30.2 C
Aghjabadi

Taleyimə çevrilmiş qəzet

         “Aran” mənim taleyimdir. Necə deyərlər, ömrümün düz 54 ilini onun səhifələrinə köçürmüşəm. Bu məşhur qəzetlə bağlanmağımın maraqlı bir tarixçəsi vardır. Tam təsadüf nəticəsində onunla yollarımız birləşib.

1966-cı ildə Ağcabədi şəhər 2 saylı orta məktəbinin 11-ci sinifini bitirib, sənədlərimi Azərbaycan Dövlət Pedaqoji İnstitutuna təqdim etdim. Sonuncu imtahandan keçə bilmədim. Rayona döndükdən sonra özümə iş axtarmağa başladım. Pambıq yığımı olduğu üçün bütün idarə-müəssisələr bağlı idi. Buna görə də o vaxtlar rayonun birinci katibi olan Məmməd Əsgərovun qəbuluna düşməyi qərara aldım. Rayon partiya komitəsi indiki 9 saylı tam orta məktəbin binasında yerləşirdi. 

Qəbula yazılanda növbətçi məndən gəlişimin səbəbini soruşdu. İş üçün katibin qəbuluna düşmək istədiyimi bildirdim. O da cavabında, katib burda yoxdur, bir azdan gələcək, dedi və yanında yer göstərdi. Sonralar həmin növbətçinin Vəli Abdullayev olduğunu öyrəndim.

Çox keçmədən katib gəlib çıxdı. O, mənimlə əl tutub, salamlaşdı. Məni göstərərək, növbətçidən, bu cavan oğlan nə üçün gəlib, deyə xəbər aldı. Növbətçi ona iş üçün gəldiyimi söylədi. Otağa keçdik. Məmməd Əsgərov mənə özünə yaxın stulda yer göstərdi. Bir neçə sual verdikdən sonra növbətçiyə Sərdar Mehdiyevi çağırmağı tapşırdı. O, rayonda çıxan “Sürət” qəzetinin redaktoru idi.

Sərdar müəllim içəri daxil olanda ayağa durdum. Katib də qalxıb, ondan redaksiyada hansı boş iş yerinin olduğunu soruşdu. Sərdar müəllim korrektor ştatının boş olduğunu bildirdi. M.Əsgərov ona, bu oğlanı işə götürəcəksən, dedi. Sağollaşdıqdan sonra redaktorla birlikdə qəzet redaksiyasına gəldik. Sərdar müəllim məni əməkdaşlarla bir-bir tanış etdi: Əjdər müəllim, Məzahir müəllim, Bəhram müəllim (ona Marks da deyirdilər), bu da makinaçı Zəhra…

Bir az keçmiş qəzetin mətbəəsinə yollandıq. Orada məsul katib Abbas Kazımov, mürəttiblər Cavad, Höküm, Məskurə, Tamara, Sitarə, Xurma və çapçı Kamal ilə tanış oldum. Beləliklə, 1966-cı ilin oktyabr ayından “Sürət” qəzeti redaksiyasında korrektor kimi fəaliyyətə başladım. Doğrusu, bu iş çox çətin olsa da, öhdəsindən gəlməyə çalışırdım. Arabir qəzet səhifələrində müxtəlif yazılarla da çıxış edirdim.

Bir müddət keçdikdən sonra Əjdər Fərzəli Bakı şəhərinə köçdü. Onu Qəni Cəfərov əvəz etdi. Məndən bir il sonra Fazil Cəfərov (Fazil Sarvan), bir qədər keçmiş Ənvər Əhməd işə qəbul olundu. Demək olar ki, kollektiv üzvləri tez-tez dəyişirdilər. Tahir Ağazadə (sonralar o, ədəbi işçi kimi qəzetin əməkdaşı oldu) redaksiyaya mühasib vəzifəsinə gətirildi. Nərgiz makinaçı, Rafiq Allahverdiyev isə fotoqraf kimi fəaliyyətə başladı.

Tahir Ağazadənin ədəbi işçi vəzifəsinə keçməsi ilə əlaqədar, mühasibliyi də mənə həvalə etdilər. Çünki orta məktəbdə mühasibat işi üzrə tam kurs keçmişdim. Buna baxmayaraq, 1970-1973-cü illərdə texnikumda qiyabi təhsil alaraq, mühasib ixtisasına yiyələndim. 1975-ci ildən 2020-ci ilədək “Aran” (keçmiş “Sürət”) qəzeti redaksiyasında mühasib vəzifəsində çalışdım.

Qeyd edim ki, “Aran” qəzeti rayonumuzun ictimai-siyasi, iqtisadi həyatının işıqlandırılmasında çox mühüm rol oynayıb, əhali arasında böyük nüfuz qazanıb. Gözəl bir kollektiv formalaşmışdı. Kollektiv üzvlərinə elə isinişmişdim ki, onlardan ayrılmaq istəmirdim. Mənə çox idarə və müəssisə tərəfindən mühasib işləmək təklif olunurdu. Lakin doğma kollektivdən uzaqlaşmadım, redaksiyaya üstünlük verdim.

Aradan çox illər keçib. Ancaq qəzetdə işlədiyim günləri, Sərdar Mehdiyev, Fazil Sarvan, Qəni Cəfərov, Yusif Əhmədov, Şünasif Məmmədov, Dilsuz Kazımov, Məhəmməd İsmayılov, İsmayıl İsmayılov və sair kimi dəyərli insanları, mətbuat işçilərini heç vaxt unutmuram. “Aran”ın fəaliyyətində, yaşamasında misilsiz xidmətləri olan bu şəxsləri daim böyük hörmət və ehtiram hissi ilə xatırlayıram.

Şadam ki, bu gün “Aran” qəzeti etibarlı əllərdədir, öz şərəfli missiyasını uğurla davam etdirir. Doğma qəzetimizin bütün kollektiv üzvlərinə yeni-yeni nailiyyətlər arzulayıram.

Səfər Fətəliyev,

“Aran”ın sabiq əməkdaşı, şəhər sakini

Xəbər lenti

Şəhid Cəmaləddin Məmmədovun Anım günü qeyd olundu

Vətən müharibəsinin ilk günlərindən silaha sarılaraq döyüş meydanına atılan oğullarımızdan biri də Məmmədov Cəmaləddin Türbəndə oğludur. O, 1988-ci ildə Ağcabədinin Kürdlər kəndində...

Ağcabədidə prokurorluq işçilərinin peşə bayramı qeyd olundu

Ağcabədi rayonunda 1 oktyabr - Prokurorluq işçilərinin peşə bayramı günü münasibəti ilə tədbir keçirildi.Tədbirdə hüquq-mühafizə orqanlarının rəhbər və əməkdaşları, Ağcabədi Rayon İcra...

​​​Xalqımız bütün təhdidlərə sinə gərəcək

  2020-ci ilin sentyabr  ayının 27-də​Ermənistanın təh-riki ilə başlayan və qəhrəman ordumuzun sücaəti nəticəsindəAzərbaycanın qələbəsi ilə başa çatan 2-ci Qarabağ Müharibəsi 30 il işğal altında inləyən torpaqlarımızın azad edilməsi ilə nəticələndi.

Anım günü kitabxanada da qeyd edilib

Sentyabr ayının 26-da Ağcabədi Regional Mədəniyyət İdarəsi Ağcabədi rayon Mərkəzləşdirilmiş Kitabxana Sisteminin kollektivi tərəfindən “27 Sentyabr - Anım Günü” ilə bağlı tədbir...

Şəhid ailələri ziyarət olunub

      YAP Ağcabədi rayon təşkilatının sədri Rövşən Əhmədov və aparatın əməkdaşları sentyabrın 27-də Vətən müharibəsinin ilk günündə qəhrəmancasına həlak olmuş Poladlı...

Taekvondo üzrə rayon turniri keçirilmişdir

25 sentyabr 2022-ci il tarixdə Ağcabədi Rayon Gənclər və İdman İdarəsinin təşkilatçılığı ilə "Rizvan" Taekvondo Klubunun idman zalında "Anım...

İcra Hakimiyyətində yeni komissiya yaradılıb

Sentyabrın 23-də Ağcabədi Rayon İcra Hakimiyyətində şəhid ailəsi üzvləri, əlillik dərəcələri təyin olunmuş Vətən müharibəsi iştirakçıları və “Müharibə...

Şəhid Gülalı Qəhrəmanovun anım mərasimi keçirilib

​Şəhidlik məqamına ucalan hər kəs əbədi olaraq könüllərdə yaşayır, əbədilik qazanır.  ​Vətənimizin sərhədlərini yenidən quran Vətən baniləri öz adlarını tarixə əbədi...

Gücümüz birliyimizdir!

    Səfər Ali Baş Komandan cənab Prezident İlham Əliyevin və birinci xanım Mehriban Əliyevanın cari ilin 27 sentyabrda Anım günündə Füzuli rayonuna səfərləri mühüm əhəməiyyət kəsb etdi. Səfəri zamanı çıxışında cənab...

Şəhid Rövşən Allahverdiyevin anım günü qeyd edildi

​Sentyabrın 28-də digər Qaraxanlı kəndində şəhid Rövşən Allahverdiyevin anım mərasimi keçirildi. ​Mərasimdə Ağcabədi Rayon İcra Hakimiyyəti başçısı, hüquq-mühafizə orqanları rəhbərləri, səfərbərlik və hərbi...

Şərhlər