5.7 C
Aghjabadi

Güləşçilərimizin parlaq qələbəsi

Azərbaycanın son illərdə bütün sahələrdə qazandığı uğurlar göz qabağındadır. Ölkə iqtisadiyyatı güclənmiş, əhalinin maddi rifahı yüksəlmiş,ordu quruculuğu sahəsində mühüm işlər görülmüşdür. Erməni işğalçıları üzərində qazanılmış tarixi Qələbə Azərbaycan Silahlı Qüvvələrinin hansı hərbi gücə malik olmasının sübutudur. İşğaldan azad edilmiş ərazilərdə ardıcıl olaraq böyük işlər görülür, yollar çəkilir, su, qaz, elektrik təchizatı məsələləri mərhələ-mərhələ həyata keçirilir. İnfrastruktur layihələrin icrasına həm yerli, həm də xarici şirkətlərin cəlb edilməsi onu göstərir ki, işğaldan azad edilmiş ərazilər tezliklə öz doğma sakinlərini qoynuna alacaqdır.

Ölkədə qazanılan nailiyyətlər sırasında idmançılarımızın uğurları da xüsusi önəm daşıyır.

İdmançılarımız Dünya və Avropa çempionatlarında, olimpiadalarda uğurla çıxış edərək üçrəngli bayrağımızı zirvələrdə dalğalandırırlar. Bu yaxınlarda güləş üzrə Bolqarıstanda keçirilən 7-ci Avropa çempionatında idmançılarımızın parlaq qələbəsi idman uğurlarımızın davamıdır.

Azərbaycan idmançıları bu yarışda 7-si qızıl olmaqla 16 medal qazanıblar. Komanda hesabında azərbaycanlı güləşçilər 1-ci pillədə qərar tutublar.

Mart ayının 17-də Prezident İlham Əliyevin  çempionat iştirakçılarını qəbul etməsi ölkə rəhbərinin idmana necə böyük önəm verməsinin təzahürüdür.

Görüş zamanı cənab Prezident idmançılarımızın Avropada birincilik əldə edərək, himnimizi 7 dəfə səsləndirməyə nail olmaqla böyük bir uğura imza atdıqların bildirib. Dövlət başçsı Azərbaycanın idman ölkəsi  olduğunu, idmanın inkişafı üçün burada hər cür şərait yaradıldığını, idmanın kütləviliyinin təmin edildiyini, bölgələrdə 50-yə yaxın Olimpiya idman komplekslərinin tikilməsini, yaradılmış münbit şəraitin idmançılarımızın nailiyyət qazanmasının əsas səbəbi olduğunu xüsusilə diqqətə çatdırıb.

Cənab Prezident onu da qeyd etmişdir ki, idmançılarımız uzun illərdir ölkəmizi dünya arenasında layiqli təmsil edirlər. İdman Azərbaycanın dövlət siyasətinə çevrilmişdir. Mötəbər yarışlarda, olimpiya oyunlarında ölkələrin reytinq sırası onu göstərir ki, inkişaf etmiş ölkələrin idmançıları adətən daha yaxşı nəticələr əldə edirlər.

Gənclərin hərtərəfli, vətənpərvər və sağlam ruhda böyüməsində idmanın çox böyük əhəmiyyəti vardır. 44 günlük müharibədə gənclərimiz çətin relyefli, dağlıq ərazilərdə idman vərdişləri sayəsində qələbəyə nail ola bildilər. Ordumuzun tərkibində minlərlə idmançı iştirak etmiş və böyük sücaətlər göstərmişlər.

İdmançılarımızın Beynəlxalq yarışlarda qazandıqları uğurlar Vətən müharibəsində erməni işğalçıları üzərində qazanılan qələbənin, bir növ, davamıdır.

Nazim BÜNYADOV,

YAP Ağcabədi rayon təşkilatının əməkdaşı

Xəbər lenti

12 dekabr ümummilli lider Heydər Əliyevin anım günüdür

Azərbaycan xalqının böyük oğlu Heydər Əlirza oğlu Əliyev 1923-cü il mayın 10-da Naxçıvanda anadan olub. 1944-cü ildən təhlükəsizlik orqanları...

“12 Dekabr-Ümummilli Lider Heydər Əliyevin Anım günü”ilə əlaqədar məktəblərdə mühazirələr davam etdirilir

Bu gün Mərkəzin direktor səlahiyyətlərini icra edən Rövşanə Əliyeva tərəfindən M.Aranlı adına 11 saylı tam orta məktəbin Gənc Heydərçilərinə Ulu Öndər Heydər...

Ağcabədi rayon Heydər Əliyev Mərkəzində “12 Dekabr-Anım Günü” ilə əlaqədar “Heydər Əliyev və Gənclər siyasəti” adlı tədbir keçirildi

Tədbir 07 dekabr 2022-ci il tarixində Ağcabədi rayon Gənclər və İdman İdarəsinin birgə təşkilatçılığı və Ağcabədi şəhər M.Aranlı adına 11 saylı tam orta...

Ağcabədi sakininin çantasından oğurluq edilib

Yasamal rayonu ərazisindəki mağazaların birində Ağcabədi rayon sakini olan bir qadının çantasından içərisində pulu olan cüzdanının oğurlanması barədə polisə məlumat daxil olub.

Həmyerlimizdən daha bir uğur

Maltanın paytaxtı Valetta şəhərində 2022-ci il 25-28 noyabr tarixlərində yeniyetmə taekvondoçular arasında Avropa çempionatı keçirilib. Həmin turnirdə uğurlu nəticə qazananlardan biri həmyerlimiz...

Mədəniyyət və dünyagörüşü

 Mədəniyyət maddi və mənəvi sərvətlərin yaradılmasına, mənimsənilməsinə, saxlanmasına və bölgüsünə istiqamətləndirilən ictimai münasibətlər sistemidir. Bu maddi istehsalla şərtlənən, öz mahiyyəti etibarilə sosial...

Süleyman Gözəlov: İlk növbədə gənclərimizin sağlam ruhda böyüməsini düşünürdüm

İdmanla məşğul olmaq insanı bir çox zərərli vərdişlərdən uzaq etdiyi kimi, pis xəstəliklərdən də qoruyur. Müasir dövrün tələblərinə uyğun olan “Sağlam bədəndə,...

Ağcabədidə 5 dekabr Beynəlxalq Könüllülər Günü qeyd edilib

       Ağcabədi rayonunda Gənclər üçün Təhsil Mərkəzi (GTM) Qarabağ regional ofisi, Ağcabədi regional "ASAN xidmət" mərkəzi, Gənclərin İnkişaf və Karyera Mərkəzinin (GİKM)...

Mən Şuşadan gəlirəm -2

                                       Artıq dekabr ayıdır. Amma mən sizə avqust ayında baş tutmuş bir səfərimdən...

Xolesternlə necə mübarizə aparmalı? – MÜTƏXƏSSİS YANAŞMASI

Xolestern bir lipid, yəni bir yağ növüdür. Heyvan mənşəli qidalarda və bütün hüceyrələrdə olan şam quruluşunda yağ kimi maddələrdir. Yüksək xolesterin isə...

Şərhlər