7.5 C
Aghjabadi

Şəhidin xatirəsi anılıb

​Rayonun Sarıcalı kəndində Vətən müharibəsi qəhrəmanı,  şəhid Ceyhun Mustafazədənin anım mərasimi keçirilib. Mərasimdə Ağcabədi Rayon İcra Hakimiyyətinin məsul işçiləri , kənd sakinləri, müəllim və şagirdlər, şəhidin doğmaları, döyüş yoldaşları, ağsaqqallar, media nümayəndələri iştirak ediblər. 

Mərasimə qatılanlar öncə Ceyhun Mustafazadənin Sarıcalı kənd qəbiristanlığındakı məzarını ziyarət edib, onun üzərinə tər çiçək dəstələri düzüblər.  Şəhidin ruhuna dualar oxunub. 

Anım tədbiri Müşfiq Uluxanov adına Sarıcalı kənd tam orta məktəbində davam etdirilib.  Torpaqlarımızın azadlığı uğrunda həlak olmuş şəhidin xatirəsi bir dəqiqəlik sükutla yad edilib.  Ağcabədi Rayon İcra Hakimiyyətinin şöbə müdiri Şöhrət Orucov yığıncaqda çıxış edrək, şəhid Ceyhun Mustafazadənin qısa, lakin şərəfli həyat yolundan söz açıb.  Qeyd edilib ki, igid döyüşçü 27 yanvar 1997-ci ildə Sarıcalıda anadan olub. Onun atası Şükür Adilov I Qarabağ müharibəsində fəal iştirak edib. Ceyhun orta məktəbi bitirdikdən sonra Ağcabədi Pedaqoji Kollecində təhsil alıb, texnologiya müəllimliyi ixtisasına yiyələnib. O, 2017-ci ilin iyun ayında Milli Orduda hərbi xidətə çağrılıb, Naxçıvanda “N” saylı hərbi hissədə kəşfiyyatçı kimi qulluq göstərib. 

C. Mustafazadə 2020-ci ilin yanvarında müddətdənartıq hərbi qulluqçu kimi ordu sıralarında xidmətini davam etdirib, Naxçıvanın Günnüt kəndinin azad edilməsində fərqlənib.

Vətən müharibəsi başlananda o, azğın düşmənlə mübarizə meydanına atılıb. Xüsusi Təyinatlı Qüvvələrdə kəşfiyyatçı kimi torpaqlarımızın işğaldan azad olunmasında igidliklər göstərib. Cəsur kəşfiyyatçı Murov yüksəklikləri, Cəbrayıl, Füzuli, Ağdərə istiqamətlərində, Suqovuşan kəndi və Mübariz İbrahimov postu uğrunda gedən qanlı döyüşlərdə böyük hünər və cəsarət nümayiş etdirib., erməni faşistlərinə sarsıdıcı zərbələr vurub. O, 10  oktyabr 2020-ci ildə Ağdərə istiqamətində gedən döyüşlərin birində qəhrəmancasına həlak olub, şəhidlik zirvəsinə yüksəlib. 

Azərbaycan Respublikası Prezidenti İlham Əliyevin müvafiq Sərəncamları ilə Ceyhun Mustafazadə “Vətən uğrunda”, “Suqovuşanın azad olunmasına görə”, “Cəsur döyüşçü”, “Kəlbəcərin azad olunmasına görə” medalları ilə təltif olunub. Bu gün igid həmyerlimizin əziz xatirəsi böyük hörmət və ehtiramla yad edilir. 

Sonra qəhrəmanın atası Şükür Adilov, döyüş yoldaşları, müəllimlər, kənd ağsaqqalları çıxış edərək, onun mənalı həyatı haqqında ürək sözlərini söyləyib, xatirələrini bölüşüblər. 

Anım tədbirinin sonunda Müşfiq Uluxanov adına Sarıcalı kənd tam orta məktəbi şagirdlərinin ifasında Vətənə, Qarabağa, torpağa və şəhidlərə həsr olunmuş şeirlər səsləndirilib. 

“Aran”

Xəbər lenti

Köyük kəndində səyyar qəbul keçirilib

Ağcabədi Rayon İcra Hakimiyyətinin başçısı Rafil Hüseynovun dekabr ayı üzrə ilk, 2022-ci il üçün isə növbəti səyyar qəbulu Köyük kəndində keçirilib. Qəbulda rayonun hüquq-mühafizə orqanlarının, idarə, müəssisə və təşkilatların rəhbərləri, kənd sakinləri...

Əhməd Cavadın 130 illik yubileyi qeyd olunub

Noyabrın 24-də ADPU-nun Ağcabədi filialında görkəmli Azərbaycan şairi və ictimai xadimi Əhməd Cavadın anadan olmasının 130 illik yubiley tədbiri keçirildi.

Müasir poeziyamızda Qarabağ hadisələrinin və qələbəmizin bədii əksi

      Bütövlüyün, vəhdətin izini, bəlkə də, sərhədlərdən silmək olar, amma yadlaşlardan, qandan yox. Odur ki, bu xalqın yaddaşından silinməyən, “böyük bir həsrət...

Ağcabədidə sürətli şahmat üzrə rayon turniri keçirilmişdir

    30 noyabr 2022-ci il tarixdə Ağcabədi Rayon Gənclər və İdman İdarəsinin və Uşaq Gənclər İdman Şahmat Məktəbinin birgə təşkilatçılığı ilə uşaq...

Azərbaycanın uğurlu inkişafının memarı Ulu Öndər Heydər Əliyev olmuşdur

    Ümummilli Lider Heydər Əliyevin Azərbaycan tarixində rolu, həlledici olmaqla bərabər, çoxcəhətli və çoxşaxəli xarakteri ilə xüsusi əhəmiyyətə malikdir. Ölkəyə rəhbərlik etdiyi...

295 min ton təhvil verilib

Bugünədək fermerlər tərəfindən kondisiya çəkidə 295645 ton pambıq yığılaraq tədarük məntəqələrinə təhvil verilib. Kənd Təsərrüfatı Nazirliyinin yaydığı məlumata görə,...

Bakıda “Gender bərabərliyi və idarəetmə” mövzusunda təlimlərə start verilib

Noyabrın 28-də Ailə, Qadın və Uşaq Problemləri üzrə Dövlət Komitəsinin (AQUPDK) təşkilatçılığı və Avropa İttifaqının dəstəyi ilə "Gender bərabərliyi və idarəetmə” mövzusunda...

Regional sabitlik və potensial əməkdaşlıq təmin olunacaq

Noyabrın 25-də Bakıda, ADA Universitetində “Orta Dəhliz boyunca: geosiyasət, təhlükəsizlik və iqtisadiyyat” mövzusunda beynəlxalq konfrans keçirilib. Prezident İlham Əliyev konfransda iştirak edib.

“Baş məşqçinin məni niyə əvəzedici heyətə göndərdiyini bilmədim” – MÜSAHİBƏ

"Aranqezet.az" saytı vaxtilə Bakının "Neftçi" klubunda top qovan və Azərbaycan futbol tarixinə yeganə avstraliyalı futbolçu kimi düşən Con Tamburasın müsahibəsini təqdim edir.

Pambıq yığımı davam edir

     Rayonumuzda ənənəvi təsərrüfat sahəsi olan pambıqçılıq ölkə rəhbərinin diqqət və qayğısı sayəsində öz əvvəlki şöhrətinə qayıdır.Bu isə təsərrüfat rəhbərlərində böyük ruh...

Şərhlər