5.7 C
Aghjabadi

Mircəfər Bağırova mətbəəyə daxil olmağa icazə verməyən şəxs kimdir?

         Bu əhvalat ötən əsrin qırxıncı illərinin sonlarında, Böyük Vətən müharibəsi bitdikdən sonrakı dövrdə baş verib. O vaxtlar rayonumuzda nəşr olunan “Ağcabədi pambıqçısı” qəzetinin mətbəəsi indiki Heydər Əliyev prospekti ilə Nəriman Nərimanov küçəsinin kəsişdiyi ərazidə Piralı Şirəliyevin ailəsinə məxsus köhnə ikimərtəbəli evin yaxınlığında yerləşirdi. Ağcabədi sakini Cavad Azadov da digər həmkarları ilə birlikdə burada çapçı vəzifəsində işləyirmiş. Həmin dövrdə “Ağcabədi pambıqçısı” qəzetinin işıq üzü görməsində və bölgədə yayılmasında onun böyük əməyi olub.

C.Azadov bir gün işlərini səhmana salıb nahar fasiləsinə çıxmaq istəyərkən mətbəənin qarşısında tanımadığı bir adamın durduğunu görüb. Onun görkəmi, qiyafəsi bu yerlərdən olmadığına şübhə yeri qoymayıb. Naməlum şəxs salam verib mətbəəyə daxil olmaq istəyib. Lakin Cavad kişi onun içəri girməsinə imkan verməyib. Qapının üzərində vurulmuş yazını göstərərək, kənar şəxslərin mətbəəyə daxil olmasının qəti qadağan olunduğunu xatırladıb. Həmin şəxs buna məhəl qoymadan inadla yenidən otağa keçməyə cəhd edib. Ancaq Cavad kişi təkrarən onun qarşısını kəsib.

Həmin şəxs bu hərəkətdən bərk əsəbləşərək, qeyzlə oradan uzaqlaşıb və rayon partiya komitəsinin binasına gedib. Bir azdan qonağın Azərbaycan Kommunist Partiyasının I katibi Mircəfər Bağırov olduğu bilinib. Bu xəbər çox keçmədən ildırım sürəti ilə bütün rayona yayılıb. C.Azadov da bundan xəbər tutub. O, barmağını dişləyib, mətbəəyə buraxmadığı şəxsin Mircəfər Bağırov olduğunu anlayıb.

Qonaq rayon partiya komitəsində onu mətbəəyə daxil olmağa qoymayan çapçının dərhal qəbuluna gətirilməsini tələb edib. Raykomun işçiləri tez əl-ayağa düşüblər. Təlimatçılardan biri Cavad kişinin ardınca gedərək onu Mircəfər Bağırov çağırdığını və birlikdə raykoma gedəcəklərini deyib. Bundan bərk həyəcana düşən Cavad kişi bu çağırışın nə ilə nəticələcəyini yaxşı anladığından mütləq güllələnəcəyini yəqin edib. Odur ki, geyinib ailəsi və uşaqları ilə görüşüb, halallaşıb, tələsik təlimatçı ilə bərabər raykoma gəlib. Başıbəlalı çapçı zorla “rəhbərin” qəbuluna aparılıb.

Lakin orada tamam başqa bir mənzərə yaranıb. Mircəfər Bağırov gözlənilmədən üzünü raykomun birinci katibinə tutaraq, belə bir məsuliyyətli mətbəə işçisinin təcili partiya sıralarına qəbul olunması və əməkhaqqının artırılması göstərişini verib. Bu tapşırıq həmin andaca yerinə yetirilib.

Ölümünü gözünün önünə alan C.Azadov sağ qalmağından sevinərək evinə dönüb. Dediyinə görə, o, uzun müddət rastlaşdığı bu qəribə hadisənin təsiri altında yaşayıb, ömrünün sonuna kimi onu unutmayıb. Cavad kişi öz iş yoldaşlarına, tanıdığı şəxslərə Mircəfər Bağırovla bağlı tez-tez söhbət açırmış. Qocaman çapçının başına gələnlər bu gün də rayonda danışılır, xatirələrdə vərəqlənir…

Yəhya PAŞAZADƏ

Xəbər lenti

12 dekabr ümummilli lider Heydər Əliyevin anım günüdür

Azərbaycan xalqının böyük oğlu Heydər Əlirza oğlu Əliyev 1923-cü il mayın 10-da Naxçıvanda anadan olub. 1944-cü ildən təhlükəsizlik orqanları...

“12 Dekabr-Ümummilli Lider Heydər Əliyevin Anım günü”ilə əlaqədar məktəblərdə mühazirələr davam etdirilir

Bu gün Mərkəzin direktor səlahiyyətlərini icra edən Rövşanə Əliyeva tərəfindən M.Aranlı adına 11 saylı tam orta məktəbin Gənc Heydərçilərinə Ulu Öndər Heydər...

Ağcabədi rayon Heydər Əliyev Mərkəzində “12 Dekabr-Anım Günü” ilə əlaqədar “Heydər Əliyev və Gənclər siyasəti” adlı tədbir keçirildi

Tədbir 07 dekabr 2022-ci il tarixində Ağcabədi rayon Gənclər və İdman İdarəsinin birgə təşkilatçılığı və Ağcabədi şəhər M.Aranlı adına 11 saylı tam orta...

Ağcabədi sakininin çantasından oğurluq edilib

Yasamal rayonu ərazisindəki mağazaların birində Ağcabədi rayon sakini olan bir qadının çantasından içərisində pulu olan cüzdanının oğurlanması barədə polisə məlumat daxil olub.

Həmyerlimizdən daha bir uğur

Maltanın paytaxtı Valetta şəhərində 2022-ci il 25-28 noyabr tarixlərində yeniyetmə taekvondoçular arasında Avropa çempionatı keçirilib. Həmin turnirdə uğurlu nəticə qazananlardan biri həmyerlimiz...

Mədəniyyət və dünyagörüşü

 Mədəniyyət maddi və mənəvi sərvətlərin yaradılmasına, mənimsənilməsinə, saxlanmasına və bölgüsünə istiqamətləndirilən ictimai münasibətlər sistemidir. Bu maddi istehsalla şərtlənən, öz mahiyyəti etibarilə sosial...

Süleyman Gözəlov: İlk növbədə gənclərimizin sağlam ruhda böyüməsini düşünürdüm

İdmanla məşğul olmaq insanı bir çox zərərli vərdişlərdən uzaq etdiyi kimi, pis xəstəliklərdən də qoruyur. Müasir dövrün tələblərinə uyğun olan “Sağlam bədəndə,...

Ağcabədidə 5 dekabr Beynəlxalq Könüllülər Günü qeyd edilib

       Ağcabədi rayonunda Gənclər üçün Təhsil Mərkəzi (GTM) Qarabağ regional ofisi, Ağcabədi regional "ASAN xidmət" mərkəzi, Gənclərin İnkişaf və Karyera Mərkəzinin (GİKM)...

Mən Şuşadan gəlirəm -2

                                       Artıq dekabr ayıdır. Amma mən sizə avqust ayında baş tutmuş bir səfərimdən...

Xolesternlə necə mübarizə aparmalı? – MÜTƏXƏSSİS YANAŞMASI

Xolestern bir lipid, yəni bir yağ növüdür. Heyvan mənşəli qidalarda və bütün hüceyrələrdə olan şam quruluşunda yağ kimi maddələrdir. Yüksək xolesterin isə...

Şərhlər