17.8 C
Aghjabadi
Çərşənbə axşamı, May 24, 2022

Çörəyə biganə yanaşmaq olmaz!

         Ta qədimdən xalqımız çörəyə müqəddəs nemət kimi dərin hörmət və ehtiram bəsləyib. Hətta çörəyin adı inam və and yerinə çevrilib. Çünki biz azərbaycanlıların ən çox istifadə etdiyi əziz nemət məhz çörək hesab olunur. Məlumdur ki, başqa millətlərlə müqayisədə bizlər çörəklə daha çox qidalanırıq. Odur ki, evimizdə həmişə bu müqəddəs nemətin bolluğunu istəyirik. Çörəyin bolluğu Vətənin də güclü, qüdrətli olmasına dəlalət edir. Xalq şairi Səməd Vurğun demişkən, “Çörək bol olarsa, basılmaz Vətən.”

Ölkəmizdə əhalinin çörəyə olan bu yüksək tələbatı nəzərə alınaraq taxılçılığın inkişafı diqqət mərkəzində saxlanılır. Respublikanın taxıl əkini sahələrindən hər il kifayət qədər məhsul istehsal olunur. Lakin tədarük edilən taxıl ehtiyatları çörəyə olan zəruri ehtiyacı tam ödəyə bilmir. Odur ki, ölkəmizə digər dövlətlərdən əlavə olaraq buğda idxal olunur. Azərbaycana taxıl məhsullarını ixrac edən ölkələr sırasında Rusiya ön cərgədə durur. Dünyada yaranmış böhranla əlaqədar Rusiyanın yüksək ixrac rüsumlarını tətbiq etməsi səbəbindən respublikamızda ərzaqlıq buğdanın, unun və çörəyin qiymətinin bahalaşması qaçılmaz olub.

Bununla əlaqədar dövlət tərəfindən müvafiq qabaqlayıcı tədbirlər həyata keçirilib, yaranmış vəziyyətin yüngülləşdirilməsi üçün lazımi ölçülər götürülüb. Ölkə üzrə növlərə görə çörəyin satış qiymətləri müəyyənləşdirilib.

Respublikanın hər yerində olduğu kimi, rayonumuzda fəaliyyət göstərən çörək emalı zavod və sexləri də yanvarın əvvəlindən satış qiymətlərini artırıblar. Lakin təəccüblüsü burasındadır ki, çörəyin qiymətinin artırılmasına baxmayaraq, rayonun çörəkbişirmə müəssisəsi və sexlərində onun çəkisinin azaldılması müşahidə olunur. Necə deyərlər, qiymət artdıqca çörəyin çəkisi də azalmağa başlayıb. Bu azmış kimi, istehsal edilən çörəyin keyfiyyəti də nəzərəçarpacaq dərəcədə aşağı düşüb. Çörəyin linc, yanıq olması, nazik yayılaraq bişirilməsi, nəmliyinə fikir verilməməsi də narahatlıq doğuran cəhətlərdəndir.

Çörəyin bişirildikdən sonra saxlanılmasında, satışında, ticarət obyektlərinə daşınmasında da ciddi nöqsanlara yol verilir. Bu zaman sanitariya qaydalarına düzgün əməl edilmir. Çörəkbişirmə sexlərində koronavirus pandemiyası ilə əlaqədar karantin qaydalarının pozulması hallarına tez-tez rast gəlinir.

Bütün bunlar haqlı olaraq alıcılar tərəfindən narazılıqla qarşılanır. Həqiqətən, qiymətin artırılması çörəyin keyfiyyətli olmasını gündəmə gətirir. Gündəlik istehlak məhsulu olduğu üçün onun keyfiyyətinə daim nəzarət edilməsi önəmli əhəmiyyət daşıyır. Çörəyin standartlara uyğun olaraq keyfiyyətlə bişirilməsi hər bir istehsalçının ən mühüm vəzifəsidir. Bu, ilk öncə hər kəsdən əsil vətəndaşlıq mövqeyi və məsuliyyət tələb edir.

Yəhya PAŞAZADƏ

Xəbər lenti

Bu gün onların peşə bayramıdır

Mayın 23-ü Ekologiya və Təbii Sərvətlər Nazirliyi işçilərinin peşə bayramıdır.  Bu münasibətlə 9 saylı Regional Ekologiya və Təbii Sərvətlər İdarəsinin əməkdaşları ulu...

“Fədakarlar bir amalın uğrunda” kitabının təqdimatı keçirilib

Mayın 21-də Nizami Kino Mərkəzində Mədəniyyət Nazirliyi tabeliyində Mədəniyyət üzrə Elmi-Metodiki və İxtisasartırma Mərkəzinin sektor müdiri,  Azərbaycan Jurnalistlər Birliyinin üzvü Aydın Tağıyevin...

Azərbaycan sülhə, təhlükəsizliyə və sabitliyə sadiqdir

Azərbaycan Respublikasının Prezidenti İlham Əliyevmayın 18-də Litva Prezidenti Gitanas Nausadının ölkəmizə səfəri ilə əlaqədar mətbat üçün bəyanat verib.  Ölkə Prezidenti bildirib...

“Çempionumuz” layihəsi çərçivəsində növbəti görüş

Azərbaycan Respublikasının Gənclər və İdman Nazirliyi, Azərbaycan Respublikasının Təhsil Nazirliyi və Azərbaycan İdman Könüllüləri İctimai Birliyi tərəfindən təsdiq edilmiş birgə əsasnaməyə müvafiq...

Deyimlərimiz, kəlamlarımız

         Bədii yaradıcılıq xalqımızın ruhunda, canındadır. Lap qədimdən bu günə qədər qaynayıb-daşan, axıb-coşan bu yaradıcılıq çeşməsi bitib-tükənmək bilmir. Zəngin məna çalarlarına malik...

Avşar elinin tarixi

         Fəzlullah Rəşidəddin (“Cəmiəttəvarix”), Yazıçıoğlu Əli (“Səlcuqnamə”) və Əbülqazi Bahadır Xan Xivəliyə (“Şəcəreitərakimə”) görə Avşar adının anlamı “işlərini cəld görən və ova...

Kümçülərə 877 qutu barama qurdu paylanılıb

         Respublikamızda barama istehsalına yüksək dövlət diqqət və qayğısından ruhlanan rayon kümçüləri 2022-ci təsərrüfat ilində  də bu mühüm kampaniyaya böyük həvəslə qoşulublar.

Şəhidlərin xatirəsi əbədiləşdirilib

         Rayonun İmamqulubəyli kəndində Birinci Qarabağ müharibəsi şəhidləri Hidayət Kərimov, Cavanşir Zeynalov, Savalan Kərimov, Yadigar Bəşirov və Röyal Baxşəliyevin xatirələrini əbədiləşdirmək məqsədi...

ZƏFƏR QURULTAYI UĞURLU SİYASƏTİN NƏTİCƏSİDİR

https://www.youtube.com/watch?v=dqfE9owZVPk&t=71s

Kürdəmirdə baş verən avtoqəzada Ağcabədi sakinləri xəsarət alıb

Hadisə bu gün səhər Ağsu-Kürdəmir-İmişli avtomobil yolunun rayonun Atakişili kəndindən keçən hissəsində qeydə alınıb. Belə ki, “Mercedes” markalı minik avtomobilinin sürücüsü İmişli...

Şərhlər