5.4 C
Aghjabadi
Bazar ertəsi, Dekabr 6, 2021

“Aran” qəzeti “Vətən analar” rubrikasında daha bir şəhidimizin – Əmrah Abışovun anası ilə söhbəti təqdim edir

İnanıram ki, oğlum bir gün evimizə qayıdacaq

Ağcabədinin Kürdlər kəndində, şəhid Əmrah Abışovun ailəsindəyik. Qapıda bizi şəhidin anası Xalidə xala qarşılayır. Evə keçirik. Ana stulda yer göstərib özü də bizimlə üz-üzə əyləşir.  Baxışlarından bircə sözə bənd olduğunu, ürəyini boşaltmaq istədiyini hiss edirəm. Və söhbətə başlayırıq. İlk sözü bu olur:

Gözüm yoldadır. Bilirəm ki, oğlum ölməyib. Bəlkə də bir möcüzə olacaq, balam gələcək. Hər gün onu gözləyirəm. Səhər yuxudan oyananda birinci işim darvazanın hər iki tayını açmaq olur. Sonra öz-özümə deyirəm:

– Guya buranı tanımır ki? Gəlsə axı özü evə girər…  Amma adət etmişəm. Tərgidə bilmirəm. Deyirəm birdən gələr,qapını bağlı görər, pis olar…

…Mən onu əsgərliyə getməyə qoymurdum. Dedi sən nə danışırsan? Gedəndən sonra əlaqə saxlayanda deyirdi yerim əladır. Amma sonralar bildim ki, orada çox çətinlik çəkib. Xidməti başa vuranda 2 tərifnamə ilə gəlmişdi. Gələnə yaxın sənədlərinin üzünü istədi. Sən demə müqavilə bağlayıb hərbidə qalacaqmış. Əvvəl Şəmkirdə, sonra Beyləqanda xidmətdə oldu. Sonra isə… 

Əvvəllər kimsə birinə deyəndə ki, “Allah səbr versin”, acığım tuturdu. Deyirdim bu nə sözdür axı? İndi özüm hər gün əllərimi göyə açıb Allaha yalvarıram ki,mənə səbr ver. Səbr ver ki, balamın yoxluğuna dözə bilim…

Ermənilər mənim soyumu kəsdi

O, uşaq olanda doğum günlərində bişirdiyim tortün üstünə  yalnız bir rəqəm yazırdım. Həmişə deyirdim ki, bu nə vaxt iki rəqəmli olacaq? Əmrahımın 10 yaşı tamam olanda mən artıq o vaxtlar dediyimi unutmuşdum. O, əlini-əlinə vurub güldü ki, ay ana, axır ki, tortun üstünə iki rəqəm yazdın… Onun doğum günlərində hazırladığım tortların şəkillərini sosial şəbəkədə paylaşırdı. Sonra deyirdi ki, bilirsən nə qədər “əla” almısan?

Əmrah mənim yeganə balam idi. Onun ölümü ilə mənim üçün hər şey bitdi. Ermənilər soyumu kəsdilər. Gələcəkdə olacaq nəvələrim öldü…

Atam II Dünya müharibəsində olmuşdu. Deyirdi müharibə dəhşətlidir, çətindir. Amma onun dedikləri mənə çatmırdı. İndi başa düşürəm ki, müharibə bu imiş… Həmişə müharibədən bəhs edən filmlərə baxırdım. İndi hərbdən bəhs edən nə isə görəndə belə, tüstüm başımdan çıxır.

Arzum idi ki, onu sentyabrda evləndirim

Kredit götürmüşdüm, ev-eşiyi düzəltdirirdim. Arzum idi ki, onu sentyabrda evləndirim. Nə vaxt gəlirdi, görürdü ki, evdə usta işləyir. Deyirdi neynirsən axı bunu? Deyirdim ki, gəlinim gələndə qoy hər şey hazır olsun. Cavabı bu olurdu:

-Etməyin belə…

Bəlkə də ürəyinə damıbmış ki, bu ev ona qismət olmayacaq. Doğrudan da olmadı… Elə istəyirəm… Elə istəyirəm ki, bax bircə dəfə ey, bircə dəfə gəlib bu evi gəzib getsin…

Şəhidimizin anasına təskinlik vermək istəyirəm. Amma danışsam, bircə kəlmə desəm özümü ələ ala bilməyəcəyimi hiss etdiyim üçün başımı aşağı dikərək göz yaşlarımı gizlədib susmağa, onu dinləməyə üstünlük verirəm. Ananın xatirələri isə bitmir:

Həmişə qoz-fındıq ləpələyirdim onun üçün. Deyirdi bunu ona görə edirsən ki, dişimə salmayım, hə?

Təsəvvür edirsiniz? Mən balamın bir dişinə də qıymırdım… Balam özü getdi, ay qızım… Amma mən inanıram… İnanıram ki, o, bir gün evimizə qayıdacaq…

Məhsəti MUSA

Əvvəlki məqaləAzadın azadlıq eşqi
Növbəti məqalədəZabit müəllimlər

Xəbər lenti

BƏNÖVŞƏYİ EŞQİM (İkinci hissə)

Artıq digər saytlarda da şeirlərim oxuculara təqdim olunurdu.Hər dəfə çəkinə-çəkinə göndərdiyim şeirlər işıq üzü  gördükcə bir az ürəklənirdim. Çünki,oxucuların fikirləri də əvvəlkilərdən fərqlənirdi....

“Əbədiyaşar” adlı müsabiqə

Ağcabədi rayon Heydər Əliyev Mərkəzində 12 Dekabr – ulu öndər Heydər Əliyevin Anım günü ilə əlaqədar ümumtəhsil məktəblərdə fəaliyyət göstərən “Gənc Heydərçilər”...

Atletika üzrə rayon turniri keçirilib

Ağcabədi Rayon Gənclər və İdman İdarəsinin və Təhsil şöbəsinin birgə təşkilatçılığı ilə Ağcabədi Olimpiya İdman Kompleksində “1 Dekabr–QİÇS-ə qarşı Beynəlxalq Mübarizə Günü”nə...

Müasir Azərbaycanın memarı və qurucusu

Dekabrın 3-də Ağcabədi Regional Mədəniyyət İdarəsi Ağcabədi Tarix-Diyarşünaslıq Muzeyi, Ağdam Rayon Heydər Əliyev Mərkəzi və Ağdam rayon Mədəniyyət Mərkəzinin birgə təşkilatçılığı ilə,...

Vaksinasiya tədbirləri

Rayonumuzda koronavirusa qarşı mübarizə vasitəsi olan vaksinasiya kompaniyası müntəzəm olaraq davam etdirilir. Pandemiya əleyhinə görülmüş tədbirlər nəticəsində rayon sakinlərinin böyük əksəriyyəti peyvənd...

Rayonda pambıq yığımı davam edir

            Qəzetimizin əvvəlki saylarında da məlumat verdiyimiz kimi Ağcabədidə cari ildə yüksək məhsul əldə etmək üçün əkin sahələrində aqrotexniki  qaydalara ardıcıl...

Ağcabədi və ətraf rayonlarda aqrar sahədə məlumatlandırma sessiyaları keçirilib

Kənd Təsərrüfatı Nazirliyi Azərbaycanda payızlıq əkinlərin Elektron Kənd Təsərrüfatı İnformasiya Sistemində (EKTİS) bəyan edilməsi və əkin subsidiyaların alınması üçün müraciətlərin formalaşdırılması məqsədi...

Təlim kursu keçirilib

Qarabağ gənclərinin karyera və məşğulluğu üzrə növbəti təlim kursu Ağcabədidə keçirildi. “Аzərbaycan Demokratik Tələbə Gənclər Təşkilatı” İctimai Birliyi (ADTGT)...

Ağcabədidə sağlamlıq imkanları məhdud uşaqlar üçün əyləncəli tədbir təşkil olunub

3 Dekabr – Beynəlxalq Əlillər Günü ilə əlaqədar Ağcabədi rayonunda sağlamlıq imkanları məhdud uşaqlar üçün musiqili-əyləncəli tədbir keçirilib.“Gələcəyə Qayğı” Regionların sosial-iqtisadi inkişafına...

“Əlilliyi olan şəxslərə qayğı və imkanların genişləndirilməsi” Forumu uğurla yekunlaşıb.

   BMT Baş Məclisi tərəfindən qəbul edilən 3 dekabr"Əlilliyi olan insanların Beynəlxalq günü"nün məqsədi əlilliyi olan bütün insanların hüquqlarını qorumaq,cəmiyyəti onların problemlərinin həllinə cəlb etməkdir.

Şərhlər