıqlarını bildirərək, bunun onlar üçün təsəlli rolunu oynadığını qeyd etmişlər.

Adil MİSİRLİ

Xəbər lenti

Həmyerlimizdən daha bir uğur

Maltanın paytaxtı Valetta şəhərində 2022-ci il 25-28 noyabr tarixlərində yeniyetmə taekvondoçular arasında Avropa çempionatı keçirilib. Həmin turnirdə uğurlu nəticə qazananlardan biri həmyerlimiz...

Mədəniyyət və dünyagörüşü

 Mədəniyyət maddi və mənəvi sərvətlərin yaradılmasına, mənimsənilməsinə, saxlanmasına və bölgüsünə istiqamətləndirilən ictimai münasibətlər sistemidir. Bu maddi istehsalla şərtlənən, öz mahiyyəti etibarilə sosial...

Süleyman Gözəlov: İlk növbədə gənclərimizin sağlam ruhda böyüməsini düşünürdüm

İdmanla məşğul olmaq insanı bir çox zərərli vərdişlərdən uzaq etdiyi kimi, pis xəstəliklərdən də qoruyur. Müasir dövrün tələblərinə uyğun olan “Sağlam bədəndə,...

Ağcabədidə 5 dekabr Beynəlxalq Könüllülər Günü qeyd edilib

       Ağcabədi rayonunda Gənclər üçün Təhsil Mərkəzi (GTM) Qarabağ regional ofisi, Ağcabədi regional "ASAN xidmət" mərkəzi, Gənclərin İnkişaf və Karyera Mərkəzinin (GİKM)...

Mən Şuşadan gəlirəm -2

                                       Artıq dekabr ayıdır. Amma mən sizə avqust ayında baş tutmuş bir səfərimdən...

Xolesternlə necə mübarizə aparmalı? – MÜTƏXƏSSİS YANAŞMASI

Xolestern bir lipid, yəni bir yağ növüdür. Heyvan mənşəli qidalarda və bütün hüceyrələrdə olan şam quruluşunda yağ kimi maddələrdir. Yüksək xolesterin isə...

İnkişaf Qələbənin əsasıdır

 “Azadlıq meydanında paradlar çox keçirilib. Ancaq bu paradın xüsusi önəmi var. Bu, Zəfər paradıdır. Bu, tarixi hadisədir. Bu tarixi günün şahidi bizik,...

“Niva” “Ford Transit”lə TOQQUŞDU- Sürücü öldü

Dekabrın 4-də saat 2 radələrində Ağcabədi rayonunun Aşağı Avşar kəndi ərazisində Ağdam rayon sakini Məhəmməd Hüseynzadənin idarə etdiyi “Niva” və Ağcabədi şəhər...

Ağcabədidə ” 3 Dekabr -Beynəlxalq Əlillər Günü” qeyd olundu

Ağcabədidə " 3 Dekabr -Beynəlxalq Əlillər Günü" qeyd olunduAğcabədi rayonunda " 3 Dekabr Beynəlxalq Əlillər Günü"nə həsr olunmuş...

Ağcabədidə 3 dekabr – Beynəlxalq Əlillər Günü münasibəti ilə tədbir keçirilib

Ağcabədi rayonunda 3 dekabr - Beynəlxalq Əlillər Günü münasibətilə Gənclər üçün Təhsil Mərkəzi (GTM) Qarabağ Regional ofisi,Azərbaycan Dövlət Pedaqoji Universitetinin (ADPU) Ağcabədi filialının birgə əməkdaşlığı ilə tədbir keçirilib. 

Şərhlər