22.8 C
Aghjabadi

20 Yanvar

Təqvimdə qara rəngdədir uşaqlığımın qan yaddaşı 20 Yanvar. Bu tarix azadlıq uğrunda küçələrə axışıb imperiya ordusuna qarşı etiraz səslərini ucaldan mücahidlərin adını əbədiləşdirən bir tarixdir. Bu tarix həmrəyliyin, mübarizliyin təzahürüdür. Bu tarix sevgi simvoluna çevrilən Leyli və Məcnun adını Fərizə və İlhamla əvəzləyən tarixdir. 20 Yanvar Azərbaycan tarixində təkcə faciə, hüzn günü kimi deyil, valideynlərimin, müəllimlərimin anlatdığı Azərbaycanın istiqlal yolunun ilk zirvəsi, milli azadlıq istəyinin oyanış günü kimi uşaqlıq yaddaşıma köçdü. Böyüklərimizin həmin vaxt matəm saxlaması, televiziya vasitəsilə faciəni əks etdirən görüntüləri izləyib ağlaması, insanların əllərində qərənfillər Şəhidlər Xiyabanına axını heç yadımdan çıxmaz…

Hələ həyatı tam dərk etməyən 2- ci sinif şagirdini böyüklərin hadisə haqqında danışdıqları düşündürürdü. Eşitdiklərim bunlar idi: 20 yanvar günü Bakıda sovet ordusu dinc əhaliyə qarşı dəhşətli qırğın törətdi, amma Azərbaycan xalqının əzmini qıra bilmədi. Candan keçərək şəhidliyə ucalan Vətən övladları fədakarlığı ilə xalqımızın qəhrəmanlıq  salnaməsinə öz adlarını şərəflə yazdılar:

İnsan insan olur öz hünəriylə,

Millət millət olur xeyri, şəriylə,

Torpağın bağrına cəsədləriylə,

Azadlıq toxumu əkdi Şəhidlər..

Elə o zamandan anlamağa başladım ki, Vətənimin azadlığı müstəqilliyi uğrunda sinəsini sipər edən, canından keçən qəhrəmanlara Şəhid deyirlər…

Hər il 20 Yanvar şəhidlərini böyük ehtiramla yad etdikcə, onların həyatı bahasına əldə edilən müstəqilliyi qorumaq borcunu daha dərindən dərk etdim və Vətən sevgisi də mənimlə birlikdə hər gün böyüdü.

O qanlı gecənin açılan səhəri, işıqlı sabahı varmış. Candan keçərək, torpağa azadlıq toxumu əkən Vətən övladlarından sonra millətimizin vüqarını sınmağa, ümidini sönməyə qoymayan oğullar doğuldu, böyüdü…

Şəhid qanıyla müqəddəsləşən Vətən torpağına möhür kimi baş qoyub səcdə etməliyik. 20 Yanvar faciəsindən sonra matəm simvolu olan qərənfil güllərinin kədərdən mayalanmış göz yaşlarını 31 il sonra qələbə simvolu olan Xarı bülbül sildi .

Vətənin müstəqilliyi uğrundan candan keçən hər bir Şəhidin ruhu qarşısında baş əyərək hörmətlə anırıq. Ruhunuz şad olsun, cənnət ətirli Şəhidlər!

Aynurə İNCİ

Xəbər lenti

Kəhrizli kəndində səyyar qəbul keçirilib

            Ağcabədi Rayon İcra Hakimiyyətinin başçısı Rafil Hüseynov səyyar qəbullarda rayonun müxtəlif kəndlərində yaşayan sakinlərlə görüşür, mövcud problemlərin həlli istiqamətində müvafiq tapşırıqlar...

Şəhid Toğrul Abbasovun anım günü qeyd edildi

            Torpağı Vətən edən, onu bütövləşdirən, bu amal uğrunda şəhadətə ucalan Vətən oğullarının sırasında Abbasov Toğrul Bayram oğlu da var idi. Sentyabrın...

Prezident İlham Əliyev Füzuli rayonuna səfər edib

https://www.youtube.com/watch?v=eo_JiDuoPAI

Şəhid Əmrah Mamedovun Anım günü qeyd olunub

            Sentyabrın 27-də Vətən müharibəsində qəhrəmancasına vuruşaraq, şəhadətə ucalan Əmrah Mamedovun anım mərasimi keçirildi. Mərasimində Ağcabədi Rayon İcra...

Müstəqilliyimizin əbədi qarantı

Azərbaycan Respublikasının Prezidenti İlham Əliyev sentyabrın 27-də Füzuli rayonuna səfəri zamanı geniş çıxış edib. Dövlət başçısı qeyd edib ki, 27 sentyabr - Anım Günü bütün Azərbaycan xalqı şəhidlərimizin əziz...

Qızılyel xəstəliyinin hansı fəsadları ola bilər?

“Qızılyel streptokokk mikrobun törətdiyi ağır infeksion xəstəlikdir. Qızılyel zamanı dəri zədələnir, dəridə xarakterli al-qırmızı ləkələr əmələ gəlir”. Bu söləri Mayomed Fizioterapiya və...

Televiziyadan baxdığımız superliqa və ya bizimkilərə Türkiyədə niyə maraq yoxdur?

Ötən mövsümün sonlarına doğru Türkiyənin nəhəng klubları olan "Beşiktaş" və "Qalatasaray"ın məsul şəxslərinin Azərbaycandan futbolçu transfer edə biləcəklərini dilə gətirmələri yerli mediamızda...

Çox oxuyan, çox bilər

Nitq mədəniyyətinin formalaşmasında və söz ehtiyatının yaranmasında bilik mənbəyi olan kitablar əvəzedilməz rol oynayır. Son dövrlər təəssüf ki, kitaba münasibət xeyli dəyişib,...

Rayonda 2022-ci il yanvar-iyun aylarında əhaliyə göstərilən ödənişli xidmət və iaşə dövriyyəsi

2022-ci il yanvar-iyun aylarında rayon ərazisində ümumilikdə əhaliyə 32687.9 min manat ödənişli xidmət göstərilmişdir. Əhaliyə göstərilən ödənişli xidmətlərin həcmi 2021-ci ilin müvafiq...

Ucalaraq əbədiyyət zirvəsinə…

Ellər üçün can vermək də dedi, azdı,Həyatıyla ölümlərə məzar qazdı.Öz adından zamanlara zəfər yazdı,Tarixlərdə həmişəlik qaldı şəhid. Amalından günəş...

Şərhlər