34.8 C
Aghjabadi
Çərşənbə axşamı, İyun 28, 2022

Ağcabədidə düşmənin artilleriya atəşi nəticəsində dəymiş ziyan aradan qaldırılır – VİDEO

https://video.azertag.az/site/video/126850

2020-ci il sentyabrın 27-dən başlayan 44 günlük Vətən müharibəsi dövründə Ermənistan silahlı qüvvələrinin təcavüzü nəticəsində Ağcabədi rayonunda 8 ev və 2 qeyri-yaşayış obyekti dağılıb, 500-dən çox tikiliyə ziyan dəyib.

Dövlət başçısının tapşırığına əsasən qısa zaman ərzində görülmüş işlər nəticəsində 513 tikilinin təmir-bərpası, 8 ev və 1 sahibkarlıq obyektinin tikintisi yekunlaşdırılaraq sahiblərinə təhvil verilib. Hazırda 1 qeyri-yaşayış obyektinin inşası və 5 tikilinin təmir-bərpa işləri davam edir. Ən qısa zamanda Ağcabədi rayonunda işlərin tam yekunlaşdırılması nəzərdə tutulur.

Rayon sakinləri düşmən təxribatları zamanı dəymiş ziyanın aradan qaldırılması istiqamətində görülən işləri yüksək qiymətləndirərək dövlətimizin başçısına minnətdarlıqlarını bildirirlər. Erməni hərbçilərinin yaşayış məntəqələrini atəşə tutması nəticəsində evi dağılmış Hindarx qəsəbə sakini Emin Abduləliyev deyib: “Vətən müharibəsi zamanı düşmənin artilleriya atəşi nəticəsində bizim evimiz tamamilə dağılmışdı. Evdəki əşyalarımız da məhv olmuşdu. Dövlətimizdən çox razıyıq. Ailəmiz üçün əvvəlkindən də yaraşıqlı, hər cür şəraiti olan beşotaqlı yeni ev tikilib. Bundan başqa, evdəki məişət əşyalarına dəymiş ziyanla bağlı altı min manat, şəxsi əşyalara dəymiş ziyanla bağlı hər bir ailə üzvünə 1500 manat vəsait ödənilib. Prezidentimizə minnətdarlığımı bildirirəm”.

Qaraxanlı kənd sakini Elvin Quliyev isə deyib: “Vətən müharibəsi zamanı bizim kəndimiz də düşmənin artilleriya atəşinə məruz qalırdı. Həmin dövrdə bizim evimizin qarşısına top mərmisi düşmüşdü. Nəticədə evimizin damı, üç otaq, qapı və pəncərələr, döşəmə və tavanı yararsız vəziyyətdə qalmışdı. Müharibədən sonra komissiya evimizə baxış keçirdi və əsaslı təmir-bərpa işləri aparıldı. Görülən işlərdən çox razıyam”.

Vətən müharibəsi dövründə düşmənin artilleriya atəşi nəticəsində Mütəllim Əliyevə məxsus mağaza da tamamilə dağılmışdı. Artıq dövlətimizin qayğısı ilə bu mağaza da yenidən tikilərək sahibinə təhvil verilib. Tikinti işlərinin yüksək keyfiyyətlə aparıldığını deyən M.Əliyev göstərilən diqqət və qayğıya görə dövlətimizin başçısına minnətdarlığını ifadə edib.

Qeyd edək ki, Ermənistan silahlı qüvvələrinin təcavüzü nəticəsində 11 şəhər və rayon ərazisində 13 mindən çox tikiliyə ziyan dəyib. Ziyan dəymiş tikililərin tikintisi və təmir-bərpa işləri Dövlət Şəhərsalma və Arxitektura Komitəsinin nəzarəti altında həyata keçirilir. Artıq onlardan 12 mindən çox yaşayış və qeyri-yaşayış obyekti üzrə tikinti və təmir-bərpa işləri yekunlaşdırılıb.

Mənbə : AZERTAG.AZ

Xəbər lenti

24 iyun Azərbaycanda inkişafın təməl günüdür

                     Azərbaycan  1991-ci ildə özünün dövlət müstəqilliyini elan etsə də, bu, əslində, Ulu öndərin 1993-cü ilin iyun ayının ...

Biz Qələbəmizi Ordumuzun qəhrəman əsgərlərinə, şəhidlərimizə və qazilərimizə borcluyuq

Iyunun 26-da Azərbaycan Silahlı Qüvvələri günü münasibəti ilə Ağcabədi Rayon İcra Hakimiyyətinin və Gənclər üçün Təhsil Mərkəzi (GTM) Qarabağ regional ofisinin əməkdaşları Vətən müharibəsində qəhrəmancasına şəhid olmuş...

Ağcabədidə Silahlı Qüvvələr Günü qeyd olunub

Azərbaycan Silahlı Qüvvələrinin yaradılmasının 104 illiyi münasibətilə Ağcabədi rayon ərazisində "N" saylı hərbi hissədə tədbir keçirilib. Öncə Ağcabədi rayon icra hakimiyyətinin başçısı...

26 İyun Azərbaycan Silahlı Qüvvələri Günüdür

1918-ci il mayın 28-də müstəqilliyini elan etmiş Azərbaycan Xalq Cümhuriyyəti cəmi 23 ay yaşamasına baxmayaraq, ölkədə ordu quruculuğu sahəsində əhəmiyyətli addımlar ata...

“Şuşa ili”nə həsr olunmuş tədbir maraqla qarşılanıb

Ağcabədi Rayon Heydər Əliyev Mərkəzinin təşəbbüsü və təşkilatçılığı, "Ələk" ədəbi məclisi, Ağcabədi şəhər Uşaq İncəsənət Məktəbi, Qarabağ Muğam Mərkəzi və Ağcabədi Rayon...

Dövlətçiliyin və Xalqın xilaskarı

Azərbaycanın Xalqının Ümummilli Lideri Heydər Əlirza oğlu Əliyev  tarixə öz adnını qızıl həriflərlə yazmış dahi sərkərdə olmuşdur. Heç şübhəsiz ki, Ulu...

“Qəbələ”nin kapitanı: “Valideynlərim futbola getməyimə ancaq bir şərtlə razılaşmışdılar ki…” – MÜSAHİBƏ

Saytımızda bu gündən etibarən "TAM ŞƏXSİ" rubrikasına start veririk. Sözügedən rubrikada tanınmış futbolçularla onların futbol karyerası və ailə həyatına dair müsahibələrə yer...

Təbrik edirik!

            Azərbaycan Respublikasının Prezidenti İlham Əliyevin 22 iyun 2022-ci il tarixli Sərəncamı ilə respublikamızda bir qrup dövlət qulluqçusu “Dövlət qulluğunda fərqlənməyə görə”...

23 İyun Dövlət Qulluqçularının peşə bayramıdır

Azərbaycan Respublikasının Prezidenti İlham Əliyevin 25 may 2006-cı il tarixli Sərəncamına əsasən hər il İyunun 23-ü dövlət qulluqçularının peşə bayramı günü kimi...

Şərhlər