2 C
Aghjabadi

Azərbaycanda taxıl sahələrini qasırğa vurdu – BÖYÜK ZƏRƏR – AQRAR SIĞORTA İŞƏ DÜŞDÜ

Azərbaycanda dövlət dəstəyi ilə tətbiq edilən aqrar sığorta mexanizmi çərçivəsində ölkədə indiyədək qeydə alınan ən böyük sığorta hadisəsi baş verib. 

5 mart 2021-ci il tarixində Qobustan rayonunda əsən güclü külək və yaranmış qum fırtınası rayonun əkin sahələrinə, xüsusilə taxıl zəmilərinə böyük zərər vurub. Hadisə rayondakı çoxsaylı fermer təsərrüfatlarını əhatə edib. 

Qeyd edək ki, ölkənin bütün ərazilərində olduğu kimi, Qobustan rayonunda da taxıl əkinlərini bir hissəsi Aqrar Sığorta Fondu tərəfindən sığortalanıb. Aqrar sığorta əkin sahələrini çoxsaylı risklərdən, o cümlədən təbii fəlakətlər, fırtına və qasırğa risklərindən qoruyur. 

Martın 5-də baş verən hadisə nəticəsində rayonun ərazisində – Ərəbqədim, Nardaran, Qobustan, Qaradüzlü, Ərəbşahverdi, Xilminli kəndlərində fiziki və hüquqi şəxslərə məxsus olan ümumilikdə 400 hektara yaxın sığortalanmış taxıl əkinləri sahəsi də qasırğadan zərər görüb. 

Əkin sahələri qalın qum qatı ilə örtülüb, burada əkilən bitkilər ciddi surətdə zədələnib. Bəzi ərazilərdə baş verən qasırğa və güclü külək nəticəsində taxıl bitkiləri kökündən çıxaraq məhv olub. 

Yerli fermerlər hadisə nəticəsində əkin sahələrində məhsulun qismən və ya tamamilə itirildiyini, böyük zərərə düşdüklərini bildiriblər. 

Hadisənin nəticələri ilə yerində tanış olmaq və sığorta hadisəsini araşdırmaq məqsədilə martın 10-da Aqrar Sığorta Fondunun rəhbərliyi, Fondun «Hadisələrin araşdırılması və tənzimlənməsi» şöbəsinin əməkdaşları, eləcə də bitkiçilik üzrə müstəqil aqrar sığorta ekspertləri Qobustan rayonunda olublar. 

Rayonda sığorta hadisəsi baş verən əkin sahələrinə baxış keçirilib, əkin sahələrini sığortalamış fermerlərlə görüş keçirilib. 

Aqrar Sığorta Fondunun idarə heyətinin sədri Fuad Sadıqov bildirib ki, ümumilikdə Qobustan rayonunda 6400 hektar əkin sahəsi sığorta edilib, bunun bir hissəsi qasırğadan zərər çəkib: «İlkin müraciətlərə və məlumatlara əsasən, ümumilikdə 400 hektar əkin sahəsi qasırğadan zərər çəkib. İlkin olaraq qiymətləndirmələrə görə hadisə nəticəsində fermerlərə dəyən zərərin məbləği 400 min manat ətrafındadır. Baş verən hadisə qanunda nəzərdə tutulan prosedurlara uyğun araşdırılacaq, fermerlərə dəyən zərər müəyyən ediləcək və ona uyğun olaraq ödənişlərin edilməsi nəzərdə tutulur». 

ASF-nin rəhbəri fermerləri belə hallarda zərərlə üzləşməmək üçün aqrar sığortadan faydalanmağa çağırıb: «Aqrar sığorta mexanizminin əhatə etdiyi risklər sırasında qasırğa və fırtına da yer alır. Bu halların fermerlərə necə böyük zərər vurduğu göz qabağındadır, onu nəzərə alaraq fermerləri öz əkin sahələrini sığorta etməyə çağırıram. Sığortanın faydası ona çəkilən xərcin məbləğindən  müqayisəedilməz dərəcədə böyükdür. Fermerlər böyük zəhmət hesabına becərdikləri əkinlərin məhv olması nəticəsində zərərlə üzləşməmək üçün dövlətin onlara yaratdığı bu imkandan faydalanmalıdırlar». 

Fermerlər baş verən hadisə barədə Fond rəhbərliyinə məlumat verib, Aqrar Sığorta Fondunun hadisəyə belə çevik reaksiyasından məmnun qaldıqlarını bildiriblər. Hadisədən zərər çəkən, amma əkin sahələrini sığorta etməyən fermerlər aqrar sığortadan istifadə etmədiklərinə görə peşman olduqlarını bildiriblər. 

Qarşıdakı günlərdə müstəqil aqrar sığorta ekspertləri tərəfindən hadisədən zərər dəyən ərazilərdə araşdırma və zərərin qiymətləndirilməsi işləri aparılacaq.  İşlər başa çatdıqdan sonra dəyən zərərlərin qarşılanması üçün qanunvericiliyə uyğun addımlar atılacaq. 

Xəbər lenti

Ağcabədi sakininin çantasından oğurluq edilib

Yasamal rayonu ərazisindəki mağazaların birində Ağcabədi rayon sakini olan bir qadının çantasından içərisində pulu olan cüzdanının oğurlanması barədə polisə məlumat daxil olub.

Həmyerlimizdən daha bir uğur

Maltanın paytaxtı Valetta şəhərində 2022-ci il 25-28 noyabr tarixlərində yeniyetmə taekvondoçular arasında Avropa çempionatı keçirilib. Həmin turnirdə uğurlu nəticə qazananlardan biri həmyerlimiz...

Mədəniyyət və dünyagörüşü

 Mədəniyyət maddi və mənəvi sərvətlərin yaradılmasına, mənimsənilməsinə, saxlanmasına və bölgüsünə istiqamətləndirilən ictimai münasibətlər sistemidir. Bu maddi istehsalla şərtlənən, öz mahiyyəti etibarilə sosial...

Süleyman Gözəlov: İlk növbədə gənclərimizin sağlam ruhda böyüməsini düşünürdüm

İdmanla məşğul olmaq insanı bir çox zərərli vərdişlərdən uzaq etdiyi kimi, pis xəstəliklərdən də qoruyur. Müasir dövrün tələblərinə uyğun olan “Sağlam bədəndə,...

Ağcabədidə 5 dekabr Beynəlxalq Könüllülər Günü qeyd edilib

       Ağcabədi rayonunda Gənclər üçün Təhsil Mərkəzi (GTM) Qarabağ regional ofisi, Ağcabədi regional "ASAN xidmət" mərkəzi, Gənclərin İnkişaf və Karyera Mərkəzinin (GİKM)...

Mən Şuşadan gəlirəm -2

                                       Artıq dekabr ayıdır. Amma mən sizə avqust ayında baş tutmuş bir səfərimdən...

Xolesternlə necə mübarizə aparmalı? – MÜTƏXƏSSİS YANAŞMASI

Xolestern bir lipid, yəni bir yağ növüdür. Heyvan mənşəli qidalarda və bütün hüceyrələrdə olan şam quruluşunda yağ kimi maddələrdir. Yüksək xolesterin isə...

İnkişaf Qələbənin əsasıdır

 “Azadlıq meydanında paradlar çox keçirilib. Ancaq bu paradın xüsusi önəmi var. Bu, Zəfər paradıdır. Bu, tarixi hadisədir. Bu tarixi günün şahidi bizik,...

“Niva” “Ford Transit”lə TOQQUŞDU- Sürücü öldü

Dekabrın 4-də saat 2 radələrində Ağcabədi rayonunun Aşağı Avşar kəndi ərazisində Ağdam rayon sakini Məhəmməd Hüseynzadənin idarə etdiyi “Niva” və Ağcabədi şəhər...

Ağcabədidə ” 3 Dekabr -Beynəlxalq Əlillər Günü” qeyd olundu

Ağcabədidə " 3 Dekabr -Beynəlxalq Əlillər Günü" qeyd olunduAğcabədi rayonunda " 3 Dekabr Beynəlxalq Əlillər Günü"nə həsr olunmuş...

Şərhlər