35.7 C
Aghjabadi

Aprel döyüşləri şəhidinin anım mərasimi keçirilib

Hindarx qəsəbəsində 2016-cı il Aprel döyüşlərində qəhrəmancasına həlak olmuş həmyerlimiz Dilsuz Qarayevin anım mərasimi keçirilib. Mərasimdə Ağcabədi Rayon İcra Hakimiyyəti başçısı Aparatının Vətən müharibəsi iştirakçıları və şəhid ailələri ilə işin təşkili şöbəsinin müdiri Şöhrət Orucov, Səfərbərlik və Hərbi Xidmətə Çağırış üzrə Dövlət Xidməti Ağcabədi rayon şöbəsinin zabiti İlkin Alıyev, yerli icra və bələdiyyə nümayəndələri, Vətən müharibəsi qaziləri və iştirakçıları, şəhidin ailə üzvləri, qəsəbə sakinləri, müəllimlər, şagirdlər iştirak ediblər.

Tədbirdən öncə igid döyüşçünün xatirəsi bir dəqiqəlik sükutla yad edilib, məzarı üzərinə tər çiçəklər düzülüb.

Ağcabədi Rayon İcra Hakimiyyəti başçısı Aparatının Vətən müharibəsi iştirakçıları və şəhid ailələri ilə işin təşkili şöbəsinin müdiri Ş.Orucov, Səfərbərlik və Hərbi Xidmətə Çağırış üzrə Dövlət Xidməti Ağcabədi rayon şöbəsinin zabiti İlkin Alıyev çıxış edərək, qəhrəman həmyerlimiz, Azərbaycan Silahlı Qüvvələrinin giziri, torpaqlarımızın erməni işğalından azad olunması uğrunda gedən döyüşlər zamanı şəhid olmuş Dilsuz Məmmədağa oğlu Qarayevin şanlı həyat yolundan, göstərdiyi şücaətlərdən geniş söhbət açıblar. Qeyd olunub ki, cəsur döyüşçünün Vətən qarşısında xidmətləri unudulmur, onun əziz xatirəsi qəlblərdə əbədi yaşayır. 44 günlük Vətən müharibəsində Milli Ordumuzun çaldığı parlaq qələbəsi nəticəsində Dilsuz Qarayevin arzuları gerçəkləşib, onun və digər şəhidlərimizin qisası xain düşməndən alınıb.

Sonra şagirdlərin ifasında Qarabağa, Vətənə, şəhidlərə həsr olunmuş şeirlər səsləndirilib.

Şəhidin anası söz alaraq oğlu ilə daim fəxr etdiyini söyləyib, anım mərasimini təşkil edənlərə, tədbir iştirakçılarına minnətdarlığını bildirib.

Xəbər lenti

Xaricdə yaşayan qonşusunun həyətində narkotik əkən Ağcabədi sakini saxlanılıb

Ağcabədi Rayon Polis Şöbəsinin əməkdaşlarının keçirdiyi tədbirlər nəticəsində xaricdə yaşayan qonşusunun həyətyanı sahəsində narkotik tərkibli bitkilər yetişdirməkdə şübhəli bilinən şəxs məsuliyyətə cəlb...

DİN əməkdaşları ov silahlarını təhvil ALDI

Ağcabədi rayon sakinləri könüllü olaraq ov silahlarını polis əməkdaşlarına təhvil veriblər. DİN-in Mətbuat Xidmətinin Bərdə regional qrupundan verilən məlumata...

Aşura məclislərinə uşaqları aparmaq olarmı?

   Qəzetimizin ötən sayında  bəzi cizgi filmlərinin uşaqların psixologiyasına necə mənfi təsir etməsi ilə bağlı bir yazı dərc olunmuşdu. Məqalədə qanlı-qırğınlı, ölüb-öldürməkli, partlayışlı,...

Ağcabədi 100 min tondan çox taxıl istehsal edilən rayonlar sırasındadır

Azərbaycanda əhalinin etibarlı ərzaq təminatı dövlətin iqtisadi siyasətinin başlıca istiqamətlərindən biridir. Kənd təsərrüfatının əsasını təşkil edən taxılçılıq bu sahədə mühüm əhəmiyyət kəsb...

İstedadlı şagirdin uğurlu addımları

Hərdən ömrün ötən günlərini vərəqləyir, həyatın necə keçdiyini gözlərim önündə canlandırmağa çalışıram. Təbii ki, ağrılı-acılı, sevincli ömrün günləri gözlərim önündə canlananda qələmi...

Millətin varlığını sübut edən onun dilidir

Ana dilimiz türk dilləri ailəsinin oğuz qrupuna daxil olan qədim və zəngin bir dildir. Dilimizin ifadə zənginliyi, axıcılığı və sadəliyi, səlist ahəngi...

Parlaq Qələbə Azərbaycan üçün geniş meydanlar açır

Prezident İlham Əliyev iyulun 25-də Masallı, Lerik və Göygöl Rayon İcra Hakimiyyətlərinin yeni başçılarının vəzifələrinə təyin olunmaları ilə əlaqədar keçirdiyi qəbul zamanı...

Sudan səmərəli istifadə mühüm amildir

Avqustun 2-də Ağcabədi rayonunda Kür çayının aşağı axarında suvarma suyundan səmərəli istifadə üzrə kənd təsərrüfatı istehlakçılarının məlumatlandırılması və maarifləndirilməsi ilə bağlı dəyirmi...

UŞAQLARI PSİXOLOJİ TERRORDAN NECƏ QORUYAQ ?

Bu gün teleekranda yayımlanan cizgi filmlərinin böyük əksəriyyəti qanlı-qırğınlı, ölüb-öldürməkli, partlayışlı, aqressiv planlı, təbiətdə analoqu olmayan qorxunc-ən yaxşı halda ifadəsiz sifətli naməlum...

Küçə iti ilə söhbət

- Salam, küçə iti - Ham... ham...  Sadəcə it deyə bilməzdin? - Axı küçədə yaşayırsan

Şərhlər