Şəhidə həsr olunmuş tədbir keçirilib

Ağcabədi Rayon MKS-də Vətən müharibəsinin 1-ci il dönümü  münasibəti ilə silsilə tədbirlər davam edir. 3 oktyabr 2021-ci il tarixdə  Ağcabədi rayon MKS-nin 1 saylı Hindarx qəsəbə kitabxana filialının işçiləri oxucularla birlikdə qəsəbənin ən gənc şəhidi Rəhimli Ömər Rəşad oğluna həsr olunmuş “Qəhərman Şəhidimiz” başlığı altında tədbir təşkil olunub.     

Tədbir iştirakçıları Ömər Rəhimlinin  məzarını ziyarət ediblər. Sözügedən qəsəbə kitabxana filialının müdiri Vəsilə Məmmədova bildirib ki, Ömər Hindarx qəsəbəsinin Vətən sevgisini ürəyinin başında gəzdirən qeyrətli oğullarından biridir. O, hələ uşaqlıqdan kitabxananın fəal oxucusu olub. Həmişə vətənpərvər oğul kimi böyüyəndə torpaqlarımızı azad edib, göz bəbəyi kimi qoruyacağını söyləyərdi. Vətən müharibəsi zamanı Ömər Rəhimli hərbi xidmətdə olsa da, ön cəbhəyə atıb. Füzuli, Cəbrayıl, Zəngilan, Qubadlı, Hadrut, Laçın, Xocavənd və Daşaltı uğrunda gedən döyüşlərdə iştirak edir. Hər dəfə torpaqlara baxanda deyərmiş ki, “Nə yaxşı ki, bu torpaqları qaytara bildik. İndi adam rahat ölə bilər.” Göstərdiyi qəhrəmanlığa görə ölümündən sonra Ömər Azərbaycan Respublikası Prezidentinin 15 dekabr 2020-ci il tarixli Sərəncamı ilə “Vətən uğrunda” medalı ilə təltif edilmişdir.

Tədbirdə çıxış edənlərin hər biri Ömərin qəhrəmanlığından söz açıb, onun haqqında xatirələrini bölüşdülər. Onlar torpaqlarımızın azad edilməsi uğrunda həlak olan şəhidlərimizə Ulu Tanrıdan rəhmət diləyiblər. Tədbir iştirakçıları Ömərin Rəhimlinin adı verilmiş küçədə xatirə lövhəsinin önünə gül dəstələri qoyublar.

Təranə Məmmədova,

Ağcabədi rayon MKS-nin 

direktor müavini

ARAN-ı sosial şəbəkələrdə izləyin:

Şərhlər

Social Media Auto Publish Powered By : XYZScripts.com