35.7 C
Aghjabadi

Xocalı faciəsi unudulmur

            Müharibə bəşəriyyətin ağır xəstəliyi, soyqırım isə sağalmaz yarası hesab olunur. Xalqımızın Xocalı faciəsi də belə sağalmaz yaralarındandır. Bu dəhşətli faciə dünya xalqlarının XX əsrdə üzləşdikləri Xorosima, Sonqmi, Xatın, Holokost və sair kimi soyqırım aktları ilə müqayisə oluna bilər. Aradan 30 il keçməsinə baxmayaraq, onun vurduğu yaralar sağalmır. Yəqin ki, heç vaxt da sağalmayacaq. 1992-ci il fevralın 25-dən 26-na keçən gecə erməni faşistləri keçmiş sovet ordusunun 366-cı motoatıcı alayının canlı qüvvəsi və texnikasının köməyi ilə Xocalı şəhərinə soxularaq insanlığa sığışmayan vəhşiliklər törətdilər.

            Bu qanlı cinayət nəticəsində şəhər yerlə yeksan ediib, xarabazarlığa çevrilib. Hücum zamanı cəlladlar qadınlara, uşaqlara və qocalara aman verməyərək, qətlə yetiriblər. Həmin vaxt 613 nəfər, o cümlədən 106 nəfər qadın, 63 nəfər uşaq, 70 nəfər qoca xüsusi qəddarlıqla öldürülüb. Ermənilər tərəfindən 1275 nəfər dinc sakin əsir götürülüb ki, onların 150 nəfərinin taleyindən indiyə qədər heç bir xəbər yoxdur. Bu dəhşətli faciə 8 ailənin tamamilə məhv olması, 25 nəfər uşağın hər iki valideynini, 132 uşağın isə valideynlərindən birini itirməsi ilə nəticələnib.

            Əslində, Xocalı soyqırımı təcavüzkar erməni millətçilərinin torpaqlarımızı zəbt etmək, xalqımıza qarşı etnik təmizləmə siyasətinin ən qanlı səhifəsidir. Xocalı faciəsi xalqımızın böyük oğlu, ümummilli  lider Heydər Əliyevin tarixi xidməti sayəsində əsil siyasi qiymətini alıb.

            Dövlətimizin həyata keçirdiyi ardıcıl, məqsədyönlü siyasət nəticəsində Xocalı faciəsi dünya dövlətləri tərəfindən geniş tanınıb. Həmin ölkələrin sayı 10-dan çoxdur.

            Xocalı soyqırımı haqqında həqiqətlərin dünya ictimaiyyətinə çatdırılmasında Azərbaycan Respublikasının Prezidenti İlham Əliyevin, Birinci vitse-prezident Mehriban xanım Əliyevanın əvəzsiz xidmətləri vardır. Heydər Əliyev Fondunun vitse-prezidenti Leyla Əliyevanın təşəbbüsü ilə “Xocalıya ədalət” beynəlxalq kompaniya çərçivəsində hər il keçirilən silsilə tədbirlər bu baxımdan mühüm əhəmiyyət kəsb edir.

            Xocalı faciəsini törətməklə ermənilər torpaqlarımızı zorla ələ keçirsələr də , xalqımızın iradəsini qıra bilmədilər. Faciə soydaşlarımızı birləşdirdi, daha da mətinləşdirdi, igid Vətən oğullarının torpaqlarımızın bütövlüyü naminə qətiyyətli mübarizəyə səfərbər etdi.

            2020-ci ilin 27 sentyabrında başlanan 44 günlük Vətən müharibəsində qəhrəman Milli Ordumuz Ali Baş Komandan İlham Əliyevin rəhbərliyi altında torpaqlarımızı işğaldan azad etməklə yeni bir tarix yazdı. Müharibə zamanı “dəmir yumruq” xariqələr yaratdı, qalib gəldi.  Qazanılmış parlaq qələbə sayəsində Xocalı qurbanlarının da qisası alınd, şəhidlərimizin qanı yerdə qalmadı. Azərbaycan öz ərazi bütövlüyünü təmin etdi. Vətən bütövləşdi. Xalqımız öz Prezidentinin ətrafında yumruq kimi sıx birləşərək, yeni bir tarixi reallığa qovuşdu.

İslam ƏHMƏDOV

Ağcabədi Rayon Qeydiyyat şöbəsinin rəisi

Xəbər lenti

Xaricdə yaşayan qonşusunun həyətində narkotik əkən Ağcabədi sakini saxlanılıb

Ağcabədi Rayon Polis Şöbəsinin əməkdaşlarının keçirdiyi tədbirlər nəticəsində xaricdə yaşayan qonşusunun həyətyanı sahəsində narkotik tərkibli bitkilər yetişdirməkdə şübhəli bilinən şəxs məsuliyyətə cəlb...

DİN əməkdaşları ov silahlarını təhvil ALDI

Ağcabədi rayon sakinləri könüllü olaraq ov silahlarını polis əməkdaşlarına təhvil veriblər. DİN-in Mətbuat Xidmətinin Bərdə regional qrupundan verilən məlumata...

Aşura məclislərinə uşaqları aparmaq olarmı?

   Qəzetimizin ötən sayında  bəzi cizgi filmlərinin uşaqların psixologiyasına necə mənfi təsir etməsi ilə bağlı bir yazı dərc olunmuşdu. Məqalədə qanlı-qırğınlı, ölüb-öldürməkli, partlayışlı,...

Ağcabədi 100 min tondan çox taxıl istehsal edilən rayonlar sırasındadır

Azərbaycanda əhalinin etibarlı ərzaq təminatı dövlətin iqtisadi siyasətinin başlıca istiqamətlərindən biridir. Kənd təsərrüfatının əsasını təşkil edən taxılçılıq bu sahədə mühüm əhəmiyyət kəsb...

İstedadlı şagirdin uğurlu addımları

Hərdən ömrün ötən günlərini vərəqləyir, həyatın necə keçdiyini gözlərim önündə canlandırmağa çalışıram. Təbii ki, ağrılı-acılı, sevincli ömrün günləri gözlərim önündə canlananda qələmi...

Millətin varlığını sübut edən onun dilidir

Ana dilimiz türk dilləri ailəsinin oğuz qrupuna daxil olan qədim və zəngin bir dildir. Dilimizin ifadə zənginliyi, axıcılığı və sadəliyi, səlist ahəngi...

Parlaq Qələbə Azərbaycan üçün geniş meydanlar açır

Prezident İlham Əliyev iyulun 25-də Masallı, Lerik və Göygöl Rayon İcra Hakimiyyətlərinin yeni başçılarının vəzifələrinə təyin olunmaları ilə əlaqədar keçirdiyi qəbul zamanı...

Sudan səmərəli istifadə mühüm amildir

Avqustun 2-də Ağcabədi rayonunda Kür çayının aşağı axarında suvarma suyundan səmərəli istifadə üzrə kənd təsərrüfatı istehlakçılarının məlumatlandırılması və maarifləndirilməsi ilə bağlı dəyirmi...

UŞAQLARI PSİXOLOJİ TERRORDAN NECƏ QORUYAQ ?

Bu gün teleekranda yayımlanan cizgi filmlərinin böyük əksəriyyəti qanlı-qırğınlı, ölüb-öldürməkli, partlayışlı, aqressiv planlı, təbiətdə analoqu olmayan qorxunc-ən yaxşı halda ifadəsiz sifətli naməlum...

Küçə iti ilə söhbət

- Salam, küçə iti - Ham... ham...  Sadəcə it deyə bilməzdin? - Axı küçədə yaşayırsan

Şərhlər