17.8 C
Aghjabadi
Bazar ertəsi, May 23, 2022

“Aran” qəzetinin yubileyi qarşısında – Əsl hünər meydanı

         2022-ci ildə rayonumuzda ilk mətbuat orqanı olan “Ağcabədi pambıqçısı” qəzetinin 90 illiyi qeyd olunacaq. Sonralar “Sürət”, “Aran” adları ilə işıq üzü görən qəzet maraqlı fəaliyyət yolu keçib, bölgənin ictimai-siyasi həyatında mühüm əhəmiyyət kəsb edib.

“Ağcabədi pambıqçısı” 1932-ci ildən nəşrə başlayıb. O dövrlərdə qəzet çap edib, yaymaq üçün lazımi şərait yox idi. Çap maşını və digər mətbəə avadanlıqları, səriştəli mütəxəssislər sarıdan çətinliklər mövcud idi. Qəzetin ilk redaktorlarından olan Xısrı Məmmədov bu sahədə problemlərin aradan qaldırılmasında, redaksiyanın fəaliyyətinin genişləndirilməsində mühüm xidmətlər göstərib.

Sonrakı illərdə Calal Cəfərov, Nəbi Cavadov, Fərhad Ağayev, Müstəcəb Əliyev, Bəşir Bəşirov, Sərdar Mehdiyev, Rafiq Əliyev, Fazil Cəfərov (Sarvan) kimi redaktorların səmərəli rəhbərlikləri sayəsində respublikamızda qəzetin nüfuzu xeyli artıb. Təsadüdüfi deyildir ki, “Aran” bu gün də öz nüfuzunu qoruyub, saxlayıb və rayon əhalisi tərəfindən sevilir.

Mənim üçün əlamətdar, qürurverici haldır ki, adını çəkdiyim prinsipial qəzet redaktorlarından biri də atam Fərhad Abdulla oğlu Ağayev olub. Atamın həyat və fəaliyyəti barədə “Bəxt ulduzu sönəndə” adlı xatirə kitabını çapa hazırlayarkən onun 1937-ci ildə “Ağcabədi pambıqçısı” qəzetinin məsul katibi vəzifəsinə təyin olunduğunu öyrəndim. Sonralar, 1939-1941-ci illərdə qəzetin redaktoru olması atamın gələcək karyerasında mühüm rol oynayıb.

Onu da qeyd edim ki, o, orta təhsilli olmasına baxmayaraq, az müddət ərzində mətbuatın sirlərini dərindən öyrənib,  öz işinin öhdəsindən layiqincə gəlməyi bacarıb. Bu səbəbdən də o, rayon qəzeti ilə bərabər, respublikanın müxtəlif nüfuzlu mətbu orqanlarında sanballı məqalə, oçerk, felyeton və hekayələrlə çıxış edib, oxucuların böyük rəğbətini qazanıb. Məhz bu xidmətləri hesabına atam 1939-cu ildə “Kommunist” qəzeti rəhbərliyinin təqdimatı əsasında Moskva şəhərində ümumittifaq kənd təsərrüfatı sərgisinin iştirakçısı olub və II dərəcəli diplomla təltif edilib.

Qəzet sahəsində qazandığı təcrübə və yüksək təşkilatçılıq bacarığına görə o, sonralar Ağcabədi Rayon Xalq Deputatları Soveti İcraiyyə Komitəsinin sədr müavini, rayon maliyyə şöbəsinin müdiri vəzifələrinə irəli çəkilib. Atam uzun illər rayon maliyyə şöbəsinin müdiri vəzifəsində səmərəli fəaliyyət göstərib və həmişə də qazandığı uğurlarda qəzetin rolunu minnətdarlıqla qeyd edib.

Bir vaxtlar keçmiş “Sürət” qəzeti redaksiyasında ədəbi işçi, müxbir, məktublar şöbəsinin müdiri vəzifələrində çalışmış unudulmaz şair Ənvər Əhməd özünün “Bir kişi ömrünün xatirə dəftərindən” adlı məqaləsində atam barəsində maraqlı məqamlara toxunub. Şair “Nəslimiz” adlı ilk şeirlər kitabı haqqında atamın yazdığı və onun ünvanına göndərdiyi oxucu məktubu ilə əlaqədar geniş söhbət açıb. Kiçik bir kitab barədə yüksək peşəkarlıqla, zövqlə qələmə alınmış fikirlər Ənvər Əhmədi çox təəccübləndirib. Ona elə gəlib ki, məktubu hansısa məşhur ədəbiyyatşünas və yaxud şair qələmə alıb.

Ənvər müəllim atamın əvvəllər qəzet işçisi olduğunu, bu qabiliyyətin ondan irəli gəldiyini bir müddət keçdikdən sonra öyrənib. Yeri gəlmişkən qeyd edim ki, böyük qardaşım Tahir Ağazadə də uzun illər “Sürət” qəzetində əməkdaş kimi çalışıb.

Bu gün “Aran” qəzeti fəaliyyətini uğurla davam etdirərək, keçmiş ənənələri ləyaqətlə yaşadır. Qəzetin kollektivi çətin, lakin məsuliyyətli və şərəfli işin öhdəsindən məharətlə gəlir. “Aran” qəzeti ölkə mətbuatı sıralarında inamla addımlayır. Bu, məni hər bir ağcabədili kimi çox məmnun edir.

Əlamətdar yubiley ilində müxtəlif dövrlərdə rayon qəzetinin fəaliyyət göstərməsində böyük xidmətləri olan, dünyasını dəyişmiş bütün mətbuat işçilərinə Allahdan rəhmət diləyib, ruhları şad olsun deyirəm. Respublika kütləvi informasiya vasitələri ailəsində rayonumuzu layiqincə təmsil edən “Aran” qəzetinin kollektivini, bütün oxucuları yubiley münasibəti ilə təbrik edir, hər kəsə gələcək fəaliyyətində yeni-yeni nailiyyətlər arzulayıram.

Mahir AĞAYEV,

Ağcabədi şəhər sakini

Xəbər lenti

Bu gün onların peşə bayramıdır

Mayın 23-ü Ekologiya və Təbii Sərvətlər Nazirliyi işçilərinin peşə bayramıdır.  Bu münasibətlə 9 saylı Regional Ekologiya və Təbii Sərvətlər İdarəsinin əməkdaşları ulu...

“Fədakarlar bir amalın uğrunda” kitabının təqdimatı keçirilib

Mayın 21-də Nizami Kino Mərkəzində Mədəniyyət Nazirliyi tabeliyində Mədəniyyət üzrə Elmi-Metodiki və İxtisasartırma Mərkəzinin sektor müdiri,  Azərbaycan Jurnalistlər Birliyinin üzvü Aydın Tağıyevin...

Azərbaycan sülhə, təhlükəsizliyə və sabitliyə sadiqdir

Azərbaycan Respublikasının Prezidenti İlham Əliyevmayın 18-də Litva Prezidenti Gitanas Nausadının ölkəmizə səfəri ilə əlaqədar mətbat üçün bəyanat verib.  Ölkə Prezidenti bildirib...

“Çempionumuz” layihəsi çərçivəsində növbəti görüş

Azərbaycan Respublikasının Gənclər və İdman Nazirliyi, Azərbaycan Respublikasının Təhsil Nazirliyi və Azərbaycan İdman Könüllüləri İctimai Birliyi tərəfindən təsdiq edilmiş birgə əsasnaməyə müvafiq...

Deyimlərimiz, kəlamlarımız

         Bədii yaradıcılıq xalqımızın ruhunda, canındadır. Lap qədimdən bu günə qədər qaynayıb-daşan, axıb-coşan bu yaradıcılıq çeşməsi bitib-tükənmək bilmir. Zəngin məna çalarlarına malik...

Avşar elinin tarixi

         Fəzlullah Rəşidəddin (“Cəmiəttəvarix”), Yazıçıoğlu Əli (“Səlcuqnamə”) və Əbülqazi Bahadır Xan Xivəliyə (“Şəcəreitərakimə”) görə Avşar adının anlamı “işlərini cəld görən və ova...

Kümçülərə 877 qutu barama qurdu paylanılıb

         Respublikamızda barama istehsalına yüksək dövlət diqqət və qayğısından ruhlanan rayon kümçüləri 2022-ci təsərrüfat ilində  də bu mühüm kampaniyaya böyük həvəslə qoşulublar.

Şəhidlərin xatirəsi əbədiləşdirilib

         Rayonun İmamqulubəyli kəndində Birinci Qarabağ müharibəsi şəhidləri Hidayət Kərimov, Cavanşir Zeynalov, Savalan Kərimov, Yadigar Bəşirov və Röyal Baxşəliyevin xatirələrini əbədiləşdirmək məqsədi...

ZƏFƏR QURULTAYI UĞURLU SİYASƏTİN NƏTİCƏSİDİR

https://www.youtube.com/watch?v=dqfE9owZVPk&t=71s

Kürdəmirdə baş verən avtoqəzada Ağcabədi sakinləri xəsarət alıb

Hadisə bu gün səhər Ağsu-Kürdəmir-İmişli avtomobil yolunun rayonun Atakişili kəndindən keçən hissəsində qeydə alınıb. Belə ki, “Mercedes” markalı minik avtomobilinin sürücüsü İmişli...

Şərhlər