29.8 C
Aghjabadi
Şənbə, İyun 25, 2022

Tanınmış idman mütəxəssisi

İdmanın əsas növlərindən olan  cüdonun vətəni Yaponiya sayılır. 1882-ci ildə yaranan bu idman növü hərfi tərcümədə “cü” yumşaq, “do” yol mənasını verir. Yaradıcısı Yaponiyanın məşhur idman mütəxəssisi Ciqaro Kano hesab olunur. Cüdonu Azərbaycanda sevənləri və onunla məşğul olanları çoxdur. Beynəlxalq turnirdə, respublika birinciliklərində cüdo üzrə ölkəmizi layiqincə təmsil edən  idmançılar və onların püxtələşməsində zəhməti və əməyi olan peşəkar məşqçi-müəllimlərimiz çoxdur. Onlardan biri də rayonumuzda cüdo idman növü üzrə məşq keçdiyi uşaqların istedadlı idmançı kimi yetişməsi üçün əlindən gələni əsirgəməyən bacarıqlı idman mütəxəssisi Bayram Novruzovdur. O, 1962-ci il mart ayının 8-də Ağcabədi rayonunda anadan olub. Orta məktəbi bitirdikdən sonra həqiqi hərbi xidmətini 1980-1982-ci illərdə Rusiya Federasiyasının Sverdlovsk (indiki Yekaterinburq) şəhərində keçib. B.Novruzov ali təhsilini qiyabi şəkildə 2003-2007-ci illərdə Gəncə şəhərində Müəllimlər İnstitutunun Pedaqogika və Metodika fakültəsində, 2007-2008-ci illərdə Azərbaycan Dövlət Pedaqoji Universitetinin tarix fakültəsində alıb. Gənc yaşlarından idmanın cüdo döyüş növü ilə yaxından maraqlanıb, ilk məşqini 1983-cü ildə Rusiya Federasiyanın Oryol şəhərində Əmək Ehtiyatları İdman Sarayında əməkdar idman ustası Nikolay Korolyovun yanında keçib. O, 1984-cü ildə Oryol şəhərində keçirilən şəhər və vilayət turnirlərində 60 kq çəkidə təmsil etdiyi idman növündə ikinci yeri tutaraq, gümüş medal qazanmağı bacarıb. B.Novruzov 1987-ci ildə Kazan şəhərində keçirilən çempionatda ikinci yerə layiq görülüb. İştirak etdiyi yarışlarda uğurlu nəticələr qazanan isedadlı idmançı 1988-ci ildə Boykova şəhərində keçirilən Rusiya çempionatında 5-ci yerə layiq görülərək, SSRİ idman ustalığı normasını yerinə yetirib. Doğma vətəninə qayıdan Bayram müəllim 1990-1991-ci illərdə rayonumuzda cüdo üzrə idman məqçisi kimi çalışıb. Uzun illərdən sonra o, yenidən 2011-ci ildə rayonumuzda məşqçi-müəllim kimi idman fəaliyyətini davam etdirib. O, 2018-ci ildən uşaqlar və yeniyetmələrlə rayonun Olimpiya İdman Kompleksində məşğul olur. Yetirmələrindən söz açan məşqçi Ruzi Əliyevdən uğurlu nəticələr gözlədiyini vurğulayıb. Ruzi 2013-2014-cü illərdə Sumqayıt şəhərində uşaqlar arasında keçirilən yarışlarda 2 dəfə ikinci yer tutaraq gümüş medala, 2 dəfə isə birinci yeri qazanaraq, qızıl medala layiq görülüb. O, Aran-Qarabağ bölgəsi üzrə uşaqlar arasında 2016-ci ildə Bərdə şəhərində, 2017-ci ildə isə Ağdam rayonunun Quzanlı qəsəbəsində cüdo üzrə keçirilən yarışlarda 1-ci yerə, 2018-ci ildə rayonumuzda yeniyetmələr arasında 2-ci yerə, 2019-cu ildə Naftalan şəhərində təşkil edilən yarışda isə 1-ci yerə layiq görülüb. Ruzinin digər uğurlu nəticəsi Sumqayıt şəhərində keçirilən ümumilli lider Heydər Əliyevin anım gününə həsr olunmuş beynəlxalq turnirdə olub. İdmançı yeniyetmələr arasında olan turnirdə 3-cü yer uğrunda mübarizədə güclü rəqibi üzərində əzmkar qələbə çalaraq bürünc medal qazanmağı bacarıb. Təkcə R.Əliyev deyil, digər yetirmələri də müəllimlərinin çəkdiyi zəhməti doğrultmaqdadır. Bu yaxınlarda rayonumuzda uşaqlar arasında keçirilən turnirdə təcrübəli məşqçinin yetirmələri 3 qızıl, 1 gümüş4 bürünc medal qazanıblar. Çempionatlarda daha yaxşı nəticə göstərən tələbələr yetişdirmək arzusu ilə Bayram müəllimə fəaliyyətində yeni-yeni uğurlar arzu edirik.

Hüseyn QULUZADƏ

Xəbər lenti

26 İyun Azərbaycan Silahlı Qüvvələri Günüdür

1918-ci il mayın 28-də müstəqilliyini elan etmiş Azərbaycan Xalq Cümhuriyyəti cəmi 23 ay yaşamasına baxmayaraq, ölkədə ordu quruculuğu sahəsində əhəmiyyətli addımlar ata...

“Şuşa ili”nə həsr olunmuş tədbir maraqla qarşılanıb

Ağcabədi Rayon Heydər Əliyev Mərkəzinin təşəbbüsü və təşkilatçılığı, "Ələk" ədəbi məclisi, Ağcabədi şəhər Uşaq İncəsənət Məktəbi, Qarabağ Muğam Mərkəzi və Ağcabədi Rayon...

Dövlətçiliyin və Xalqın xilaskarı

Azərbaycanın Xalqının Ümummilli Lideri Heydər Əlirza oğlu Əliyev  tarixə öz adnını qızıl həriflərlə yazmış dahi sərkərdə olmuşdur. Heç şübhəsiz ki, Ulu...

“Qəbələ”nin kapitanı: “Valideynlərim futbola getməyimə ancaq bir şərtlə razılaşmışdılar ki…” – MÜSAHİBƏ

Saytımızda bu gündən etibarən "TAM ŞƏXSİ" rubrikasına start veririk. Sözügedən rubrikada tanınmış futbolçularla onların futbol karyerası və ailə həyatına dair müsahibələrə yer...

Təbrik edirik!

            Azərbaycan Respublikasının Prezidenti İlham Əliyevin 22 iyun 2022-ci il tarixli Sərəncamı ilə respublikamızda bir qrup dövlət qulluqçusu “Dövlət qulluğunda fərqlənməyə görə”...

23 İyun Dövlət Qulluqçularının peşə bayramıdır

Azərbaycan Respublikasının Prezidenti İlham Əliyevin 25 may 2006-cı il tarixli Sərəncamına əsasən hər il İyunun 23-ü dövlət qulluqçularının peşə bayramı günü kimi...

Yerli idarəetmədə yeniliyin ünvanı

Dövlətin istəyi reallaşır, vətəndaş məmnun qalır Ağcabədi ölkənin böyük iqtisadi potensiala, əmək ehtiyatlarına malik rayonlarındandır. Bu diyarın torpağı münbit,...

Aran kəndində səyyar qəbul keçirilib

            Azərbaycan Respublikasının Prezidenti İlham Əliyevin tapşırığı ilə icra və idarəetmə orqanlarının rəhbərləri tərəfindən vaxtaşırı yerlərdə səyyar qəbullar keçirilir, vətəndaşların problemlərinin həlli...

Azərbaycan Milli Kitabxanasının direktoru , həmyerlimiz CENL toplantısında çıxış edib

Azərbaycan Milli Kitabxanasının direktoru Kərim Tahirov Ankarada Prezident Kitabxanasında keçirilən CENL toplantısında çıxış edib. Kitabxanadan bildirilib ki, Avropa Milli...

Azərbaycanda qanunsuz ağackəsmə ilə bağlı cinayət işi başlanılıb

Azərbaycanda qanunsuz ağackəsmə ilə bağlı cinayət işi başlanılıb. Bu barədə Baş Prokurorluğun Mətbuat Xidmətindən məlumat verilib.

Şərhlər