Azadın azadlıq eşqi

(Şəhid Tapdıqov Azadın xatirəsinə həsr olunub)

Vətən sevgisi deyiləndə, bax o zaman axar sular dayanır. Bütün sevgilərin başında dayanan Allah belə buyurur ki, Vətəni sevmək imandandır.

Dünyaya gələn hər bir insan ölümə doğru addımlayır. Ölüm səbəbləri isə müxtəlif olur. Bu səbəblərin ancaq biri müqəddəsdir, ucadır, alidir. Bu, şəhidlik məqamıdır. Şəhidlik Allah yolunda, haqq yolunda, Vətən yolunda cihad edib canından keçənlərin məqamıdır. Şəhidlik hər insana nəsib olmur. Maraqlı burasıdır ki, o yola addım atanlar sanki gözəgörünməz bir qüvvə tərəfindən müjdələnir. Təsadüfi deyil ki, 44 günlük haqq savaşımızda şəhadət məqamına ucalan oğullarımız, qızlarımız öncədən sevə-sevə getdiyi bu yolun dönüşü olmaycağını bilirdi. Şəhidlərimiz haqqında yazılan bir çox əsərlərdə bu məqamı açıq-aşkar görmək mümkündür.

Tapdıqov Azad Azər oğlu 1 fevral 1997-ci ildə Ağcabədi rayonunun Yuxarı Avşar kəndində dünyaya göz açıb. Həqiqi hərbi xidməti dövründə böyük qələbəyə aparan aprel döyüşlərinin iştirakçılarından olub. Xidmətini başa vurduqdan sonra müxtəlif sahələrdə fəaliyyət göstərib. 2020-ci ilin Tovuz hadisələri zamanı ailəsindən xəbərsiz könüllü olaraq ordu sıralarına yazılır. İllərdir arzusunda olduğu torpaqların azadlığı uğurunda şəhid olacağına and içir.

Nəhayət arzuladığı gün gəlir. Zəfər tariximizin ən şanlı səhifələrindən biri kimi yadda qalan 2-ci Qarabağ müharibəsi başlayanda Azad Bakı şəhərində olur. Atasına zəng edərək çağırış olarsa mütləq ona bildirməklərini xahiş edir. Nəhayət, sentyabr ayının 29-na ona çağırış gəlir.

Həmin axşam Bakıda dostları ilə vida məclisi təşkil edir və qürurla onlara zəfər müjdəsi gətirəcəyini bildirir:

-”Vətənimizi, anamızı, bacımızı qorumaq hər birimizin boynunun borcudur. Bu, bizim haqq savaşımızdır. Əmin olun ki, Allah hər zaman haqlıların yanındadır. Biz zəfər çalacağıq, şəxsən özüm sizə qələbə xəbərini çatdıracağam”

Sabahı Ağcabədiyə yola düşür. Evə çatana qədər uzaqda olan bütün doğmaları ilə telefon əlaqəsi saxlayıb vidalaşır. Sanki şəhadət zirvəsinə ucalacağı Azada əyan olmuşdu. Evə çatanda isə doğmaları ilə görüşüb son dəfə doğulub boya-başa çatdığı Avşar kəndinə vida edirmiş kimi baxır, Ağcabədidə yerləşən Laçın şəhərciyinin ərazisindəki hərbi hissəyə yola düşür. Oktyabr ayının 7-nə  qədər təlimlərdə iştirak edir. Həmin tarixdən isə Füzuli istiqamətində gedən döyüşlərə qatılmaq üçün yola düşür.

Azad müzəffər ordumuzun hər gün irəlilədiyini görüb daha həvəslə döyüşlərə atılır. Döyüş yoldaşlarına hər an ruh yüksəkliyi verməyə çalışır. Qısa müddət ərzində bütün silahdaşlarının əzizinə çevrilir.

Oktyabr ayının 9-da döyüşlərin qızğın getdiyi bir məqamda dostunun atəş altında qaldığını görüb ona kömək etmək üçün meydana atılan qəhrəman həmyerlimiz mənfur düşmənlərin atdığı gülləyə tuş gələrək müqəddəs şəhidlik məqamına ucalır.

Tapdıqov Azad Azər oğlu dostlarına verdiyi sözü yerinə yetirib qələbə xəbərini özü verə bilməsə də, onun döyüş yoldaşları cəmi 1 ay sonra nəinki Azadın dostlarına, bütün dünyaya Azərbaycanın zəfərini duyurdu.

Azərbaycan Respublikasının Prezidentinin sərəncamlarına əsasən ölümündən sonra Tapdıqov Azad Azər oğlu “Vətən uğrunda”, “Cəsur döyüşcü”, “Cəbrayılın azad olunmasına görə”, “Qubadlının azad olunmasına görə” medalları ilə təltif olunub. Doğma kəndində adını daşıyan küçə və ehsan bulağı Azadın ölümsüz olduğunun göstəricisidir.

Məzarında rahat uyu, Şəhidim, uğurunda can verdiyin torpaqlar indi düşmən tapdağında inləmir. Ruhun şad olsun!

Aynurə İNCİ

Millət vəkilindən mediaya dəstək

Xəbər verdiyimiz kimi, Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında müzakirə olunan məsələlər arasında medianın vergidən azad...

Mehriban Əliyeva Türkiyəyə başsağlığı verib

Azərbaycanın Birinci vitse-prezidenti Mehriban Əliyeva Türkiyədə baş vermiş zəlzələ ilə əlaqədar qardaş ölkəyə başsağlığı verib.  "Instaqram" hesabında olan paylaşımda...

Bu gün Xankəndi-Laçın yolunda sülhməramlıların 26 avtomobili maneəsiz keçib

Şuşadan keçən Xankəndi-Laçın yolunda Rusiya sülhməramlılarına məxsus daha 20 avtomobilin hərəkət etməsinə növbəti dəfə şərait yaradılıb.   "Report"un aksiya keçirilən...

Azərbaycanda qəzet və saytlara verilən maddi yardımlar vergilərdən azad edilir

Aranın xəbərinə görə, bununla bağlı Vergi Məcəlləsinə dəyişiklik təklif olunur. Layihənin qeyd hissəsində əsaslandırılıb...

Azərbaycan və  Macarıstan oxşar cəhətlərə malik ölkələrdir

Azərbaycan Respublikasının Prezidenti İlham Əliyev Macarıstana rəsmi səfəri zamanı Budapeştdə mətbuata bəyanat vermişdir. Bəyanatda qeyd edilir ki, dost ölkələr kimi Azərbaycanla Macarıstan...

Azərbaycanda media subyektlərinin əldə etdikləri gəlirlər vergidən azad olunacaq

Azərbaycanda media subyektlərinin əldə etdikləri gəlirlər vergidən azad olunacaq. "Report"un xəbərinə görə, bununla bağlı Vergi Məcəlləsinə dəyişiklik təklif olunur.

Azərbaycan və Macarıstan münasibətləri yeni inkişaf mərhələsində

Şərqi Avropa ölkələri, o cümlədən Macarıstanla ikitərəfli və çoxtərəfli əməkdaşlığın inkişafı ölkəmizin xarici siyasətinin vacib istiqamətlərindən biridir. Bu ölkələr arasında qarşılıqlı səviyyədə...

Türkiyədə zəlzələdə ölənlərin sayı 284 nəfərə çatıb, 2323 nəfər yaralanıb 

Türkiyədəki zəlzələdə ölənlərin sayı 284 nəfərə çatıb. “Aran” xəbər verir ki, bunu Türkiyənin vitse-prezidenti Fuat Oktay jurnalistlərə açıqlamasında deyib.

Azərbaycan Prezidentinin tapşırığı ilə FHN-in çevik qüvvələri Türkiyəyə yola düşəcək

Bu gün səhər saatlarında Türkiyə Respublikasında baş vermiş güclü zəlzələnin fəsadlarının aradan qaldırılması və axtarış-xilasetmə əməliyyatlarına dəstək məqsədilə Azərbaycan Respublikasının Prezidenti cənab...

Prezident İlham Əliyev Ərdoğana başsağlığı verib

Azərbaycan Prezidenti İlham Əliyev Türkiyə Prezidenti Rəcəb Tayyib Ərdoğan başsağlığı verib. Aran xəbər verir ki, başsağlığında deyilir:

Şərhlər