30.2 C
Aghjabadi

Dünya azərbaycanlılarının birliyinin və həmrəyliyinin rəmzi

         Xalqımızın tarixində ən əlamətdar və şərəfli günlərindən biri də 31 dekabrdır. Həmin gün Dünya Azərbaycanlılarının Həmrəyliyi Günü kimi bayram edilir. Bu möhtəşəm tarixi anın əsası 1989-cu ildə Naxçıvan Muxtar Respublikasında İranla Azərbaycan sərhəddinin dağılması ilə bağlıdır. Uzun zaman bir-birinə həsrət qalan otaylı, butaylı Azərbaycan xalqının Arazın hər iki sahilində yürüşü sərhəd dirəklərinin yıxılması ilə nəticələnib. Bu mühüm hadisə Azərbaycan millətinin birləşmək arzusunu dünyaya nümayiş etdirib. Həmrəylik günü məhz bu birləşmək istəyinin parlaq rəmzinə çevrilib.

1991-ci ilin 16 dekabrında xalqımızın böyük oğlu, Naxçıvan Muxtar Respublikası Ali Sovetinin sədri Heydər Əliyev azərbaycanlıların birliyinin yaradılmasının əhəmiyyətini uzaqgörənliklə nəzərə alaraq 31 dekabrı Dünya Azərbaycanlılarının Həmrəyliyi Günü elan edib. Ulu öndərin bu misilsiz tarixi təşəbbüsü bütün Azərbaycanda dəstəyini qazanıb, ölkədə rəsmən qeyd edilməyə başlayıb. Bu bayram dünyanın 70-dən çox ölkəsində yaşayan 50 milyondan artıq azərbaycanlılarla əlaqələr yaradılmasında, onlar arasında birliyin, həmrəyliyin təmin olunmasında önəmli əhəmiyyət kəsb edib.

Dünya Azərbaycanlılarının Həmrəyliyi Gününün hər il geniş qeyd edilməsi bütün dünya azərbaycanlıları tərəfindən bir zərurətə, mənəvi ehtiyaca çevrilib. Əslində, həmrəylik günü Azərbaycan diasporunun bir məqsəd, amal uğrunda birləşməyə səfərbər edib. Maraqlıdır ki, həmin tarixi gün milliyətcə azərbaycanlı olmayıb, Azərbaycanda doğulub, boya-başa çatmış Azərbaycan əsilli diaspor nümayəndələri tərəfindən də təntənə ilə qeyd edilir.

Xalqımız, dünyanın müxtəlif ölkələrində məskunlaşmış soydaşlarımız 31 dekabrı böyük həvəs, ruh yüksəkliyi ilə qarşılayır. Bu bayram ildən-ilə geniş vüsət alır, yüksək səviyyədə keçirilir.

Azərbaycanı özünə tarixi Vətən hesab edən hər bir kəsin həmrəylik nümayiş etdirməsi qürurvericidir. Bu gün hər bir azərbaycanlı öz iç dünyasında ümummilli lider Heydər Əliyevin bu möhtəşəm sözlərini dönə-dönə təkrarlayır: “Hər bir insan üçün onun milli mənsubiyyəti onun qürur mənbəyidir. Mən həmişə fəxr etmişəm, bu gün də fəxr edirəm ki, mən azərbaycanlıyam.” Doğrudan da, bu gün hər birimiz azərbaycanlı olmağımızla fəxr edirik.

Ulu öndərin təşəbbüsü və təşkilatçılığı ilə dünya ölkələrində yaşayan soydaşlarımızın müstəqil ölkəmizlə əlaqələrinin möhkəmləndirilməsi, onların birliyinin və həmrəyliyinin daha da gücləndirilməsi məqsədi ilə 9-10 noyabr 2001-ci il tarixdə Bakıda Dünya Azərbaycanlılarının I qurultayı keçirilib.

Dahi şəxsiyyətin birlik və həmrəylik ideyaları onun layiqli varisi Azərbaycan Respublikasının Prezidenti İlham Əliyev tərəfindən bu gün uğurla davam etdirilir. Dövlət başçısının imzaladığı Sərəncamlarla Bakı şəhərində 2006-cı ildə Dünya Azərbaycanlılarının II, 2011-ci ildə III, 2016-cı ildə isə IV qurultayı keçirilib. Bu tarixi qurultaylar dünya azərbaycanlılarının dövlətimizin ətrafında sıx birliyini nümayiş etdirib.

Dünya azərbaycanlılarının birlik və həmrəyliyi 44 günlük Vətən müharibəsi dövründə daha parlaq əksini tapıb. O ağır günlərdə hər bir soydaşımız Azərbaycanın yanında olub, xalqımızı qələbəyə ruhlandırıb.

Yəhya PAŞAZADƏ

Xəbər lenti

Şəhid Cəmaləddin Məmmədovun Anım günü qeyd olundu

Vətən müharibəsinin ilk günlərindən silaha sarılaraq döyüş meydanına atılan oğullarımızdan biri də Məmmədov Cəmaləddin Türbəndə oğludur. O, 1988-ci ildə Ağcabədinin Kürdlər kəndində...

Ağcabədidə prokurorluq işçilərinin peşə bayramı qeyd olundu

Ağcabədi rayonunda 1 oktyabr - Prokurorluq işçilərinin peşə bayramı günü münasibəti ilə tədbir keçirildi.Tədbirdə hüquq-mühafizə orqanlarının rəhbər və əməkdaşları, Ağcabədi Rayon İcra...

​​​Xalqımız bütün təhdidlərə sinə gərəcək

  2020-ci ilin sentyabr  ayının 27-də​Ermənistanın təh-riki ilə başlayan və qəhrəman ordumuzun sücaəti nəticəsindəAzərbaycanın qələbəsi ilə başa çatan 2-ci Qarabağ Müharibəsi 30 il işğal altında inləyən torpaqlarımızın azad edilməsi ilə nəticələndi.

Anım günü kitabxanada da qeyd edilib

Sentyabr ayının 26-da Ağcabədi Regional Mədəniyyət İdarəsi Ağcabədi rayon Mərkəzləşdirilmiş Kitabxana Sisteminin kollektivi tərəfindən “27 Sentyabr - Anım Günü” ilə bağlı tədbir...

Şəhid ailələri ziyarət olunub

      YAP Ağcabədi rayon təşkilatının sədri Rövşən Əhmədov və aparatın əməkdaşları sentyabrın 27-də Vətən müharibəsinin ilk günündə qəhrəmancasına həlak olmuş Poladlı...

Taekvondo üzrə rayon turniri keçirilmişdir

25 sentyabr 2022-ci il tarixdə Ağcabədi Rayon Gənclər və İdman İdarəsinin təşkilatçılığı ilə "Rizvan" Taekvondo Klubunun idman zalında "Anım...

İcra Hakimiyyətində yeni komissiya yaradılıb

Sentyabrın 23-də Ağcabədi Rayon İcra Hakimiyyətində şəhid ailəsi üzvləri, əlillik dərəcələri təyin olunmuş Vətən müharibəsi iştirakçıları və “Müharibə...

Şəhid Gülalı Qəhrəmanovun anım mərasimi keçirilib

​Şəhidlik məqamına ucalan hər kəs əbədi olaraq könüllərdə yaşayır, əbədilik qazanır.  ​Vətənimizin sərhədlərini yenidən quran Vətən baniləri öz adlarını tarixə əbədi...

Gücümüz birliyimizdir!

    Səfər Ali Baş Komandan cənab Prezident İlham Əliyevin və birinci xanım Mehriban Əliyevanın cari ilin 27 sentyabrda Anım günündə Füzuli rayonuna səfərləri mühüm əhəməiyyət kəsb etdi. Səfəri zamanı çıxışında cənab...

Şəhid Rövşən Allahverdiyevin anım günü qeyd edildi

​Sentyabrın 28-də digər Qaraxanlı kəndində şəhid Rövşən Allahverdiyevin anım mərasimi keçirildi. ​Mərasimdə Ağcabədi Rayon İcra Hakimiyyəti başçısı, hüquq-mühafizə orqanları rəhbərləri, səfərbərlik və hərbi...

Şərhlər