Daha 4 məktəbdə erkən nikahlara qarşı maarifləndirmə tədbirləri keçirilib

Şagirdlər də erkən nikaha yox dedilər

    Hər il ən azı 12 milyon qız 18 yaşına çatmadan evlənir və ya buna məcbur edilir. Bu isə hər dəqiqədə 28 qızın erkən nikaha daxil olması deməkdir. UNICEF-in məlumatına görə,  ən zəif inkişaf etmiş ölkələrdə bu rəqəm iki dəfə artıqdır.

    Ölkəmizdə bu halların qarşısının alınması üçün müvafiq tədbirlər görülür. Amma təəssüf ki, hələ də erkən nikah mövzusu aktual olaraq qalmaqdadır. Bu tədbirlərin istiqaməti dəyişmək,auditoriyanı düzgün seçmək,keçirilən tədbirdən real nəticə almaq üçün Ağcabədi Rayon İcra Hakimiyyətinin təşəbbüsü ilə təşkil olunan “Erkən nikaha yox de” maarifləndirici tədbirlərinin böyük rol oynayacağı göz önündədir.

    Aprelin birindən başlayan tədbirlərdə icra hakimiyyətinin  əməkdaşları ilə yanaşı təhsil və səhiyyə işçiləri,digər ziyalılar  da iştirak edir, şagirdlərə erkən nikahın fəsadları haqqında ətraflı məlumat verir,fikir mübadiləsi aparırlar.

    Növbəti belə tədbir Aran kənd 1 saylı tam orta, 2 saylı ümumi orta, Qaradolaq, Kəbirli kənd tam orta məktəblərində olmuş 8-11-ci siniflərin qız şagirdləri ilə ətraflı söhbətlər aparılmışdır.Tədbirlər də Ağcabədi rayon İcra Hakimiyyətinin İctimai-siyasi və humanitar məsələlər şöbəsinin baş məsləhətçisi Sevinc Niftalıyeva , “Aran” qəzetinin redaktoru Məhsəti Musa və digərləri çıxış ediblər.

     Sevinc Niftalıyeva bildirib ki, maarifləndirmə tədbirlərinin keçirilməsi üçün 3 qrup yaradılıb və həmin qrupların iştirakı ilə artıq rayon ərazisindəki ümumtəhsil məktəblərinin yarıdan çoxunda şagirdlərlə söhbətlər aparılıb. O, öz çıxışında erkən nikahın yaratdığı problemlərlə yanaşı qohum evliliklərinin hansı fəsadlara yol aça bildiyindən, gələcək övladların sağlamlığı naminə bu evliliklərdən imtina etməyin vacibliyindən söz açıb. Həmçinin qızların gigiyenik qaydalara riayət etməsi, əxlaqi məsələlərdə diqqətli olması mövzusunda da ətraflı danışıb, istiqamətverici söhbətlər edib. Çıxış zamanı Sevinc Niftalıyeva şagirdlərə öz hüquqlarını bilməli olduqlarını, erkən nikaha,qohum evliliklərinə təhrik edildikləri halda atmalı olduqları lazımi addımlarla bağlı məlumat verib.

      “Aran” qəzetinin redaktoru Məhsəti Musa  erkən nikahla bağlı fikirlərini müəyyən misallar əsasında şagirdlərin diqqətinə çatdırıb. Valideynlərin bəzən evə,var-dövlətə həvəsiyib övladlarını düşünmədən ailə qurmağa məcbur etməsini təəssüf hissi ilə qeyd edərək bəzən qızalarımızın da bu işıltıya aldandığını, həmin toy-büsat bitdikdən sonra isə çiyinlərinə götürə bilməyəcəkləri bir ailə yükünün altına girdiklərini anladıqlarını bildirib. Uşaqlıq və gənclik illərini doya-doya yaşamadan birbaşa ailə həyatına atılan, qadın olmağa,ana olmağa həvəs göstərən və ya məcbur edilən qızlarımızın yaşadığı sarsıntılardan,aldıqları psixoloji,mənəvi və fiziki zədələrdən söz açıb. O,sonradan peşimançılıq yaşamamaq üçün təhsilin,peşə qazanmağın vacibliyini vurğulayıb.

      Sözügedən məktəblərin direktorları da mövzu ilə bağlı fikirlərini bölüşüb, bu kimi halların qarşısının alınması üçün əllərindən gələni etdiklərini bildiriblər.

     Sonda şagirdlərin fikirləri öyrənilib, onların təhsil almaq istədikləri,erkən nikahlara qarşı olduqları aydın olub, müəyyən sualları cavablandırılıb.

Millət vəkilindən mediaya dəstək

Xəbər verdiyimiz kimi, Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında müzakirə olunan məsələlər arasında medianın vergidən azad...

Mehriban Əliyeva Türkiyəyə başsağlığı verib

Azərbaycanın Birinci vitse-prezidenti Mehriban Əliyeva Türkiyədə baş vermiş zəlzələ ilə əlaqədar qardaş ölkəyə başsağlığı verib.  "Instaqram" hesabında olan paylaşımda...

Bu gün Xankəndi-Laçın yolunda sülhməramlıların 26 avtomobili maneəsiz keçib

Şuşadan keçən Xankəndi-Laçın yolunda Rusiya sülhməramlılarına məxsus daha 20 avtomobilin hərəkət etməsinə növbəti dəfə şərait yaradılıb.   "Report"un aksiya keçirilən...

Azərbaycanda qəzet və saytlara verilən maddi yardımlar vergilərdən azad edilir

Aranın xəbərinə görə, bununla bağlı Vergi Məcəlləsinə dəyişiklik təklif olunur. Layihənin qeyd hissəsində əsaslandırılıb...

Azərbaycan və  Macarıstan oxşar cəhətlərə malik ölkələrdir

Azərbaycan Respublikasının Prezidenti İlham Əliyev Macarıstana rəsmi səfəri zamanı Budapeştdə mətbuata bəyanat vermişdir. Bəyanatda qeyd edilir ki, dost ölkələr kimi Azərbaycanla Macarıstan...

Azərbaycanda media subyektlərinin əldə etdikləri gəlirlər vergidən azad olunacaq

Azərbaycanda media subyektlərinin əldə etdikləri gəlirlər vergidən azad olunacaq. "Report"un xəbərinə görə, bununla bağlı Vergi Məcəlləsinə dəyişiklik təklif olunur.

Azərbaycan və Macarıstan münasibətləri yeni inkişaf mərhələsində

Şərqi Avropa ölkələri, o cümlədən Macarıstanla ikitərəfli və çoxtərəfli əməkdaşlığın inkişafı ölkəmizin xarici siyasətinin vacib istiqamətlərindən biridir. Bu ölkələr arasında qarşılıqlı səviyyədə...

Türkiyədə zəlzələdə ölənlərin sayı 284 nəfərə çatıb, 2323 nəfər yaralanıb 

Türkiyədəki zəlzələdə ölənlərin sayı 284 nəfərə çatıb. “Aran” xəbər verir ki, bunu Türkiyənin vitse-prezidenti Fuat Oktay jurnalistlərə açıqlamasında deyib.

Azərbaycan Prezidentinin tapşırığı ilə FHN-in çevik qüvvələri Türkiyəyə yola düşəcək

Bu gün səhər saatlarında Türkiyə Respublikasında baş vermiş güclü zəlzələnin fəsadlarının aradan qaldırılması və axtarış-xilasetmə əməliyyatlarına dəstək məqsədilə Azərbaycan Respublikasının Prezidenti cənab...

Prezident İlham Əliyev Ərdoğana başsağlığı verib

Azərbaycan Prezidenti İlham Əliyev Türkiyə Prezidenti Rəcəb Tayyib Ərdoğan başsağlığı verib. Aran xəbər verir ki, başsağlığında deyilir:

Şərhlər