2.1 C
Aghjabadi

Xoş bir xatirə

         Hər bir insanın həyatında müəyyən hadisə, fəaliyyət sahəsi mühüm rol oynayır, həlledici istiqamətə, ömür yoluna çevrilir. Sonralar şərəflə keçilən həmin mənalı ömür yolu daim xatırlanır, qürurla yad olunur. Bir insan kimi, mənim də həyatımda mətbuat xüsusi önəm daşıyıb, həmişəyaşar dərin izlər buraxıb. Mən bununla həmişə qürur duyur, özümü xoşbəxt hesab edirəm. Nə gizlədim, həyatda az-çox nə uğur qazanmışamsa nəşr işlərinə, mətbuata borcluyam. Ümumilikdə, nəşriyyatla bağlılığım 1973-cü ildən başlanır. 1980-ci ildən isə taleyimi “Aran” (keçmiş “Surət”) qəzeti ilə bağlamışam. Uzun illər qəzetin mətbəəsində linotipçi (Sətirtökən maşın yığıcısı) vəzifəsində çalışmışam. Hesab edirəm işlədiyim müddətdə öz vəzifəmin öhdəsindən layiqincə gələ bilmişəm. Sevinirəm ki, rayonda peşəkar mətbəə işçiləri sırasında mənim də adım çəkilir. O vaxt kollektiv üzvlərinin birgə səyi nəticəsində qəzetin sayları yüksək keyfiyyətlə və vaxtında çap olunaraq, oxuculara çatdırılıb. Doğma qəzetimizin fəaliyyətində mənim də payımın olmasından qürur duyuram.

Qəzetdə çalışdığım illərdə çox acılı-şirinli anlar yaşamışam, rayonumuzun tanınmış mətbuat işçiləri, jurnalistlərlə çiyin-çiyinə bir cəbhədə xidmət göstərmişəm. Onları həmişə böyük hörmət və ehtiram hissi ilə xatırlayıram. Redaktorlardan Sərdar Mehdiyev, Fazil Sarvan, Şünasif Məmmədov, şöbə müdirlərindən Sədaqət Rəcəbova, Dilsuz Kazımov, Aslan Aslanov, məsul katiblərdən Abbas Kazımov, Yusif Əhmədov, mühasib Səfər Fətəliyev, mətbəə işçilərindən Höküm Hüseynov, Məskurə Məmmədova, Sitarə Allahverdiyeva, Məhəmməd Məmmədov, Fehruz Qasımov, fotoqraf Rafiq Allahverdiyevin adları yaddaşıma əbədi həkk olunub. Bu gün həyatda olmayanlara ulu Tanrıdan rəhmət diləyir, yaşayanlara möhkəm cansağlığı, firavan və xoş günlər arzulayıram.

Hazırda estafeti uğurla davam etdirən “Aran”ın yaradıcı kollektivinə daha yüksək nailiyyətlər arzulayıram. Necə deyərlər, sükanı möhkəm saxlayın!

İsmayıl İSMAYILOV,

“Aran” qəzetinin sabiq əməkdaşı, şəhər sakini

Xəbər lenti

Mən Şuşadan gəlirəm -2

                                       Artıq dekabr ayıdır. Amma mən sizə avqust ayında baş tutmuş bir səfərimdən...

Xolesternlə necə mübarizə aparmalı? – MÜTƏXƏSSİS YANAŞMASI

Xolestern bir lipid, yəni bir yağ növüdür. Heyvan mənşəli qidalarda və bütün hüceyrələrdə olan şam quruluşunda yağ kimi maddələrdir. Yüksək xolesterin isə...

İnkişaf Qələbənin əsasıdır

 “Azadlıq meydanında paradlar çox keçirilib. Ancaq bu paradın xüsusi önəmi var. Bu, Zəfər paradıdır. Bu, tarixi hadisədir. Bu tarixi günün şahidi bizik,...

“Niva” “Ford Transit”lə TOQQUŞDU- Sürücü öldü

Dekabrın 4-də saat 2 radələrində Ağcabədi rayonunun Aşağı Avşar kəndi ərazisində Ağdam rayon sakini Məhəmməd Hüseynzadənin idarə etdiyi “Niva” və Ağcabədi şəhər...

Ağcabədidə ” 3 Dekabr -Beynəlxalq Əlillər Günü” qeyd olundu

Ağcabədidə " 3 Dekabr -Beynəlxalq Əlillər Günü" qeyd olunduAğcabədi rayonunda " 3 Dekabr Beynəlxalq Əlillər Günü"nə həsr olunmuş...

Ağcabədidə 3 dekabr – Beynəlxalq Əlillər Günü münasibəti ilə tədbir keçirilib

Ağcabədi rayonunda 3 dekabr - Beynəlxalq Əlillər Günü münasibətilə Gənclər üçün Təhsil Mərkəzi (GTM) Qarabağ Regional ofisi,Azərbaycan Dövlət Pedaqoji Universitetinin (ADPU) Ağcabədi filialının birgə əməkdaşlığı ilə tədbir keçirilib. 

Ağcabədidə “Təhlükəsiz Həyat” gənclər arasında maarifləndirici tədbirlər layihəsi keçirilmişdir

   Ağcabədi rayonunda Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi, Ağcabədi Rayon Gənclər və İdman İdarəsinin təşkilatı dəstəyilə “Aydınlar Ocağı” humanitar ictimai birliyi tərəfindən “Təhlükəsiz Həyat” gənclər arasında maarifləndirici...

Köyük kəndində səyyar qəbul keçirilib

Ağcabədi Rayon İcra Hakimiyyətinin başçısı Rafil Hüseynovun dekabr ayı üzrə ilk, 2022-ci il üçün isə növbəti səyyar qəbulu Köyük kəndində keçirilib. Qəbulda rayonun hüquq-mühafizə orqanlarının, idarə, müəssisə və təşkilatların rəhbərləri, kənd sakinləri...

Əhməd Cavadın 130 illik yubileyi qeyd olunub

Noyabrın 24-də ADPU-nun Ağcabədi filialında görkəmli Azərbaycan şairi və ictimai xadimi Əhməd Cavadın anadan olmasının 130 illik yubiley tədbiri keçirildi.

Müasir poeziyamızda Qarabağ hadisələrinin və qələbəmizin bədii əksi

      Bütövlüyün, vəhdətin izini, bəlkə də, sərhədlərdən silmək olar, amma yadlaşlardan, qandan yox. Odur ki, bu xalqın yaddaşından silinməyən, “böyük bir həsrət...

Şərhlər