17.8 C
Aghjabadi
Bazar ertəsi, May 23, 2022

Keçdiyi döyüş yolu ilə şöhrət tapan qazi

Bu həyatda  heç nə asanlıqla əldə olunmur.  Hər şeyə yalnız mübarizə ilə nail olunur.  Biz uzun illər düşmən tapdağı altında qalan Qarabağ torpaqlarını azad etməli idik. Buna cəsarət, mübarizə əzmi lazım idi.  Bu şərəfli vəzifəni yerinə yetirmək müstəqil və güclü Azərbaycanımızın gəncliyinə nəsib oldu.  Ali Baş Komandan İlham Əliyevin rəhbərliyi altında  Müzəffər Ordumuz 30 il işğal altında qalan torpaqlarımızı azad etdi. İllərlə çəkilən həsrətə son qoyuldu.

Vətən uğrunda mübarizədə, canını fəda edən igid  qazilərimizdən biri də Mamedov  Samir  Eldəniz oğludur. O, 1993-cü ilin noyabr ayının 10-da Ağcabədidə anadan olub, orta təhsilini M.F.Axundov adına 3 saylı məktəb-liseydə  almışdır. Hər bir Azərbaycan övladı kimi Samir də vətənə xidmət borcunu yerinə yetirmək üçün 2012-ci ilin yanvar ayında   Naxçıvan Muxtar Respublikasının Culfa şəhərində   Milli Ordunun əsgəri kimi    xidmət etməyə başlayıb.  Cəsur əsgər 2013-cü ilin iyul ayında ordudan tərxis olunmuşdur. O,  2014-cü ildən Ağcabədi rayonunun Qaradolaq kəndində  “N” saylı hərbi hissədə tank taborunda müddətdən artıq hərbi qulluqçu kimi xidmət etməyə başlamışdır. Hərbi qulluqçumuz  2020-ci ilin sentyabr ayının 27-də, II Vətən müharibəsi başlayanda I tank bölüyündə 2-ci tankın sürücü-mexaniki kimi Füzuli rayonunun Alxanlı kəndi istiqamətində  gedən  döyüşlərə qatılmışdır. Ağır döyüşlərin birində  adıçəkilən kənddə  Samir minaya düşür və müxtəlif  bədən xəsarətləri alır. Yaralanmasına  baxmayaraq,  onun düşmənə olan nifrəti və  döyüş əzmi azalmır. O, yenidən 2020-ci il oktyabr ayının 2-də Füzuli,Xocavənd, Cəbrayıl uğrunda gedən döyüşlərdə fəal iştirak etmişdir.  Adıçəkilən  şəhərlərin azad olunmasında igid  hərbçimizin böyük xidmətləri olub.   Samir 2020-ci il oktyabr ayının 27-də Xocavənd rayonunun Hadrut qəsəbəsində döyüş tapşırığını  yerinə yetirərkən düşmən minamyotlarından atılan mərmilər nəticəsində bədəninin müxtəlif nahiyələrindən ağır qəlpə yaraları  almışdır. Yaralandığı gündən  qazimiz  Bakı şəhərində yerləşən  hərbi hospitalda müalicə olunmağa başlamışdır. İgid döyüşçünün müalicəsi hazırda davam etdirilir.

Qorxmaz tankçının    döyüşlərdəki xidmətləri  nəzərə alınaraq cənab Prezident İlham Əliyevin  Sərəncamı ilə “ Vətən müharibəsi iştirakçısı”, “Xocavəndin azad olunmasına görə”, “Cəbrayılın azad olunmasına görə”,  “Füzulinin azad olunmasına görə” medalları ilə təltif edilmişdir.

H.QULUZADƏ

Xəbər lenti

Bu gün onların peşə bayramıdır

Mayın 23-ü Ekologiya və Təbii Sərvətlər Nazirliyi işçilərinin peşə bayramıdır.  Bu münasibətlə 9 saylı Regional Ekologiya və Təbii Sərvətlər İdarəsinin əməkdaşları ulu...

“Fədakarlar bir amalın uğrunda” kitabının təqdimatı keçirilib

Mayın 21-də Nizami Kino Mərkəzində Mədəniyyət Nazirliyi tabeliyində Mədəniyyət üzrə Elmi-Metodiki və İxtisasartırma Mərkəzinin sektor müdiri,  Azərbaycan Jurnalistlər Birliyinin üzvü Aydın Tağıyevin...

Azərbaycan sülhə, təhlükəsizliyə və sabitliyə sadiqdir

Azərbaycan Respublikasının Prezidenti İlham Əliyevmayın 18-də Litva Prezidenti Gitanas Nausadının ölkəmizə səfəri ilə əlaqədar mətbat üçün bəyanat verib.  Ölkə Prezidenti bildirib...

“Çempionumuz” layihəsi çərçivəsində növbəti görüş

Azərbaycan Respublikasının Gənclər və İdman Nazirliyi, Azərbaycan Respublikasının Təhsil Nazirliyi və Azərbaycan İdman Könüllüləri İctimai Birliyi tərəfindən təsdiq edilmiş birgə əsasnaməyə müvafiq...

Deyimlərimiz, kəlamlarımız

         Bədii yaradıcılıq xalqımızın ruhunda, canındadır. Lap qədimdən bu günə qədər qaynayıb-daşan, axıb-coşan bu yaradıcılıq çeşməsi bitib-tükənmək bilmir. Zəngin məna çalarlarına malik...

Avşar elinin tarixi

         Fəzlullah Rəşidəddin (“Cəmiəttəvarix”), Yazıçıoğlu Əli (“Səlcuqnamə”) və Əbülqazi Bahadır Xan Xivəliyə (“Şəcəreitərakimə”) görə Avşar adının anlamı “işlərini cəld görən və ova...

Kümçülərə 877 qutu barama qurdu paylanılıb

         Respublikamızda barama istehsalına yüksək dövlət diqqət və qayğısından ruhlanan rayon kümçüləri 2022-ci təsərrüfat ilində  də bu mühüm kampaniyaya böyük həvəslə qoşulublar.

Şəhidlərin xatirəsi əbədiləşdirilib

         Rayonun İmamqulubəyli kəndində Birinci Qarabağ müharibəsi şəhidləri Hidayət Kərimov, Cavanşir Zeynalov, Savalan Kərimov, Yadigar Bəşirov və Röyal Baxşəliyevin xatirələrini əbədiləşdirmək məqsədi...

ZƏFƏR QURULTAYI UĞURLU SİYASƏTİN NƏTİCƏSİDİR

https://www.youtube.com/watch?v=dqfE9owZVPk&t=71s

Kürdəmirdə baş verən avtoqəzada Ağcabədi sakinləri xəsarət alıb

Hadisə bu gün səhər Ağsu-Kürdəmir-İmişli avtomobil yolunun rayonun Atakişili kəndindən keçən hissəsində qeydə alınıb. Belə ki, “Mercedes” markalı minik avtomobilinin sürücüsü İmişli...

Şərhlər