14.4 C
Aghjabadi
Cümə axşamı, Oktyabr 28, 2021

Müəllimlik zirvəsi

Müəllimlik zirvəsi ən uca,ən müqəddəs zirvələrdəndir. Elə bir insan,elə bir peşə sahibi tapılmaz ki,onun müəllimi olmasın.Bütün alimləri,bütün liderləri,bütün məşhurları yetişdirən bir müəllim mütləq vardır.Öz işini ləyaqətlə,şərəflə yerinə yetirən müəllimləri bağbana bənzədirlər.Böyük şair Bəxtiyar Vahabzadənin yazdığı kimi:

Əkdiyin ağacların

Gülü, çiçəyi solmaz.

Dünyada sənin kimi

Barlı bağban tapılmaz.

Yaxşı müəllim heç vaxt unudulmur. İllər ötsə də,qocalsa da, dünyasını dəyişsə də yetirməsi olan yüzlərlə insanın qəlbində yaşayır,xatırlanır.

Belə zəhmətkeş, ömrünü bilikli şagirdlərin yetişməsinə sərf etmiş müəllimlərimizdən biri də Hacıbədəlli kəndində yaşayır.

Bayramova Nəzifə Muxtar qızı 1945-ci ildə İrəvanın Vedi rayonunda anadan olmuşdur. 1951-ci ildə öz ailəsi ilə birlikdə Ermənistandan deportasiya edilmişdir. Azərbaycana pənah gətirən ailə Ağcabədi rayonunun Hacıbədəlli kəndində məskunlaşmışdır. O, 1953-cü ildə sözügedən kənd məktəbinin 1-ci sinfinə getmiş, 1963-cü ildə ümumorta təhsilini başa vurmuşdur. İstehsalat təcrübəsi qazandıqdan sonra 1966-cı ildə H.Zərdabi adına Gəncə Dövlət Pedaqoji İnstitutunun pedaqogika və ibtidai təhsil metodikası fakültəsinə daxil olmuş, ali məkəbi 1971-ci ildə bitirmişdir. 1972-ci ildə Hacıbədəlli kənd orta məktəbində əmək fəaliyyətinə başlamışdır. 

Bir müəllim kimi N.Bayramova öz üzərində müntəzəm olaraq çalışmış, hər zaman yeni bilgilər əldə etməkdən yorulmamışdır. İşlədiyi müddət ərzində özünü hazırlıqlı, çalışqan bir pedaqoq kimi sübut etmişdir. Onun iş təcrübəsi məktəb və məntəqə metodbirləşməsində öyrənilib geniş yayılmışdır. İbtidai siniflər üzrə direktor müavini çalışması da təsadüfi deyildir. 1988-ci ildə “Baş müəllim” adına layiq görülmüşdür.

Hazırda təqaüddə olan Nəzifə xanım  həm də gözəl anadır.Vətəni üçün layiqli övladlar yetişdirib. 3 övladı ali təhsillidir. Bir qızı Amerika Birləşmiş Ştatlarında yaşayır. Ölkəmizdən kənarda yaşasa da, daim qəlbi Azərbaycanla döyünür.Qan yaddaşımızla bağlı Amerikada keçirilən tədbirlərdə iştirak edir, 2 oğul övladını da vətən eşqi ilə böyüdür. Əsl Nəzifə xanımın adına layiq övlad kimi özünü doğruldur.

Bu gün gözəl müəllim,gözəl ana Nəzifə Bayramovanın simasında bütün zəhmətkeş müəllimlərimizin bayramını təbrik edir, uzun ömür,can sağlığı diləyirik.

Rəmziyyə HƏSƏNOVA

Əvvəlki məqaləŞəhidə həsr olunmuş tədbir keçirilib
Növbəti məqalədəTəbrik edirik!

Xəbər lenti

Aşıq Ələsgərin 200 illik yubileyi qeyd olundu

27 oktyabr 2021-ci il tarixdə  karantin qaydaları gözlənilməklə Ağcabədi rayon Heydər Əliyev Mərkəzində Aşıq Ələsgərin yubileyi ilə əlaqədar Ağcabədi gəncləri üçün inkişaf...

Şəhid ailəsi üçün ev tikilir

Zülfüqar Rəhim oğlu Mirzəyev 21 fevral 1967-ci ildə Füzuli rayonunun Əbürrəhmanlı kəndində anadan olub. 1985-1987-ci illərdə Moskvada ordu...

Şəhid ailəsi ziyarət olunmuşdur

YAP Ağcabədi rayon təşkilatı II Qarabağ müharibəsində şəhid ailələrinin və qazilərin ziyarətini davam etdirir.            ...

Görkəmli rəssam Bakıda Beynəlxalq konfransda iştirak edib

Elimizin,obamızın fədakar övladları respublikamızın hüdudlarından kənarda belə, öz istedadları, bacarıqları və səmərəli fəaliyyətləri ilə rayonumuzun adını daim uca tuturlar. Onlar yaşadıqları, çalışdıqları...

Vətənpərvər müəllim

27 sentyabr 2020-ci il ildə  Ali Baş Komandan İlham Əliyevin rəhbərliyi altında Ermənistan silahlı qüvvələrinə qarşı cəbhəboyu ərazilərdə əks-hücum əməliyyatına başlayan rəşadətli...

Rəsm qalereyasının bu günü və sabahı

Rəsm qalereyası 2005-ci ildən etibarən Ağcabədi Regional Mədəniyyət İdarəsinin nəzdində fəaliyyət göstərir. Yarandığı gündən qalereyaya rəssam Əkbər İsayev rəhbərlik edir. Əkbər müəllimlə...

Başlıbel faciəsi Koreya mətbuatında işıqlandırılıb

Azərbaycan tarixinin qanlı səhifələrindən biri olan Başlıbel faciəsi haqqında məqalə Cənubi Koreyanın nüfuzlu "The Korea Post" qəzetində yayımlanıb. 525.az...

Dağılmış evlərin bərpasına 15 milyon manat xərclənəcək

Dövlət Şəhərsalma və Arxitektura Komitəsinin Ərazi Tikinti-Planlaşdırma Mərkəzi Ermənistan silahlı qüvvələrinin Azərbaycan ərazisinə təcavüzü nəticəsində Tərtər rayonunda (1 və 2), Gəncə şəhərində,...

Ağcabədi rayonundakı evdən naqil oğurlamaqda şübhəli bilinən şəxslər yaxalanıblar

Ağcabədi rayonu ərazisindəki evlərin birindən naqil oğurlamaqda şübhəli bilinən şəxslər yaxalanıb. Daxili İşlər Nazirliyinin mətbuat xidmətindən bildiriblər ki, rayon ərazisindəki...

Şəhidlərin yas mərasimləri keçirilib

Bu günlərdə Vətən Müharibəsində şəhid olmuş Kəbirli kəndindən olan Təhmasib Qarayev, Hacıbədəlli kəndində Dəyanət Əliyev və Yuxarı Qıyamaddınlı kəndində Sahil Məmmədovun il...

Şərhlər