16 C
Aghjabadi
Bazar, May 29, 2022

Birinci tərifdi, yazıram sənə – Ramiz Rövşəndən yeni şeir

Aranqazeti.az saytı Kulis.aza istinadən Ramiz Rövşənin “Vətənə tərif” adlı yeni şeirini təqdim edir.

“Yayın bəd nəzərdən, göz dəyər sənə.” (Qurbani)

Neçə hirsli şeir yazdım sənə mən,
Qorxmadım, küsərsən, söz dəyər sənə.
Səni tərifləmək keçir içimdən,
Birdən təriflərəm, göz dəyər sənə.

Günbəgün dirilən, durulan vətən,
Gör necə ayıqsan, sayıqsan indi.
Yalan təriflərdən yorulan vətən,
Doğrudan, tərifə layiqsən indi.

Daha dərdin-qəmin axırına çıx,
Hər günün toy-bayram içində olsun.
Bir əlin həmişə hamıya açıq,
Bir əlin yumruqtək cibində olsun.

Çoxdur sənə tərs-tərs baxanlar hələ,
Adın çox gözlərə batır tikantək.
Səni sevməyənlər, vətən, var hələ,
Səni Allah sevsin! Səni biz sevək!

Bülbül cəh-cəh vursun hər gül kolunda,
Daha qan sızmasın yaralarından.
Ölüm uzaq dursun sənin yolunda
Qurban gedənlərin balalarından.

Daha dağlarından, dərələrindən
Tütək səsi gəlsin tüfəng yerinə.
Daha bayraqlara şəhidləri yox,
Bükək körpələri bələk yerinə.

…Mən tərif yazmadım heç zaman sənə,
Amma qınamadın, vətən, sən məni.
Birinci tərifdi, yazıram sənə,
Bilirəm, peşiman etməzsən məni!..

Xəbər lenti

Şənlik kəndində Müstəqillik Gününə həsr olunmuş tədbir keçirilib

28 May - Müstəqillik Günü münasibətilə Şənlik kənd tam orta məktəbində tədbir  keçirilib. Tədbirdə Azərbaycan Təhsil İşçiləri Azad Həmkarlar İttifaqı Ağcabədi Rayon Komitəsinin  sədri...

İcra başçısının səyyar qəbulları davam edir

    Növbəti görüş Şahsevən kəndinin sakinləri ilə keçirilib   Ağcabədi Rayon İcra hakimiyyətinin başçısı Rafil Hüseynovun mütəmadi olaraq keçirdiyi...

Bir səyyar görüş haqqında təəssüratlarım

28 Aprel 2022-ci il tarixdə Ağcabədi Rayon İcra Hakimiyyətinin başçısı Rafil Hüseynov Nəcəfqulubəyli kənd tam orta məktəbində səyyar qəbul keçirdi. Sözügedən kənd...

Ağcabədidə “Əbədi müstəqillik” adlı sərgi açılıb

Ağcabədi rayon Heydər Əliyev Mərkəzində 28 May – Müstəqillik Günü ilə əlaqədar olaraq “Əbədi müstəqillik” adlı sərgi açılıb. Sərgidə...

Bağçılıq təsərrüfatı genişləndirilir

         Son illər rayonumuzda bağçılıq təsərrüfatının inkişaf etdirilməsi istiqamətində mühüm addımlar atılır. Artıq ayrı-ayrı şəxslər, fermer təsərrüfatı rəhbərləri, mütəxəssislər özlərinə məxsus olan...

Ekoloji təfəkkürlə mədəniyyətin sosial sferada münasibətləri haqqında

Mədəniyyət problemi əsrlər boyu insanları düşündürmüşdür. Son iki əsrdə isə mədəniyyətlə yanaşı, daha çox diqqət çəkən məsələlərdən biri də ekoloji problemlərdir. Aydın...

Şəhidin doğum günü mərasimi

         Kəbirli kəndində Vətən müharibəsi şəhidi Təhmasib Qarayevin doğum günü qeyd olunub. Ağcabədi Rayon İcra Hakimiyyətinin başçısı Rafil Hüseynov,...

Təcrübə məşğələləri yaxşı səmərə verir

         Nəcəf Allahverdiyev adına Ağcabədi Peşə Məktəbi tədris işlərini müasir səviyyədə qurur, tələbələrin bilikli və hazırlıqlı mütəxəssis kimi yetişmələri istiqamətində lazımi tədbirlər...

Azərbaycan-Litva münasibətləri yüksələn xətlə inkişaf edir

     Tarixin hansı mərhələsində olursa-olsun, dünyanın siyasi xəritəsində meydana çıxan yeni müstəqil dövlət ayaq üstə qalmaq üçün bir-birindən çətin sınaqlarla üz-üzə gəlir....

Ümumrayon yığıncağı keçirilib

May ayının 21-də Ağcabədi rayon Mədəniyyət Mərkəzində bölgə  ərazisində ideoloji maarifləndirmə işini həyata keçirən təbliğat qrupu üzvlərinin iştirakı ilə ümumrayon yığıncağı keçirilib.

Şərhlər