19.8 C
Aghjabadi

Azərbaycanın müstəqil dövlət siyasəti uğur qazanır

Azərbaycan 30 ilə yaxın davam edən ədalətsiz siyasi-hərbi mübarizədən qalib çıxdı. Prezident İlham Əliyev müdrik siyasəti ilə status-kvonu dəyişdirdi, təmas xəttini darmadağın etdi. Azərbaycan xalqının birliyi, qalib Prezidentinə və qəhrəman Azərbaycan Ordusuna inamı bu tarixi qələbəmizi reallaşdırdı, Qarabağın Azərbaycanın ayrılmaz tərkib hissəsi olduğunu bir daha təsdiq etdi.

Qarabağ münaqişəsini Azərbaycanın müzəffər Ali Baş Komandanı İlham Əliyevin rəhbərliyi ilə Milli Ordumuz, xalqımızın qeyrətli və qəhrəman oğulları həll etdi. Qardaş ölkələrdən Türkiyə və Pakistan da Azərbaycana siyasi dəstək verdilər. Buna görə Prezident İlham Əliyev dəfələrlə bu ölkələrin liderlərinə minnətdarlığını bildirib. Amma Minsk qrupu məsələnin həlli istiqamətində heç bir addım atmadı. Prezident İlham Əliyev  müsahibələrində dəfələrlə  bəyan etdi ki, onlar danışıqlar prosesi dövründə gəlib, təkliflər verib, prezidentlər səviyyəsində keçirilən görüşlərin gündəliyini təsbit ediblər. İndi isə müharibə bitdiyindən iki ilə yaxındır ki, onlardan hər hansı təklif yoxdur: Biz bu məsələni həll etdik, Dağlıq Qarabağ münaqişəsi başa çatdı, “Dağlıq Qarabağ” adlı inzibati ərazi mövcud deyil. Dövlət başçısı Birləşmiş Millətlər Təşkilatının Baş Assambleyasının sessiyasında çıxışında “Mən bütün ölkələrə müraciət etdim və dedim, rica edirəm ki, bundan sonra “Dağlıq Qarabağ” ifadəsi işlədilməsin, Azərbaycan ərazisində belə bir qurum yoxdur. Qarabağ zonası var, Şərqi Zəngəzur var”. Bundan sonra Minsk qrupunun fəaliyyəti etimad tədbirləri, yolların açılması, dəhlizlərin açılması, sülh prosesinə dəstək kimi məsələlər ola bilər. “Dağlıq Qarabağ”ın – olmayan qurumun statusu ola bilərmi? Əlbəttə ki, yox. Mən demişəm, bir daha demək istəyirəm ki, əgər kimsə “Dağlıq Qarabağ”a status vermək istəyirsə, öz ölkəsində bir ərazi versin, orada bir qurum yaratsın, onların müstəqilliyini tanısın, biz də tanıyaq. Amma Azərbaycan ərazisində yox!” Təbii ki, Prezidentin bu mövqeyi Azərbaycan xalqının mənafeyinə tam uyğundur.

Regionda sülhün bərqərar olması zəruriliyi Azərbaycanın rəsmi mövqeyini əks etdirir. Sülh müqaviləsi mütləq reallaşdırılmalıdır. Şübhəsiz ki, burada sərhədlərin delimitasiyası və demarkasiya üzərində işlərin aparılmasının gerçəkləşdirilməsi də mühüm önəm daşıyır. Ermənistanın bu istiqamətdə tez bir zamanda fəaliyyətə başlaması, sülh sazişi üzərində danışıqlara qoşulması bu ölkəni həm üzləşdiyi daxili siyasi və iqtisadi böhrandan xilas edər, həm də regionda sülhün inkişafına mühüm töhfə verə bilər.

Əlbəttə Minsk qrupu vaxtında ciddi təzyiq göstərsəydi, Ermənistan məcbur olub, işğal edilmiş torpaqlardan çıxacaqdı və belə olan halda müharibəyə ehtiyac qalmayacaqdı. Ancaq onlar bu təzyiqi etmədilər. Məlumdur ki, Minsk qrupuna həmsədrlik edən üç dövlət Birləşmiş Millətlər Təşkilatı Təhlükəsizlik Şurasının daimi üzvüdür. Onlar dünya miqyasında ən güclü ölkələr sayılırlar. Sadəcə olaraq, nə hərb, nə sülh siyasətinə üstünlük verdilər. Bu gün Azərbaycan regionda yeni reallıqlar yaradıb. Minsk qrupu da, dünyanın digər güc mərkəzləri də regiondakı real vəziyyəti nəzərə almalıdırlar. Hər bir siyasətçi, hər bir dövlət hadisələrə qiymət verərkən beynəlxalq hüquq normalarından çıxış etməlidir. Bəzi güclərin Cənubi Qafqazda vəziyyəti yenidən gərginləşdirmək cəhdləri regionda yaşayan xalqların maraqlarına ziddir.

Rövşən ƏHMƏDOV,

Yeni Azərbaycan Partiyası rayon təşkilatının sədri

Xəbər lenti

Mənim anam Zəhra müəllimdir

Anamla mən bir-birimizdən çox fərqli insanlarıq. Yox, bəzi oxşarlıqlarımız da var. Məsələn, ondan mənə yazmaq, bir də nəfəs...

Həcər Əliyeva: Müəllim kimi də, qadın kimi də xoşbəxtəm

Əliyeva Həcər Əlinağı qızı Ağcabədidə doğulub. Azərbaycan Pedaqoji Dillər İnstitutunu (İndiki ADU) bitirib. İngilis dili müəllimidir. Hazırda M.F.Axundov adına Ağcabədi şəhər 3...

“Müəllim məni atamın ölümünə görə utanmağa qoymadı…”

 7-ci sinifdə oxuyuram. Qış aylarıdır. Atamın 40-ı təzə çıxıb. Yeni-yeni məktəbə qayıdıb, dərslərə adaptasiya oluram... Azərbaycan dili dərsidir. Müəllim...

Ağcabədi sakinini maşın vurub

Oktyabrın 4-ü, saat 23:00 radələrində, Qaradağ rayonunun ərazisində Saatlı rayon sakini Y.Məmmdəov idarə etdiyi “Chevrolet” markalı avtomobillə yolu keçən Ağcabədi rayon sakini Elşən...

Bu müəllimləri siz də tanıyın

Ötən tədris ilində Ağcabədidən 20 nəfər məzun 600 baldan yuxarı nəticə göstərərək ali məktəblərə qəbul olunmuşdu. “Aran” qəzetində onların hər biri haqqında...

Ağcabədi məktəbliləri Vətən müharibəsinə və Müstəqilliyin Bərpası Gününə həsr edilən məruzələr dinləyiblər

Ağcabədi rayon Heydər Əliyev Mərkəzinin əməkdaşları tərəfindən yeni tədris ilində ümumtəhsil məktəblərində məruzələrin keçirilməsi davam etdirilir. Oktyabr ayında keçirilən məruzələr Vətən müharibəsinin...

Ulu Öndərin arzuları reallığa çevrildi

Azərbaycanın çoxəsrlik dövlətçilik tarixi taleyüklü anlar və məqamlarla zəngindir. Həlledici amil isə liderlik fenomeni, yaxud lider faktorudur. İnkaredilməz həqiqətdir...

Şəhid Anar Cəfərovun anım mərasimi keçirildi

                            44 günlük Vətən müharibəsində torpaqlarımızın azadlığı uğrunda şəhidlik zirvəsinə ucalan qəhrəmanlarımızdan biri də 1977-ci ildə Ağcabədi şəhərində...

Prezident təqaüdünə layiq görülüblər

Prezident İlham Əliyev 2022-2023-cü tədris ilində Azərbaycanın ali məktəblərinə daxil olmuş tələbələrə Prezident təqaüdünün verilməsi haqqında Sərəncam imzalayıb. “Aranqazeti.az”  saytı xəbər...

Elm və təhsil naziri Bərdədə Ağcabədi sakinlərini qəbul edəcək

Elm və təhsil naziri Emin Əmrullayev oktyabrın 27-də Bərdə şəhərində vətəndaşları qəbul edəcək. Qəbulda Bərdə, Ağcabədi, Ağdam, Tərtər, Füzuli, Xocalı, Xocavənd rayonları...

Şərhlər