23.3 C
Aghjabadi
Çərşənbə axşamı, May 24, 2022

Şəhidin doğum günü qeyd olunmuşdur

Hüseynov Ceyhun Möhübbət oğlu 1991-ci il 5-i oktyabrda Ağcabədinin Arazbar kəndində dünyaya gəlib. 1998-ci ildə Arazbar kənd tam orta məktəbinin 1-ci sinifinə daxil olub. 2008-ci ildə sözügedən məktəbi uğurla başa vurub. 2009-cu ilin oktyabr ayından 2010-cu ilin aprel ayına qədər ordu sıralarında həqiqi hərbi xidmətdə olub. 2014-cü ildən Azərbaycan Ordusunun sıralarında MAXE kimi xidmət etməyə başlkayıb. 2015-ci ilin Aprel döyüşlərinin fəal iştirakşısı olan Ceyhun savaşda fərqlənib, xeyli düşmən məhv edib.  27 sentyabr 2020-ci ildə başlanan Vətən müharibəsində qorxmaz, igid, vətənpərvər Ceyhun Ağdam, Xocavənd istiqamətində gedən döyüşlərdə qəhrəmanlıq göstərib. Minaatan Ceyhun xeyli sayda düşmən məhv edib. Öz cəsurluğu ilə fərqlənib. 

Uşaqlıqdan hərb sənətinə böyük həvəs göstərən Ceyhun çox Vətən, torpaq sevgili idi. Onun komandiri olmuş kapitan Elvin Abdullayev deyir ki, Ceyhun döyüş zamanı həmişə lap ön cəbhəyə, ancaq irəliyə can atırdı. O, əsgərlərimizə canlı bir örnək idi. Biz həmişə başqa əsgərləri Ceyhuna oxşamağa səsləyirdik. Çox savadlı və igid olan Ceyhun əsl vətənpərvər əsgər idi. O, öz amalına sadiq qaldı. Nərgiztəpə uğrunda gedən qızğın döyüşlərdə də bir addım belə geriyə çəkilmədi. Yalnız irəliyə, düşmən üzərinə can atdı. Torpaqlarımızı azad etmək üçün xeyli sayda düşmən məhv etdi. Və 16 oktyabr 2020-ci il tarixdə qəhrəmancasına həlak oldu. Şəhidlik zirvəsinə ucaldı. Mən döyüş yoldaşım, igid əsgər Ceyhunun cənnətdə ilk doğum gününü təbrik edirəm. Qəbri nurla dolsun, Allah onun anasına, doğmalarına səbr versin. 

Bir qardaş, 4 bacının bir qardaşı olan Ceyhun olduqca tərbiyəli, hamının yerini bilən, yaşına uyğun olmayan bir ağsaqqal idi. Ataları erkən dünyasını dəyişəndə Ceyhun ailəyə başçılıq etməyə başlayıb. Anası, qardaş-bacılarına böyüklük edib. Anasının qayğısına qalıb. Bacısı Xəyalənin dediyi kimi, Ceyhun fəxr ediləsi qardaş idi. O, bizə atasızlığı hiss etməyə qoymayıb. Və sonda canını vətən yolunda fəda edib. 

5 oktyabr 2021-ci ildə şəhid Ceyhun Hüseynovun onsuz keçən ilk doğum günü qeyd olundu.  Onun 30 yaşını yaxınları, kənd icra və bələdiyyə nümayəndələri, kənd sakinləri, şəhidin döyüş yoldaşları, media mənsubları qeyd edirlər. Əvvəl Ceyhunun doğulub, başa çatdığı evdə çəkilişlər oldu, onun xatirəsi anılaraq, ruhuna dualar oxundu. Döyüş yoldaşları Ceyhun haqqında xatirələrini bölüşdülər. Sonra mərasim iştirakçıları kənd qəbiristanlığında uyuyan şəhid Ceyhunun məzarını ziyarət etdilər və önünə əklillər qoyub, təzə gül dəstələri düzdülər.

Adil MİSİRLİ  

Xəbər lenti

Azərbaycan-Litva münasibətləri yüksələn xətlə inkişaf edir

     Tarixin hansı mərhələsində olursa-olsun, dünyanın siyasi xəritəsində meydana çıxan yeni müstəqil dövlət ayaq üstə qalmaq üçün bir-birindən çətin sınaqlarla üz-üzə gəlir....

Ümumrayon yığıncağı keçirilib

May ayının 21-də Ağcabədi rayon Mədəniyyət Mərkəzində bölgə  ərazisində ideoloji maarifləndirmə işini həyata keçirən təbliğat qrupu üzvlərinin iştirakı ilə ümumrayon yığıncağı keçirilib.

Bu gün onların peşə bayramıdır

Mayın 23-ü Ekologiya və Təbii Sərvətlər Nazirliyi işçilərinin peşə bayramıdır.  Bu münasibətlə 9 saylı Regional Ekologiya və Təbii Sərvətlər İdarəsinin əməkdaşları ulu...

“Fədakarlar bir amalın uğrunda” kitabının təqdimatı keçirilib

Mayın 21-də Nizami Kino Mərkəzində Mədəniyyət Nazirliyi tabeliyində Mədəniyyət üzrə Elmi-Metodiki və İxtisasartırma Mərkəzinin sektor müdiri,  Azərbaycan Jurnalistlər Birliyinin üzvü Aydın Tağıyevin...

Azərbaycan sülhə, təhlükəsizliyə və sabitliyə sadiqdir

Azərbaycan Respublikasının Prezidenti İlham Əliyevmayın 18-də Litva Prezidenti Gitanas Nausadının ölkəmizə səfəri ilə əlaqədar mətbat üçün bəyanat verib.  Ölkə Prezidenti bildirib...

“Çempionumuz” layihəsi çərçivəsində növbəti görüş

Azərbaycan Respublikasının Gənclər və İdman Nazirliyi, Azərbaycan Respublikasının Təhsil Nazirliyi və Azərbaycan İdman Könüllüləri İctimai Birliyi tərəfindən təsdiq edilmiş birgə əsasnaməyə müvafiq...

Deyimlərimiz, kəlamlarımız

         Bədii yaradıcılıq xalqımızın ruhunda, canındadır. Lap qədimdən bu günə qədər qaynayıb-daşan, axıb-coşan bu yaradıcılıq çeşməsi bitib-tükənmək bilmir. Zəngin məna çalarlarına malik...

Avşar elinin tarixi

         Fəzlullah Rəşidəddin (“Cəmiəttəvarix”), Yazıçıoğlu Əli (“Səlcuqnamə”) və Əbülqazi Bahadır Xan Xivəliyə (“Şəcəreitərakimə”) görə Avşar adının anlamı “işlərini cəld görən və ova...

Kümçülərə 877 qutu barama qurdu paylanılıb

         Respublikamızda barama istehsalına yüksək dövlət diqqət və qayğısından ruhlanan rayon kümçüləri 2022-ci təsərrüfat ilində  də bu mühüm kampaniyaya böyük həvəslə qoşulublar.

Şəhidlərin xatirəsi əbədiləşdirilib

         Rayonun İmamqulubəyli kəndində Birinci Qarabağ müharibəsi şəhidləri Hidayət Kərimov, Cavanşir Zeynalov, Savalan Kərimov, Yadigar Bəşirov və Röyal Baxşəliyevin xatirələrini əbədiləşdirmək məqsədi...

Şərhlər