35.7 C
Aghjabadi

Ziyalının xatirəsi əbədiləşdirildi

Xeyirxah əməllər sahibi olan insanlar həyatda olmasalar belə, qəlblərdə iz qoyur, əbədi yaşayır. Ağcabədinin dəyərli ağsaqqallarından, ziyalılarından biri olan Xəlil Xəlilov da belə şəxsiyyətlərdən biridir. X.Xəlilov nəinki Ağcabədidə, onun hüdudlarından kənarda da böyük hörmət qazanmış insanlardan idi. Onun adı hər yerdə böyük ehtiramla çəkilir.

Xəlil Ələkbər oğlu Xəlilov 1922-ci ildə Ağcabədidə anadan olub. Orta məktəbi müvəffəqiyyətlə bitirsə də, II Dünya müharibəsinin başlanması onun ali təhsili davam etdirmək istəyinə imkan verməyib. O,1941-1945-ci illərdə Böyük Vətən müharibəsində iştirak edib, igidliklə vuruşaraq, yaralanıb. Müharibə illərində döyüşlərdəki igidliyinə görə “Vətən müharibəsi” ordeni və bir çox döyüş medalları ilə təltif olunub. Təhsilə, elmə böyük marağı olan gənc müharibədən qayıtdıqdan sonra imtahan verərək, Azərbaycan Dövlət Universitetinə daxil olub, 1951-ci ildə sözügedən təhsil ocağının tarix şöbəsinin fəlsəfə fakültəsini bitirib. X.Xəlilov 60 ildən çox bir müddətdə fasiləsiz olaraq, rayonda müxtəlif vəzifələrdə çalışıb. Bunun 20 ili rayon təhsil şöbəsinə rəhbərlikdə keçib. Bu dövrdə rayonda təhsilin inkişafı, uğurları onun adı ilə bağlıdır. Ayrı-ayrı illərdə Ağcabədi rayon Partiya Komitəsində şöbə müdiri işləyən qabaqcıl pedaqoq şəhər 1 saylı tam orta məktəbdə direktor kimi fəaliyyət göstərib. Səmimi bir insan olan Xəlil müəllim hər zaman müəllim və şagird kollektivinə heç vaxt  mənəvi dəstəyini əsirgəməyib. O, işlədiyi müddət ərzində hər zaman  şərəfli müəllim adını uca tutub. Bir neçə kitabın, məqalələrin  müəllifi olan təcrübəli müəllim neçə-neçə şeir, qəzəl də qələmə alıb. 

Onun pedaqoji xidmətləri, fədakar əməyi dövlət tərəfindən yüksək qiymətləndirilmişdir. “SSRİ-nin Maarif Əlaçısı”, “Qabaqcıl Maarif Xadimi” döş nişanlarına, “Oktyabr inqilabı” ordeninə, o cümlədən “əməkdar müəllim” fəxri adına layiq görülüb.

X.Xəlilov gözəl ailə başçısı kimi, sevimli həyat yoldaşı Qəmər xanımla birlikdə 5 övlad böyüdüb, boya-başa çatdırıb. Onların hamısı ali təhsillidir.

Dəyərli el ağsaqqalı 2018-ci ildə ömrünün 97-ci baharında gözlərini dünyaya əbədi olaraq yumub. 

Bu yaxınlarda tanınmış ziyalının adının əbədiləşdirilməsi məqsədilə rayon icra hakimiyyəti tərəfindən şəhərimizin küçələrindən birinə onun adı verilib. Bu xeyirxah addım hər bir rayon sakini tərəfindən böyük razılıqla və minnətdarlıqla qarşılanıb. 

Hüseyn QULUZADƏ

Xəbər lenti

Xaricdə yaşayan qonşusunun həyətində narkotik əkən Ağcabədi sakini saxlanılıb

Ağcabədi Rayon Polis Şöbəsinin əməkdaşlarının keçirdiyi tədbirlər nəticəsində xaricdə yaşayan qonşusunun həyətyanı sahəsində narkotik tərkibli bitkilər yetişdirməkdə şübhəli bilinən şəxs məsuliyyətə cəlb...

DİN əməkdaşları ov silahlarını təhvil ALDI

Ağcabədi rayon sakinləri könüllü olaraq ov silahlarını polis əməkdaşlarına təhvil veriblər. DİN-in Mətbuat Xidmətinin Bərdə regional qrupundan verilən məlumata...

Aşura məclislərinə uşaqları aparmaq olarmı?

   Qəzetimizin ötən sayında  bəzi cizgi filmlərinin uşaqların psixologiyasına necə mənfi təsir etməsi ilə bağlı bir yazı dərc olunmuşdu. Məqalədə qanlı-qırğınlı, ölüb-öldürməkli, partlayışlı,...

Ağcabədi 100 min tondan çox taxıl istehsal edilən rayonlar sırasındadır

Azərbaycanda əhalinin etibarlı ərzaq təminatı dövlətin iqtisadi siyasətinin başlıca istiqamətlərindən biridir. Kənd təsərrüfatının əsasını təşkil edən taxılçılıq bu sahədə mühüm əhəmiyyət kəsb...

İstedadlı şagirdin uğurlu addımları

Hərdən ömrün ötən günlərini vərəqləyir, həyatın necə keçdiyini gözlərim önündə canlandırmağa çalışıram. Təbii ki, ağrılı-acılı, sevincli ömrün günləri gözlərim önündə canlananda qələmi...

Millətin varlığını sübut edən onun dilidir

Ana dilimiz türk dilləri ailəsinin oğuz qrupuna daxil olan qədim və zəngin bir dildir. Dilimizin ifadə zənginliyi, axıcılığı və sadəliyi, səlist ahəngi...

Parlaq Qələbə Azərbaycan üçün geniş meydanlar açır

Prezident İlham Əliyev iyulun 25-də Masallı, Lerik və Göygöl Rayon İcra Hakimiyyətlərinin yeni başçılarının vəzifələrinə təyin olunmaları ilə əlaqədar keçirdiyi qəbul zamanı...

Sudan səmərəli istifadə mühüm amildir

Avqustun 2-də Ağcabədi rayonunda Kür çayının aşağı axarında suvarma suyundan səmərəli istifadə üzrə kənd təsərrüfatı istehlakçılarının məlumatlandırılması və maarifləndirilməsi ilə bağlı dəyirmi...

UŞAQLARI PSİXOLOJİ TERRORDAN NECƏ QORUYAQ ?

Bu gün teleekranda yayımlanan cizgi filmlərinin böyük əksəriyyəti qanlı-qırğınlı, ölüb-öldürməkli, partlayışlı, aqressiv planlı, təbiətdə analoqu olmayan qorxunc-ən yaxşı halda ifadəsiz sifətli naməlum...

Küçə iti ilə söhbət

- Salam, küçə iti - Ham... ham...  Sadəcə it deyə bilməzdin? - Axı küçədə yaşayırsan

Şərhlər