28 C
Aghjabadi

Bağçılıq təsərrüfatı genişləndirilir

         Son illər rayonumuzda bağçılıq təsərrüfatının inkişaf etdirilməsi istiqamətində mühüm addımlar atılır. Artıq ayrı-ayrı şəxslər, fermer təsərrüfatı rəhbərləri, mütəxəssislər özlərinə məxsus olan pay torpaqlarında bağ salmaq işləri ilə geniş məşğul olmağa başlayıblar.

Bağsalma tədbirləri şəhər mərkəzində, rayonun qəsəbə və kəndlərində böyük vüsət alıb. Təcrübəli kənd təsərrüfatı mütəxəssisi, Təzəkənd kənd sakini Əsgərxan Muxtarov də belə şəxslərdəndir. O, 2019-cu ildən bağçılıqla məşğul olur. Onun rəhbərliyi altında sözügedən kənd ərazisində yerləşən pay torpağının 3,8 hektar sahəsində müxtəlif meyvə ağaclarından ibarət geniş bağ salınıb. Bağda məhsuldar növlərdən olan Göyçə alçası, qoz, nar, xurma ağacları yetişdirilir. Göstərilən yüksək aqrotexniki tədbirlər nəticəsində ağaclar yaxşı inkişaf edir. Yaxın vaxtlarda həmin ağaclardan bol məhsul götürülməsi gözlənilir. Səriştəli təsərrüfatçı həyətyanı torpaq sahəsində 80 ədəddən çox limon ağacları da yetişdirib. Özünün dediyinə görə, hər ağacdan il ərzində 200 ədəddən çox limon götürməyə nail olur.

Söhbət zamanı Əsgərxan Muxtarov bağ salmaq həvəsinin peşəsi ilə əlaqədar olduğunu vurğulayıb. O, 1971-ci ildə S.Ağamalıoğlu adına Azərbaycan Kənd Təsərrüfatı İnstitutunun meyvə-tərəvəzçilik və üzümçülük fakültəsini bitirib. Həmin vaxtdan ixtisasına uyğun olaraq, rayonda fəaliyyət göstərən üzümçülük sovxozunda çalışan gənc aqronom burada təcrübəli mütəxəssis kimi formalaşıb. Sonralar o, Ə.Bünyadov və M.Ə.Sabir adına kolxozlarda fəaliyyətini davam etdirib. Kolxoz quruluşunun dağılması ilə əlaqədar olaraq, Əsgərxan Muxtarov pay torpağında əkinçilik işləri ilə məşğul olub. O, əvvəlcə pambıq, yonca əkini və heyvandarlıq sahəsində özünü sınayıb. Onun dediyi kimi, həmin sahələrdə heç də pis nəticələr əldə olunmayıb. Lakin Əsgərxan kişi daha çox bağçılıqla məşğul olmağa üstünlük verib. Bu sahədən xüsusi zövq aldığını vurğulayan təcrübəli təsərrüfatçı bağçılıq təsərrüfatını bundan sonra daha da inkişaf etdirmək fikrində olduğunu bildirib.

Adil MİSİRLİ

Xəbər lenti

​​​Xalqımız bütün təhdidlərə sinə gərəcək

  2020-ci ilin sentyabr  ayının 27-də​Ermənistanın təh-riki ilə başlayan və qəhrəman ordumuzun sücaəti nəticəsindəAzərbaycanın qələbəsi ilə başa çatan 2-ci Qarabağ Müharibəsi 30 il işğal altında inləyən torpaqlarımızın azad edilməsi ilə nəticələndi.

Anım günü kitabxanada da qeyd edilib

Sentyabr ayının 26-da Ağcabədi Regional Mədəniyyət İdarəsi Ağcabədi rayon Mərkəzləşdirilmiş Kitabxana Sisteminin kollektivi tərəfindən “27 Sentyabr - Anım Günü” ilə bağlı tədbir...

Şəhid ailələri ziyarət olunub

      YAP Ağcabədi rayon təşkilatının sədri Rövşən Əhmədov və aparatın əməkdaşları sentyabrın 27-də Vətən müharibəsinin ilk günündə qəhrəmancasına həlak olmuş Poladlı...

Taekvondo üzrə rayon turniri keçirilmişdir

25 sentyabr 2022-ci il tarixdə Ağcabədi Rayon Gənclər və İdman İdarəsinin təşkilatçılığı ilə "Rizvan" Taekvondo Klubunun idman zalında "Anım...

İcra Hakimiyyətində yeni komissiya yaradılıb

Sentyabrın 23-də Ağcabədi Rayon İcra Hakimiyyətində şəhid ailəsi üzvləri, əlillik dərəcələri təyin olunmuş Vətən müharibəsi iştirakçıları və “Müharibə...

Şəhid Gülalı Qəhrəmanovun anım mərasimi keçirilib

​Şəhidlik məqamına ucalan hər kəs əbədi olaraq könüllərdə yaşayır, əbədilik qazanır.  ​Vətənimizin sərhədlərini yenidən quran Vətən baniləri öz adlarını tarixə əbədi...

Gücümüz birliyimizdir!

    Səfər Ali Baş Komandan cənab Prezident İlham Əliyevin və birinci xanım Mehriban Əliyevanın cari ilin 27 sentyabrda Anım günündə Füzuli rayonuna səfərləri mühüm əhəməiyyət kəsb etdi. Səfəri zamanı çıxışında cənab...

Şəhid Rövşən Allahverdiyevin anım günü qeyd edildi

​Sentyabrın 28-də digər Qaraxanlı kəndində şəhid Rövşən Allahverdiyevin anım mərasimi keçirildi. ​Mərasimdə Ağcabədi Rayon İcra Hakimiyyəti başçısı, hüquq-mühafizə orqanları rəhbərləri, səfərbərlik və hərbi...

Şəhid Mirağa Əliyevin anım günü qeyd olunub

​44 günlük Vətən müharibəsində torpaqlarımızın azadlığı uğrunda canından keçən Vətən oğullarından biri də Ağcabədi rayon Xocavənd kəndindən Əliyev Mirağa Musa oğludur. Hərbi Dəniz Donanmasında...

Şəhid Sənan Miriyevin anım günü qeyd edildi

Vətən üçün yaşayanlar unudulmur... Şəhidlər unudulmur... Müzəffər Ali Baş Komandan cənab İlham Əliyevin rəhbərliyi ilə Azərbaycanın suverenliyi...

Şərhlər