23.3 C
Aghjabadi
Çərşənbə axşamı, May 24, 2022

Vətən dastanı

27 sentyabr 2020-ci il. Silahların nəriltisinə açmışdıq o sabahı. Havada sayrışan raketlər pozurdu şəhərin ala-qaranlığını. Hava açıldıqca bir-birini təbrik edən insanlara, döyüş bölgəsinə gedən, QARABAĞ! QARABAĞ! deyə hayqıran əsgərlərlə dolu texnikalara sataşdı gözüm. Televizyadan səslənən “Ordumuz bütün cəbhə boyu əks hücüm əməliyyatlarına başlayıb” kəlməsi xalqımızın illərdir yanan ürəyinə səpilən ilk su damlaları idi sanki. Bəlkə də xəyal etməzdik, nə vaxtsa internetsiz dözə biləcəyimiz günləri. Ta ki, 10 milyonun bir nəfər kimi ekran qarşısında Ali Baş Komandanın qələbə xəbərlərini izlədiyimiz günlərə qədər. Xalq, ordu və Ali Baş Komandan birliyindən doğan bir yumruq kimi birləşmişdik o günlərdə. Bu özünə ayaqqabı almağa qıymayıb, təqaüdünü son qəpiyinə qədər cəbhədə vuruşan əsgər balalarına göndərən, dağ boyda ürəyə sahib Hikmət babanın, Gəncə terrorunda möcüzə nəticəsində sağ qalıb, təbəssüm dolu gözlərilə misli görünməmiş insan soyqırımına kor olan bəşəriyyətə dağ çəkən balaca Ömərin, yad-qohum demədən, gələn şəhid xəbərlərinə öz evinə od salmış kimi yaş töküb, haray çəkən ana-bacıların, düşmən generalının boğazından yapışaraq onu məhv edən şir ürəkli Cəbrayılın, şirin səsi ilə qəlbləri fəth edən Xudayarın yumruğu idi. Bu şəhid qardaşlarının qisası ilə alışıb yanan 10 minlərlə igidin yumruğu idi.

Cəbhədən qələbə xəbərləri gəldikcə illərdir həsrətində olduğumuz zəfər günlərinin çox yaxında olduğuna inanmağa başlamışdıq. Ordumuz addım-addım, kənd-kənd çatırdı məqsədinə. 30 ilə yaxın ayaqyalın, başıaçıq doğma el-obasından didərgin düşmüş məcburi köçkünlərin keçirdiyi hisslər isə tamam başqa idi. Hər biri azad olmuş kəndlər içərisində öz doğma yurdlarının adını eşitmək üçün alışıb yanırdı. İllər öncə qucaqda gələn körpələr indi tank belində geri qayıdırdı. Ordumuzun qarşısında tab gətirməyən düşmən yenə öz məkrli əməllərinə davam edirdi. Döyüş bölgəsində aldıqları məğlubiyyətlərin əvəzini silahsız insanlardan çıxmağa çalışırdılar. Gəncə, Ağdam, Ağcabədi, Bərdə, Tərtər, Beyləqan, Mingəçevir kimi bölgələr isə müharibənin yükünü çiyinlərində ən çox daşıyanlar idi desək yanılmarıq. Düşmən hər nə qədər dinc insanları hədəf alsa da,bunlar qələbəyə susamış bir xalqı yolundan döndərə bilməzdi. 4 oktyabrda azğınlaşmış düşmən Gəncə şəhərinə raket yağdırdı. 1 mülki şəxs şəhid oldu, 30-dan çox dinc insan isə yaralandı. Vəhşiliklərinə davam edən düşmənə ən böyük cavab yenə döyüş meydanında qəhrəman əsgərlərimiz tərəfindən verildi. Arxasında dayanan milyonlarla həmvətənin dəstəyindən güc alan ordumuz oktyabrın 4-də Cəbrayıl şəhərini düşmən tapdağından azad etdi. Cəbrayıl zəfəri növbəti qələbələrə açılan qapı kimi xüsusi əhəmiyyətə malik idi. Döyüş meydanında darmadağın edilən düşmən bunun əvəzini yenə silahsız, dinc əhaliyə atəş açmaqla çıxmaq istəyirdi. Oktyabrın 17-də ermənilər döyüş bölgəsindən kilometrlərlə uzaqda yerləşən, elm və mədəniyyət beşiyi olan qədim Gəncə şəhərini sayca beşinci dəfə qanunsuz silahlardan hədəf aldı. Amma ardıcıl məğlubiyyətə düçar olan düşmən silah-sursatını ataraq qaçırdı. Sevdalı Natəvan qəzəlləri, ayaq altda əzilən, gözü yollarda qalan “Xarı – bülbül”, dağları dumanlı Şuşa gözləyirdi bizi. Ordumuz kimsənin ağlına belə, gəlməyən keçilməz yolları, dağları, daşları aşaraq addım-addım yaxınlaşırdı Şuşaya. Şuşanın azad olunması əməliyyatı üzərindən əsrlər keçsə də unudulmayacaq bir hərb dastanı idi. Yaralansa belə dayanmaq bilməyən igidlərin, şəhid qardaşlarını çiyinlərinə alıb, əzəmətli qayalara dırmanan qəhrəmanların qanları ilə yazdığı dastan idi bu. Düşməndən fərqli olaraq,bizim arxamızda Vətən dayanmışdı. Müqəddəs Vətən…

Rəşad QULİYEV

ADPU-nin Ağcabədi filialının tələbəsi

Əvvəlki məqaləYeni il arzuları
Növbəti məqalədəRayon şənliyi keçirilib

Xəbər lenti

Azərbaycan-Litva münasibətləri yüksələn xətlə inkişaf edir

     Tarixin hansı mərhələsində olursa-olsun, dünyanın siyasi xəritəsində meydana çıxan yeni müstəqil dövlət ayaq üstə qalmaq üçün bir-birindən çətin sınaqlarla üz-üzə gəlir....

Ümumrayon yığıncağı keçirilib

May ayının 21-də Ağcabədi rayon Mədəniyyət Mərkəzində bölgə  ərazisində ideoloji maarifləndirmə işini həyata keçirən təbliğat qrupu üzvlərinin iştirakı ilə ümumrayon yığıncağı keçirilib.

Bu gün onların peşə bayramıdır

Mayın 23-ü Ekologiya və Təbii Sərvətlər Nazirliyi işçilərinin peşə bayramıdır.  Bu münasibətlə 9 saylı Regional Ekologiya və Təbii Sərvətlər İdarəsinin əməkdaşları ulu...

“Fədakarlar bir amalın uğrunda” kitabının təqdimatı keçirilib

Mayın 21-də Nizami Kino Mərkəzində Mədəniyyət Nazirliyi tabeliyində Mədəniyyət üzrə Elmi-Metodiki və İxtisasartırma Mərkəzinin sektor müdiri,  Azərbaycan Jurnalistlər Birliyinin üzvü Aydın Tağıyevin...

Azərbaycan sülhə, təhlükəsizliyə və sabitliyə sadiqdir

Azərbaycan Respublikasının Prezidenti İlham Əliyevmayın 18-də Litva Prezidenti Gitanas Nausadının ölkəmizə səfəri ilə əlaqədar mətbat üçün bəyanat verib.  Ölkə Prezidenti bildirib...

“Çempionumuz” layihəsi çərçivəsində növbəti görüş

Azərbaycan Respublikasının Gənclər və İdman Nazirliyi, Azərbaycan Respublikasının Təhsil Nazirliyi və Azərbaycan İdman Könüllüləri İctimai Birliyi tərəfindən təsdiq edilmiş birgə əsasnaməyə müvafiq...

Deyimlərimiz, kəlamlarımız

         Bədii yaradıcılıq xalqımızın ruhunda, canındadır. Lap qədimdən bu günə qədər qaynayıb-daşan, axıb-coşan bu yaradıcılıq çeşməsi bitib-tükənmək bilmir. Zəngin məna çalarlarına malik...

Avşar elinin tarixi

         Fəzlullah Rəşidəddin (“Cəmiəttəvarix”), Yazıçıoğlu Əli (“Səlcuqnamə”) və Əbülqazi Bahadır Xan Xivəliyə (“Şəcəreitərakimə”) görə Avşar adının anlamı “işlərini cəld görən və ova...

Kümçülərə 877 qutu barama qurdu paylanılıb

         Respublikamızda barama istehsalına yüksək dövlət diqqət və qayğısından ruhlanan rayon kümçüləri 2022-ci təsərrüfat ilində  də bu mühüm kampaniyaya böyük həvəslə qoşulublar.

Şəhidlərin xatirəsi əbədiləşdirilib

         Rayonun İmamqulubəyli kəndində Birinci Qarabağ müharibəsi şəhidləri Hidayət Kərimov, Cavanşir Zeynalov, Savalan Kərimov, Yadigar Bəşirov və Röyal Baxşəliyevin xatirələrini əbədiləşdirmək məqsədi...

Şərhlər