XX əsrin faciəsi

  Tarixdə  dövlətlər elə cinayətlər törədiblər ki, onların səbəb olduqları kütləvi soyqırımlara nəinki siyasi qiymət verilməyib.Əksinə, bugünədək  həmin cinayətlər ört-basdır olunub. Hazırda da onlar öz layiqli cəzalarını almayıblar. Bugünağızdolusu demokratiyadan danışan, müsəlman ölkələrinə  qarşı daima barbarlıq mövqeyindən çıxış edən, əlləri qana batan hansısa qərb dairəsindən bir soyqırımın dünya miqyasında tanınması üçün lazımi dəstək gözləmək, sadəcə,gülünc doğuran məsələdir. Bunun təsdiqi olaraq, müstəqilliyinə yenicə qədəm qoyan ölkəmizin üzləşdiyi  amansız cinayətlərin törədildiyi  Xocalı faciəsinin timsalında aydın görünür.

  1992-ci il 26 fevral tarixi   xalqımız üçün   həm milli matəm, həm də müqəddəs anım günüdür. Həmin tarixdə baş verən qanlı faciədən  artıq 30 il keçir.  O dövrdə ermənilərin əsas hədəf olaraq Xocalını seçməsi heç də təsadüf deyildi. Onların Xocalını hədəfə almaqda əsas məqsədi Qarabağın dağlıq hissəsində azərbaycanlılardan ibarət olan, strateji əhəmiyyətli Xocalı şəhərini yer üzündən birdəfəlik silmək idi.  

 Əslində, bu faciə bir günün, bir gecənin hadisəsi deyildi. Ermənilər bu faciəyə Dağlıq Qarabağ münaqişəsi başladıqdan sonra hazırlıq görmüşdülər. Elə həmin vaxtdan qətliamın əsası qoyulurdu. 1991-ci ilin oktyabrında isə şəhərin blokadası tam başa çatdırılmışdı. Artıq Xocalıya gedən bütün avtomobil yolları bağlandıqdan şəhərə gediş-gəliş helikopterlər vasitəsilə həyata keçirilirdi. Belə vəziyyətdəşəhərə özünümüdafiə üçün silah, ərzaq və digər zəruri vasitələrin catdırılmasında əlbəttə ki, ciddi problem yaranırdı. Təcrid vəziyyətinə düşmüş Xocalıya sonuncu helikopter 1992-ci ilin yanvarın 28-də endi. Şuşa səmasında çoxsaylı insan tələfatına səbəb olmuş helikopterin vurulması ilə şəhərlə hava əlaqəsi kəsildi. Belə bir şəraitdə şəhər ancaq sakinlərin qəhrəmanlığı sayəsində müdafiə olunurdu. Fevralın ikinci yarısından başlayaraq erməni silahlı dəstələri tərəfindən mühasirəyə alınmış Xocalı hər gün toplardan, ağır texnikalardan atəşlərə məruz qalırdı.

 1992-ci il fevralın 25-də axşam saat 23:00 radələrində rus ordusunun 366-cı alayla birlikdə ermənilər Xocalı şəhəri ətrafında döyüş mövqeyi tutmağa başladı. 50-dən artıq “Qrad” və “ Alazan” tipli raketlərdən və tanklardan Xocalı iki saata qədər dayanmadan atəşə tutuldu. Bu zaman şəhər dağıdıldı, dinc əhaliyə qarşı soyqırım həyata keçirildi.  

Xocalı ilə əlaqədar ilk dəfə səsini dünyaya çatdıran “bu soyqırımı eyni zamanda, bütün bəşəriyyətə qarşı tarixi bir cinayətdir”- deyən ulu öndər Heydər Əliyevin təşəbbüsü ilə 1994-cü il fevralın 24-də Milli Məclis “ Xocalı Soyqırımı Günü haqqında” qərar qəbul etdi. Milli Məclisdə BMT-dən, bütün dünya dövlətlərindən bu qətliamın gerçək mahiyyətini açıqlayaraq beynəlxalq ictimaiyyəti erməni terrorizminə qarşı təsirli tədbirlər görülməsi tələb olundu. Qəbul edilmiş qərara əsasən, erməni təcavüzü nəticəsində törədilmiş qətliamın qurbanlarının xatirəsi hər il fevralın 26-da Xocalı Soyqırımı Günü kimi qeyd olunur.  

2020-ci il sentybarın 27-də başlayan 44 günlük Vətən müharibəsində dövlətimizin başçısı, Ali Baş Komandan İlham Əliyev və rəşadətli ordumuz işğal altında olan torpaqlarımızın azad edilməsi nəticəsində Xocalı faciəsi qurbanlarının qisasımənfur düşməndən artıqlamasıyla alınıb.

 Hüseyn Quluzadə  

Əvvəlki məqaləQarabağ Azərbaycandır!
Növbəti məqalədəXocalım mənim

Millət vəkilindən mediaya dəstək

Xəbər verdiyimiz kimi, Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında müzakirə olunan məsələlər arasında medianın vergidən azad...

Mehriban Əliyeva Türkiyəyə başsağlığı verib

Azərbaycanın Birinci vitse-prezidenti Mehriban Əliyeva Türkiyədə baş vermiş zəlzələ ilə əlaqədar qardaş ölkəyə başsağlığı verib.  "Instaqram" hesabında olan paylaşımda...

Bu gün Xankəndi-Laçın yolunda sülhməramlıların 26 avtomobili maneəsiz keçib

Şuşadan keçən Xankəndi-Laçın yolunda Rusiya sülhməramlılarına məxsus daha 20 avtomobilin hərəkət etməsinə növbəti dəfə şərait yaradılıb.   "Report"un aksiya keçirilən...

Azərbaycanda qəzet və saytlara verilən maddi yardımlar vergilərdən azad edilir

Aranın xəbərinə görə, bununla bağlı Vergi Məcəlləsinə dəyişiklik təklif olunur. Layihənin qeyd hissəsində əsaslandırılıb...

Azərbaycan və  Macarıstan oxşar cəhətlərə malik ölkələrdir

Azərbaycan Respublikasının Prezidenti İlham Əliyev Macarıstana rəsmi səfəri zamanı Budapeştdə mətbuata bəyanat vermişdir. Bəyanatda qeyd edilir ki, dost ölkələr kimi Azərbaycanla Macarıstan...

Azərbaycanda media subyektlərinin əldə etdikləri gəlirlər vergidən azad olunacaq

Azərbaycanda media subyektlərinin əldə etdikləri gəlirlər vergidən azad olunacaq. "Report"un xəbərinə görə, bununla bağlı Vergi Məcəlləsinə dəyişiklik təklif olunur.

Azərbaycan və Macarıstan münasibətləri yeni inkişaf mərhələsində

Şərqi Avropa ölkələri, o cümlədən Macarıstanla ikitərəfli və çoxtərəfli əməkdaşlığın inkişafı ölkəmizin xarici siyasətinin vacib istiqamətlərindən biridir. Bu ölkələr arasında qarşılıqlı səviyyədə...

Türkiyədə zəlzələdə ölənlərin sayı 284 nəfərə çatıb, 2323 nəfər yaralanıb 

Türkiyədəki zəlzələdə ölənlərin sayı 284 nəfərə çatıb. “Aran” xəbər verir ki, bunu Türkiyənin vitse-prezidenti Fuat Oktay jurnalistlərə açıqlamasında deyib.

Azərbaycan Prezidentinin tapşırığı ilə FHN-in çevik qüvvələri Türkiyəyə yola düşəcək

Bu gün səhər saatlarında Türkiyə Respublikasında baş vermiş güclü zəlzələnin fəsadlarının aradan qaldırılması və axtarış-xilasetmə əməliyyatlarına dəstək məqsədilə Azərbaycan Respublikasının Prezidenti cənab...

Prezident İlham Əliyev Ərdoğana başsağlığı verib

Azərbaycan Prezidenti İlham Əliyev Türkiyə Prezidenti Rəcəb Tayyib Ərdoğan başsağlığı verib. Aran xəbər verir ki, başsağlığında deyilir:

Şərhlər