18.9 C
Aghjabadi

Xocalım mənim

        Bu il Xocalı faciəsinin törədilməsindən   30  il keçir.  Xocalı faciəsi– dünya tarixində insanlığa qarşı qanlı bir təcavüzdür. Xocalı faciəsindən nə qədər  də çalışsaq  ki, həyacansız, emosiyasız danışaq, mümkün olmur,hisslərimizə hakim kəsilə bilmirik. Damarımızda qanımız daha da coşur, ürəyimiz daha da tez-tez döyünür,kəlmələrimiz boğazımızda düyünlənir. Xocalı-bizim qaysaq bağlamayan ağır yaramızdır. Xocalı  faciəsi erməni təcavüzkarları tərəfindən  Azərbaycan xalqına qarşı törədilmiş əsl soyqırımdır  1992-ci il fevralın  26-da soyuq,qarlı, şaxtalı bir qış  gecəsində qanlı düşmən öz havadarlarının köməyi ilə silahsız, köməksiz , əliyalın  Xocalıda yaşayan yüzlərlə vətəndaşlarımıza-uşaqlara,qadınlara, qocalara aman verməyərək qətlə yetirdilər. Cəlladlar öldürdükləri insanların cəsədlərini belə,təhqir etdilər. Bu qətliamda iştirak edən hərbiçiləri, cəlladları ermənilər sonradan orden, medallarla təltif etdilər, onları vətən qəhrəmanı adlandırdılar. Doğrudur, Xocalı fəryadımıza dünyada yaşayan bir çox millətlər səs verdilər , dərdlərimizə şərik oldular, bu dəhşətli faciəni öz olkələrində həm  televiziya kanallarında, həm də mətbuatda yayımladılar.Lakin özlərini demokratik adlandıran bir çox ölkələrdə Xocalı faciəsinə ədalətli,  birmənalı yanaşılmadı,hüquqi qiymət verilmədi .Belə olan halda düşünürsən necəolur ki, I əsr bundan öncə ermənilərin yalandan uydurduqları erməni soyqırımını tanımaq ücün öz parlamentlərində müzakirəyə çıxarırlar,  amma yaxın keçmişdə onların özlərinin də yaşadığı bir zaman dönəmində  XX əsrin sonunda əsrin faciəsi olan  Xocalı soyqırımına biganəyanaşır, özlərini eşitməzliyə ,görməzliyə vururlar.  

      Dövlətimizin II  Qarabağ savaşında apardığı  44 gün davam edən Vətən müharibəsində  Müzəffər ordumuz Şanlı Qələbə çaldı. Bu qələbə Prezidentimiz, ordumuz və xalq birliyi, vəhdəti nəticəsində əldə edildi  II Qarabağ müharibəsində xeyli erməni hərbçiləri əsir düşdü. Xocalı faciəsində ermənilərin törətdikləri o dəhşətli cinayətlərinəvəzini çıxmaq, qisas almaq ücün əsl məqam idi. Lakin biz onlara qarşı pis rəftar  göstərdikmi,onları təhqir etdikmi, onlara  təcavüz etdikmi? Əlbəttə , yox. Çünki biz erməni deyilik ,biz onlara bənzəməzdik. Qoy erməni xisləti, xəstə erməni psixikası özlərində qalsın,öz mənəviyyatlarını məhv etsin, içlərini parçalasın. Biz həmişə  Xocalı Faciəsi Günündə özümüzü qınayırdıq ki,hələ də günahsız soydaşlarımızın qisası alınmayıb. Amma indi qalib bir xalq,olaraq ürəyimizdə bir təskinlik tapırıq,  nə yaxşı ki,torpaqlarımızı düşmən tapdağından qurtara bildik. Böyük Qələbə qazandıq. Bu qələbəmiz nəticəsində Şuşa şəhərinin xilas olunması bizim üçün daha önəmli oldu . Şuşa  Azərbaycanımızın baş tacıdır. Biz Şuşamızla qürur duyuruq amma gəlin yaddan çıxarmayaq ki, Xocalımız da ən azı Şuşa qədər bizim ücün çox dəyərlidir, namusumuz, ləyaqətimizdir. İzn vermərik ki, ermənilər bizə göz dağı versinlər. Belə bir el misalı var ki, qarı düşmən qocalmaz.Bəli! Qələbə çaldıq, torpaqlarımıza qovuşduq,lakin düşmən hələ də revanş hissi ilə yaşayır. Düşünür ki güclənib,yenidən torpaqlarımıza hücum etsinlər,onlara məxsus olmayan əraziləri geri qaytarsınlar. Lakin unutmasınlar ki,ölkəmiz çox güclənib, onların özlərinə gəlməsi üçün isə neçə illər lazımdır.Nankor ermənilər həm illərlə gözəl ərazilərimizdə yaşadilar həm də o torpaqlara minalar basdırdılar. Ermənilərin yaşadiqlari Ermənistan ərazisi isə qədim Azərbaycan torpaqlaridir. Dədə -babalarimizdan zorla, fitnə -fəsadla qopardıqları torpaqlarda xoşbəxtcəsinə yaşaya bilmirlər. Ona görə ki, torpaq ayaqlarının altında od tutub yanır, alovlanır.

     Biz Xocalı faciəsini hec vaxt unutmadiq, nə tarix nə də gələcək nəsillər bu dəhşətləri unuda bilməz. Xocalı yaralarına məlhəm olan doğma sakinlərinin yolunu gözləyir. Əlbəttə, xocalılılar zamanı gəlincə köhnə yurd yerlərinə dönəcəklər. 

Lətifə ƏHMƏDOVA,

ADPU Ağcabədi filialının müəllimi.

Əvvəlki məqaləXX əsrin faciəsi
Növbəti məqalədəXocalı haqqında xatirə

Xəbər lenti

Mənim anam Zəhra müəllimdir

Anamla mən bir-birimizdən çox fərqli insanlarıq. Yox, bəzi oxşarlıqlarımız da var. Məsələn, ondan mənə yazmaq, bir də nəfəs...

Həcər Əliyeva: Müəllim kimi də, qadın kimi də xoşbəxtəm

Əliyeva Həcər Əlinağı qızı Ağcabədidə doğulub. Azərbaycan Pedaqoji Dillər İnstitutunu (İndiki ADU) bitirib. İngilis dili müəllimidir. Hazırda M.F.Axundov adına Ağcabədi şəhər 3...

“Müəllim məni atamın ölümünə görə utanmağa qoymadı…”

 7-ci sinifdə oxuyuram. Qış aylarıdır. Atamın 40-ı təzə çıxıb. Yeni-yeni məktəbə qayıdıb, dərslərə adaptasiya oluram... Azərbaycan dili dərsidir. Müəllim...

Ağcabədi sakinini maşın vurub

Oktyabrın 4-ü, saat 23:00 radələrində, Qaradağ rayonunun ərazisində Saatlı rayon sakini Y.Məmmdəov idarə etdiyi “Chevrolet” markalı avtomobillə yolu keçən Ağcabədi rayon sakini Elşən...

Bu müəllimləri siz də tanıyın

Ötən tədris ilində Ağcabədidən 20 nəfər məzun 600 baldan yuxarı nəticə göstərərək ali məktəblərə qəbul olunmuşdu. “Aran” qəzetində onların hər biri haqqında...

Ağcabədi məktəbliləri Vətən müharibəsinə və Müstəqilliyin Bərpası Gününə həsr edilən məruzələr dinləyiblər

Ağcabədi rayon Heydər Əliyev Mərkəzinin əməkdaşları tərəfindən yeni tədris ilində ümumtəhsil məktəblərində məruzələrin keçirilməsi davam etdirilir. Oktyabr ayında keçirilən məruzələr Vətən müharibəsinin...

Ulu Öndərin arzuları reallığa çevrildi

Azərbaycanın çoxəsrlik dövlətçilik tarixi taleyüklü anlar və məqamlarla zəngindir. Həlledici amil isə liderlik fenomeni, yaxud lider faktorudur. İnkaredilməz həqiqətdir...

Şəhid Anar Cəfərovun anım mərasimi keçirildi

                            44 günlük Vətən müharibəsində torpaqlarımızın azadlığı uğrunda şəhidlik zirvəsinə ucalan qəhrəmanlarımızdan biri də 1977-ci ildə Ağcabədi şəhərində...

Prezident təqaüdünə layiq görülüblər

Prezident İlham Əliyev 2022-2023-cü tədris ilində Azərbaycanın ali məktəblərinə daxil olmuş tələbələrə Prezident təqaüdünün verilməsi haqqında Sərəncam imzalayıb. “Aranqazeti.az”  saytı xəbər...

Elm və təhsil naziri Bərdədə Ağcabədi sakinlərini qəbul edəcək

Elm və təhsil naziri Emin Əmrullayev oktyabrın 27-də Bərdə şəhərində vətəndaşları qəbul edəcək. Qəbulda Bərdə, Ağcabədi, Ağdam, Tərtər, Füzuli, Xocalı, Xocavənd rayonları...

Şərhlər