6.2 C
Aghjabadi

Adı ünvanlara çevrilmiş insan

Əlvan Əliyevin adı, imzası respublikamızın elmi ictimaiyyətinə, geniş oxucu auditoriyasına yaxşı tanışdır.

Qabaqcıl təhsil işçisi,bacarıqlı pedaqoq uzun illər ali məktəbdə tarix elminin tədris olunmasında, yüksək ixtisaslı pedaqoji kadrların hazırlanmasında əvəzsiz xidmətlər göstərib. Onun apardığı dərin elmi araşdırmaları, zəngin publisistik və ictimai fəaliyyəti də daim diqqəti çəkib. Elə bu səbəbdən də həmişə sayılıb-seçilib, xidmətləri yüksək dəyərləndirilib.

1947-ci ildə Ağcabədi rayonunun Salmanbəyli kəndində doğulub boya-başa çatan Əlvan müəllimin həyatı Gəncə ilə möhkəm tellərlə bağlanıb. Ömrünün gənclik illəri, ən xoşbəxt anları məhz bu qədim şəhərdə keçib. Onun gələcək uğurlarında, hərtərəfli inkişafında və məhsuldar fəaliyyətində qaynar Gəncə mühiti mühüm əhəmiyyət kəsb edib.

1968-ci ildə Azərbaycan Dövlət Universitetinin (BDU-nun) Tarix fakültəsini fərqlənmə ilə bitirən istedadlı gənc təyinatla Gəncə Dövlət Pedaqoji İnstitutuna (İndiki Gəncə Dövlət Universiteti) müəllim göndərilib. O, bir müddət Bakıda aspiranturada oxuyub. Təhsilini başa vurduqdan sonra yenidən Gəncəyə dönüb, ömrünün sonunadək adıçəkilən  ali məktəbin sosial fənlər kafedrasında baş müəllim vəzifəsində çalışıb.

Əlvan müəllim həmin illərdə Gəncə şəhərinin ictimai, mədəni həyatına fəal surətdə qoşulub, sadə, təvazökar, təmiz vicdanlı, xeyirxah bir insan, əqidəli ziyalı, vətəndaş kimi, çalışdığı ali məktəb müəllim və tələbələrinin, bütün gəncəlilərin sevimlisinə çevrilib, yüksək hörmət və nüfuz qazanıb. Vətənini, xalqını ürəkdən sevən, torpaqlarımızın adını daim müqəddəs tutan Ə.Əliyev cəsarəti,məğrurluğu,qabiliyyəti ilə fərqlənib, həmişə sözünü deməyi bacarıb. Təsadüfi deyildir ki, bir müddət Gəncə şəhər xalq deputatları sovetinin deputatı seçilib, Gəncə şəhəri Nizami rayonun icra hakimiyyətinin başçısı vəzifəsinə irəli çəkilib. Həmin dövrdə o, şəhərin ictimai həyatında, sosial-iqtisadi inkişafında, abadlıq-quruculuq tədbirlərində yaxından iştirak edib.

Əlvan müəllim respublikamızda milli azadlıq hərəkatının, müstəqillik uğrunda mübarizənin öncüllərindən biri olub, Gəncənin adının özünə qaytarılmasında mühüm rol oynayıb.

Qeyd olunduğu kimi, Ə.Əliyevin geniş, çoxşaxəli fəaliyyətində elmi, publisistik yaradıcılığı da xüsusi önəm daşıyıb.Dərin elmi biliyə malik tarixçinin milli münasibətlərə dair tədqiqatları, elmi və publisistik məqalələri, xüsusilə 2008-ci ildə “Elm” nəşriyyatı tərəfindən çap edilmiş “Siyasət naşıları sevmir” adlı kitabı ictimaiyyət tərəfindən böyük maraqla qarşılanıb. Onun dəyərli elmi əsərləri BDU-nun və Gəncə Dövlət Universisetinin “Elmi xəbələr”ində, Polşada türk, ingilis və polyak dillərində nəşr edilən “Xudafərin” dərgisində, eləcə də respublikanın bir çox nüfuzlu qəzet və jurnallarında müntəzəm dərc olunub. Əlvan müəllim Gəncədə işıq üzü görən “Mərhəmət”, “Gəncənin səsi” “Ruzigar”, “Novosti Qyandji” və digər qəzet və jurnalların redaksiya heyətinin üzvü kimi regionda yaradıcılıq mühitinin, ədəbi prosesin canlanmasında, genişlənməsində müstəsna xidmətlər göstərib, yaradıcı insanlara, xüsusən gənc qələm sahiblərinə daim diqqət və qayğı ilə yanaşıb, dəstək verib.

Ə.Əliyev (Kəbirli) Azərbaycan Jurnalistlər Birliyinin və AYB-nin fəal üzvlərindən olub, “Qabaqcıl təhsil işçisi” fəxri adına və “Qızıl qələm” mükafatına layiq görülüb.

Əlvan müəllim gözəl bir ailə başçısı kimi də tanınıb. Özünə layiq övladlar böyüdüb boya-başa çatdırıb. Ailənin böyük qızı Gülarə Əliyeva atasının yolunu davam etdirərək, Gəncə Dövlət Universitetinin Tarix fakültəsini bitirib.O, adıçəkilən ali təhsil müəssisəsində müəllim işləyir, tarix üzrə fəlsəfə doktorudur.

Ortancıl qız Bəhicə Əliyeva BDU-nun Tarix fakültəsində təhsil alıb, Böyük Britaniyada magistr pilləsini başa vurub. Hazırda BMT-nin Əhali Fondunda proqram müşaviri vəzifəsində çalışır.

Kiçik qız Turanə Əliyeva isə Bakı Dövlət Universitetinin Psixologiya fakültəsini bitirib. Sözügedən universitetin psixologiya kafedrasının müəllimidir. Dissertasiya müdafiəsi ərəfəsindədir. Onların hər üçü layiqli əməlləri ilə atalarının adını daim uca tuturlar.

Əlvan Əliyev iki il öncə, 67 yaşında ikən dünyasını dəyişib, əbədiyyətə qovuşub. Lakin bu gün onun arzuları, əməlləri övladlarının, yaxın və doğmalarının, saysız-hesabsız yetirmələrinin qəlbində yaşayır və gerçəkləşir.     

Əsl xalq məhəbbəti qazanmış səriştəli pedaqoq, tanınmış tarixçi, ictimai xadimin xatirəsi daim əziz tutulur, hörmətlə yad edilir.

Yəhya PAŞAZADƏ

Xəbər lenti

12 dekabr ümummilli lider Heydər Əliyevin anım günüdür

Azərbaycan xalqının böyük oğlu Heydər Əlirza oğlu Əliyev 1923-cü il mayın 10-da Naxçıvanda anadan olub. 1944-cü ildən təhlükəsizlik orqanları...

“12 Dekabr-Ümummilli Lider Heydər Əliyevin Anım günü”ilə əlaqədar məktəblərdə mühazirələr davam etdirilir

Bu gün Mərkəzin direktor səlahiyyətlərini icra edən Rövşanə Əliyeva tərəfindən M.Aranlı adına 11 saylı tam orta məktəbin Gənc Heydərçilərinə Ulu Öndər Heydər...

Ağcabədi rayon Heydər Əliyev Mərkəzində “12 Dekabr-Anım Günü” ilə əlaqədar “Heydər Əliyev və Gənclər siyasəti” adlı tədbir keçirildi

Tədbir 07 dekabr 2022-ci il tarixində Ağcabədi rayon Gənclər və İdman İdarəsinin birgə təşkilatçılığı və Ağcabədi şəhər M.Aranlı adına 11 saylı tam orta...

Ağcabədi sakininin çantasından oğurluq edilib

Yasamal rayonu ərazisindəki mağazaların birində Ağcabədi rayon sakini olan bir qadının çantasından içərisində pulu olan cüzdanının oğurlanması barədə polisə məlumat daxil olub.

Həmyerlimizdən daha bir uğur

Maltanın paytaxtı Valetta şəhərində 2022-ci il 25-28 noyabr tarixlərində yeniyetmə taekvondoçular arasında Avropa çempionatı keçirilib. Həmin turnirdə uğurlu nəticə qazananlardan biri həmyerlimiz...

Mədəniyyət və dünyagörüşü

 Mədəniyyət maddi və mənəvi sərvətlərin yaradılmasına, mənimsənilməsinə, saxlanmasına və bölgüsünə istiqamətləndirilən ictimai münasibətlər sistemidir. Bu maddi istehsalla şərtlənən, öz mahiyyəti etibarilə sosial...

Süleyman Gözəlov: İlk növbədə gənclərimizin sağlam ruhda böyüməsini düşünürdüm

İdmanla məşğul olmaq insanı bir çox zərərli vərdişlərdən uzaq etdiyi kimi, pis xəstəliklərdən də qoruyur. Müasir dövrün tələblərinə uyğun olan “Sağlam bədəndə,...

Ağcabədidə 5 dekabr Beynəlxalq Könüllülər Günü qeyd edilib

       Ağcabədi rayonunda Gənclər üçün Təhsil Mərkəzi (GTM) Qarabağ regional ofisi, Ağcabədi regional "ASAN xidmət" mərkəzi, Gənclərin İnkişaf və Karyera Mərkəzinin (GİKM)...

Mən Şuşadan gəlirəm -2

                                       Artıq dekabr ayıdır. Amma mən sizə avqust ayında baş tutmuş bir səfərimdən...

Xolesternlə necə mübarizə aparmalı? – MÜTƏXƏSSİS YANAŞMASI

Xolestern bir lipid, yəni bir yağ növüdür. Heyvan mənşəli qidalarda və bütün hüceyrələrdə olan şam quruluşunda yağ kimi maddələrdir. Yüksək xolesterin isə...

Şərhlər