Rayon dövlət arxivinin fəaliyyəti genişləndirilib

Arxiv dövlətin və millətin inkişaf yolu barədə həqiqətlərin öyrənilməsi və qorunması məbədidir. Cənubi Qafqazda ilk dəfə olaraq 1921-ci ildə Azərbaycanda yaradılmış dövlət arxivi 100 illik şərəfli yol keçib. Bu gün sözügedən qurum xalqımızın mədəni-tarixi irsinin toplanılması, mühafizəsi, vətəndaşların sosial hüquqlarının qorunması sahəsində önəmli əhəmiyyət kəsb edir. Müstəqillik dönəmində respublikamızda dövlət arxiv şəbəkəsinin genişlənməsi, zənginləşməsi, maddi-texniki bazanın möhkəmləndirilməsi istiqamətində mühüm addımlar atılıb. Hazırda ölkənin şəhər və rayonlarında dövlət arxivləri geniş fəaliyyət göstərir. Ağcabədi rayon İcra Hakimiyyəti başçısı yanında Dövlət Arxivi də onların sırasında xüsusi yer tutur. 

Adıçəkilən dövlət arxivinin müdiri Altun Xəlilovun sözlərinə görə, burada şəhər, qəsəbə və kəndləri, idarə və təşkilatları əhatə edən 168 fondda 18 min 208 iş üzrə sənədlər qorunub, saxlanılır.Vaqif küçəsi 16 ünvanında yerləşən arxivdə sənədlərin lazımı qaydada qorunub, saxlanılması üçün hər cür şərait var. Bu məqsədlə arxivin binasıda müvafiq otaqlar ayrılıb.

Arxiv müddirinin dediyi kimi,sözügedən qurum tərəfindən XIX əsrdən qalmış sənədlərlə yanaşı, sovetlər dövrünün ilk illərindən tutmuş, sonrakı illərə aid olan materiallar da mühafizə edilir. Dövlət arxivinin əməkdaşları tərəfindən vətəndaşlara nümunəvi xidmət göstərilməsi diqqət mərkəzində saxlanılır. Onların müraciətlərinin vaxtında və qanuni tələblər baxımından həll olunması üçün konkret tədbirlər görülür. 

Ağcabədi regional Asan Xidmət Mərkəzi ilə əlaqəli fəaliyyət göstərildiyini vurğulayan A.Xəlilov sözügedən qurum tərəfindən edilən sorğuların cavablandırılması üçün bütün imkanlardan səmərəli istifadə olunduğunu qeyd edib. 

hya PAŞAZA

Şərhlər