3.1 C
Aghjabadi

Qabaqcıl pedaqoq

Sözümü ulu öndər Heydər Əliyevin dediyi “Mən müəllimdən yüksək  ad tanımıram“ məşhur kəlamı ilə başlamaq istərdim. Dünyada gözəl, nəcib peşələr çoxdur. Fəqət bütün peşələrin fövqündə dayanan müqəddəs bir peşə var. Bu, müəllim peşəsidir. Həkim də, mühəndis də, kosmonavt da seçdikləri sənətin sirlərini müəllimdən öyrənirlər. Müəllim elm, bilik xəzinəsinin qapısını üzümüzə açan bir varlıqdır. Əlbəttə, bütün bunlar ani olaraq baş vermir, uğurlarımızın arxasında müəllimlərimizin illər boyu çəkdikləri gərgin zəhmət dayanır. Elə buna görə də cəmiyyətdə müəllimlik çox şərəfli, müqəddəs peşə hesab olunur.

Bilik xəzinəsinə inamla daxil olanlar həyatın enişli-yoxuşlu yollarında büdrəmir, öz əməlləri ilə cəmiyyətin inkişafına töhfə verirlər. Elə buna görə də dünyada müəllim əməyinin bənzəri yoxdur. Əgər bu gün biz bəşəriyyətin çatdığı yüksək inkişaf səviyyəsi, elmi-texniki nailiyyətlər barədə məmnunluqla söhbət açırıqsa, buna görə ilk növbədə müəllimlərimizə minnətdar olmalıyıq. Çünki peşə sahiblərini yetişdirən, hər kəsin sənət, peşə yolunu müəyyən edən müəllimlərimizdir. Bütün bunlara görə müəllimlərimizə borclu olmalı, onların əməyini heç vaxt unutmamalıylq.

Müəllimlərin adından söz düşmüşkən Rəna Muradovanın adını çəkmək istərdim. O, 1965-ci ilin dekabrın 5-də Ağcabədi şəhərində fəhlə ailəsində anadan olmuş, 1973-1983-cü illərdə Ağcabədi şəhər 1 saylı orta məktəbdə təhsil almış, ilk gündən çalışqanlığı və bacarığı ilə müəllimlərin diqqətini çəkmişdir. O, gələcəkdə tədris edəcəyi fənni məhz orta məktəbdə seçmişdir. R.Muradova orta məktəbi əla qiymətlərlə başa vurmuşdur. R.Muradova 1984-cü ildə qəbul imtahanından yüksək qiymət alaraq Rusiya Federasiyasının Tümen Dövlət Universiteti roman-alman filologiyası fakültəsinin ingilis dili şöbəsinə qəbul olmuşdur. İngilis dilindən nəzəri biliklərin sirlərini o dövrdə Avropa ölkələrində təcrübə keçmiş professorlardan öyrənib.

1989-cu ildə ali məktəbi uğurla başa vuran R.Muradova təyinatla rayonun Rəncbərlər kənd orta məktəbində ingilis dili müəllimi kimi əmək  fəaliyyətinə başlamış, 1991-ci ildən indiyədək isə Ağcabədi şəhər 9 saylı tam orta məktəbində ingilis dilini tədris edir. Rəna müəllim tədris prosesində ingilis dilinin şagirdlər tərəfindən yaxşı mənimsənilməsi və öyrənmələri üçün müasir tədris metodlardan, əyani dərs vəsaitlərindən istifadə etməklə yanaşı, ən vacib olan danışıq və dinləmələrə üstünlük vermiş, bunun nəticəsində öz peşəsini sevdirə bildirmişdir. Təcrübəli müəllim qısa vaxt ərzində pedaqoji kollektivin, valideyn və şagirdlərin rəğbətini qazanmışdır. Artıq bu peşəni mənimsəyib və onunla çiyin-çiyinə işləyən, ingilis dilini tədris edən tələbələri vardır.  R.Muradova onlarla ingilis dili müəllimi, tərcüməçilər və bir fəlsəfə doktoru yetişdirmişdir.

2016-cı ildə respublika təhsil nazirliyi və  Dövlət İmtahan Mərkəzi tərəfindən keçirilən müəllimlərin diaqnostik qiymətləndirilməsində qabaqcıl pedaqoq rayon üzrə 1-ci olmuşdur. O, təhsil sahəsində nailiyyətlərinə görə dəfələrlə Ağcabədi rayon İcra Hakimiyyətinin “ Fəxri fərmanı”na layiq görülmüş, 2012-ci ildə Azərbaycan Respublikası Prezidentinin Sərəncamı ilə təhsilin inkişafındakı xidmətlərinə görə “ Tərəqqi” medalı ilə, 2021-ci ildə isə əməkdar müəllim fəxri adına layiq görülmüşdür.

Təcrübəli pedaqoq, qabaqcıl təhsil işçisi olan Rəna xanıma yeni-yeni nailiyyətlər arzulayırıq.

Səadət İbrahimova, müəllim

Xəbər lenti

12 dekabr ümummilli lider Heydər Əliyevin anım günüdür

Azərbaycan xalqının böyük oğlu Heydər Əlirza oğlu Əliyev 1923-cü il mayın 10-da Naxçıvanda anadan olub. 1944-cü ildən təhlükəsizlik orqanları...

“12 Dekabr-Ümummilli Lider Heydər Əliyevin Anım günü”ilə əlaqədar məktəblərdə mühazirələr davam etdirilir

Bu gün Mərkəzin direktor səlahiyyətlərini icra edən Rövşanə Əliyeva tərəfindən M.Aranlı adına 11 saylı tam orta məktəbin Gənc Heydərçilərinə Ulu Öndər Heydər...

Ağcabədi rayon Heydər Əliyev Mərkəzində “12 Dekabr-Anım Günü” ilə əlaqədar “Heydər Əliyev və Gənclər siyasəti” adlı tədbir keçirildi

Tədbir 07 dekabr 2022-ci il tarixində Ağcabədi rayon Gənclər və İdman İdarəsinin birgə təşkilatçılığı və Ağcabədi şəhər M.Aranlı adına 11 saylı tam orta...

Ağcabədi sakininin çantasından oğurluq edilib

Yasamal rayonu ərazisindəki mağazaların birində Ağcabədi rayon sakini olan bir qadının çantasından içərisində pulu olan cüzdanının oğurlanması barədə polisə məlumat daxil olub.

Həmyerlimizdən daha bir uğur

Maltanın paytaxtı Valetta şəhərində 2022-ci il 25-28 noyabr tarixlərində yeniyetmə taekvondoçular arasında Avropa çempionatı keçirilib. Həmin turnirdə uğurlu nəticə qazananlardan biri həmyerlimiz...

Mədəniyyət və dünyagörüşü

 Mədəniyyət maddi və mənəvi sərvətlərin yaradılmasına, mənimsənilməsinə, saxlanmasına və bölgüsünə istiqamətləndirilən ictimai münasibətlər sistemidir. Bu maddi istehsalla şərtlənən, öz mahiyyəti etibarilə sosial...

Süleyman Gözəlov: İlk növbədə gənclərimizin sağlam ruhda böyüməsini düşünürdüm

İdmanla məşğul olmaq insanı bir çox zərərli vərdişlərdən uzaq etdiyi kimi, pis xəstəliklərdən də qoruyur. Müasir dövrün tələblərinə uyğun olan “Sağlam bədəndə,...

Ağcabədidə 5 dekabr Beynəlxalq Könüllülər Günü qeyd edilib

       Ağcabədi rayonunda Gənclər üçün Təhsil Mərkəzi (GTM) Qarabağ regional ofisi, Ağcabədi regional "ASAN xidmət" mərkəzi, Gənclərin İnkişaf və Karyera Mərkəzinin (GİKM)...

Mən Şuşadan gəlirəm -2

                                       Artıq dekabr ayıdır. Amma mən sizə avqust ayında baş tutmuş bir səfərimdən...

Xolesternlə necə mübarizə aparmalı? – MÜTƏXƏSSİS YANAŞMASI

Xolestern bir lipid, yəni bir yağ növüdür. Heyvan mənşəli qidalarda və bütün hüceyrələrdə olan şam quruluşunda yağ kimi maddələrdir. Yüksək xolesterin isə...

Şərhlər