32.1 C
Aghjabadi
Bazar, İyun 26, 2022

Yolunu gözləyirik, Nuray

         Nuray Əmirli M.F.Axundov adına 3 saylı məktəb-liseyin Va sinif şagirdidir. Ailənin yeganə övladı olan bu balaca qız yaşıdları arasında həmişə öz qabiliyyəti və bacarığı ilə seçilib. Tədbirlərdə fəal iştirak edən Nuray, öz gözəl rəqsləri, ifa etdiyi şeirlər ilə hər kəsin qəlbində nurlu obraz yaratmağı bacarıb.

Nuray həm də dərs əlaçısıdır. Məktəbimizdə uşaqdan böyüyə qədər hamı onu çox sevir. Son bir ildə o, ağır leykoz diaqnozu ilə müalicə olunur. Gözəl şagirdin sağalması üçün məktəbimizin bütün müəllim və şagirdləri Allaha dua edir və bacardıqları köməkliyi əsirgəmirlər.

Məktəbin iki nəfər müəllimi isə Nurayın ailəsini himayəyə götürüb.

Nuray əslən Laçındandır. Hamımızda belə bir inam vardır ki, bu balaca qızcığaz sağalacaq və doğma Laçında, gözəl Şuşada öz bacarığını, insanlara olan sevgi və məhəbbətini bütün dünyaya bəyan edəcək.

Nuray Əmirli gözəl ürək sahibidir. Görkəmli şair Bəxtiyar Vahabzadə demişkən:

Mən neynirəm o ürəyi
O bilməyir düşünməyi
Bacarmırsa o sevməyi
Demək o heç ürək deyil,
O, heç mənə gərək deyil.

Belə bir ürək sahibnin yetişməsində onun valideynləri ilə ibtidai sinif müəllimi Sevda Quliyeva, V sinfin rəhbəri Arzu Şirinovanın böyük zəhməti var .

Bir müddət öncə televiziya kanallarından birində Nuraya dəstək məqsədi ilə keçirilən aksiyaya məktəbin pedaqoji kollektivi, şagirdlər də qoşuldular. Onun müəllimləri S.Quliyeva, A.Şirinova və 9 nəfər sinif yoldaşı sözügedən verilişdə iştirak etməklə bir daha istedadlı balamıza dəstək olduqlarını, ağır zamanda birliklərini nümayiş etdirdilər.

Bu dəstəyə görə Va sinfinə pedaqoji şuranın qərarı ilə “Məktəbin fəxri sinfi” adı verilib. İnanırıq ki, Nuray qayıdacaq, fəxri sinfin fəxri üzvü olacaq. Məktəb tədbirləri yenə də onun gözəl ifaları ilə nurlanacaq. Nurayımız özündən başqa da xəstə uşaqların sağalması üçün xalqımıza müraciət edib. Dünyanın hər yerindən dəstək alıb. Artıq 10 nəfərin sağalması reallaşıb. Bəlkə də, bu bir tale yazısıdır. Nurayın nə qədər böyük bir ürəyə sahib olduğu hamıya bəlli olub.

Sən ən zərif bir çiçəksən, Nurayım,
İşıq saçan bir mələksən, Nurayım,
Böyük qəlbin, böyük gücün var sənin,
Özün boyda bir ürəksən, Nurayım.

Allah sənə şəfa versin gözəl balamız. Sağal tez qayıt, valideynlərini, müəllimlərini, şagird yoldaşlarını sevindir!

Camal Abbasov,

Zəhra İbrahimova,

respublikanın əməkdar müəllimləri

Xəbər lenti

Ağcabədidə Silahlı Qüvvələr Günü qeyd olunub

Azərbaycan Silahlı Qüvvələrinin yaradılmasının 104 illiyi münasibətilə Ağcabədi rayon ərazisində "N" saylı hərbi hissədə tədbir keçirilib. Öncə Ağcabədi rayon icra hakimiyyətinin başçısı...

26 İyun Azərbaycan Silahlı Qüvvələri Günüdür

1918-ci il mayın 28-də müstəqilliyini elan etmiş Azərbaycan Xalq Cümhuriyyəti cəmi 23 ay yaşamasına baxmayaraq, ölkədə ordu quruculuğu sahəsində əhəmiyyətli addımlar ata...

“Şuşa ili”nə həsr olunmuş tədbir maraqla qarşılanıb

Ağcabədi Rayon Heydər Əliyev Mərkəzinin təşəbbüsü və təşkilatçılığı, "Ələk" ədəbi məclisi, Ağcabədi şəhər Uşaq İncəsənət Məktəbi, Qarabağ Muğam Mərkəzi və Ağcabədi Rayon...

Dövlətçiliyin və Xalqın xilaskarı

Azərbaycanın Xalqının Ümummilli Lideri Heydər Əlirza oğlu Əliyev  tarixə öz adnını qızıl həriflərlə yazmış dahi sərkərdə olmuşdur. Heç şübhəsiz ki, Ulu...

“Qəbələ”nin kapitanı: “Valideynlərim futbola getməyimə ancaq bir şərtlə razılaşmışdılar ki…” – MÜSAHİBƏ

Saytımızda bu gündən etibarən "TAM ŞƏXSİ" rubrikasına start veririk. Sözügedən rubrikada tanınmış futbolçularla onların futbol karyerası və ailə həyatına dair müsahibələrə yer...

Təbrik edirik!

            Azərbaycan Respublikasının Prezidenti İlham Əliyevin 22 iyun 2022-ci il tarixli Sərəncamı ilə respublikamızda bir qrup dövlət qulluqçusu “Dövlət qulluğunda fərqlənməyə görə”...

23 İyun Dövlət Qulluqçularının peşə bayramıdır

Azərbaycan Respublikasının Prezidenti İlham Əliyevin 25 may 2006-cı il tarixli Sərəncamına əsasən hər il İyunun 23-ü dövlət qulluqçularının peşə bayramı günü kimi...

Yerli idarəetmədə yeniliyin ünvanı

Dövlətin istəyi reallaşır, vətəndaş məmnun qalır Ağcabədi ölkənin böyük iqtisadi potensiala, əmək ehtiyatlarına malik rayonlarındandır. Bu diyarın torpağı münbit,...

Aran kəndində səyyar qəbul keçirilib

            Azərbaycan Respublikasının Prezidenti İlham Əliyevin tapşırığı ilə icra və idarəetmə orqanlarının rəhbərləri tərəfindən vaxtaşırı yerlərdə səyyar qəbullar keçirilir, vətəndaşların problemlərinin həlli...

Azərbaycan Milli Kitabxanasının direktoru , həmyerlimiz CENL toplantısında çıxış edib

Azərbaycan Milli Kitabxanasının direktoru Kərim Tahirov Ankarada Prezident Kitabxanasında keçirilən CENL toplantısında çıxış edib. Kitabxanadan bildirilib ki, Avropa Milli...

Şərhlər