28 C
Aghjabadi

Nəsimi Əliyev: “Qısa vaxta hər kəs 1000 manat civarında pulu qazana bilər”

Prezident İlham Əliyev tərəfindən ölkənin aqrar sektorunun inkişafına göstərilən dəstək və qayğı kənd təsərrüfatının bütün sahələrində, eləcə də rayon və kənd əməkçilərinin sosial həyatında öz müsbət töhfələrini verməkdədir.

Dövlət başçısının ipəkçiliyin sürətli inkişafı ilə bağlı verdiyi tapşırıqlara uyğun olaraq, 2016-cı ildən etibarən Kənd Təsərrüfatı Nazirliyi tərəfindən respublikamızda ipək istehsalının müasir infrastrukturunun yaradılması, baramaçılığın yem bazasının möhkəmləndirilməsi, barama toxumçuluğunun təşkili və digər istiqamətlər üzrə tədbirlərin həyata keçirilməsinə başlanılıb.

Ağcabədi rayonunda da ənənəvi olaraq hər il barama yetişdirmək üçün rayonun 41 inzibati ərazi dairəsi üzrə yüzlərlə kümçü ilə müqavilə bağlanılır, onlara mindən çox qutu ipəkqurdu paylanılır.

2022-ci ildə də barama yetişdirmək üçün yüzlərlə kümçü ailəsi ilə müqavilə bağlanılıb, onlara ümumilikdə 877 qutu, yəni 16,7 kiloqram ipəkqurdu paylanılıb.

Elə bu kümçülərin biri də bizim bugünkü həm söhbətimiz, Ağcabədi Rayon İcra Hakimiyyətinin Cəfərbəyli kənd inzibati  ərazi üzrə nümayəndəsinin müavini Əliyev Nəsimi Camal oğludur.

– Nəsimi müəllim, istəyirəm sizin də baramaçılıqla bağlı fikirlərinizi soruşum. Kümçü olmaq çox adamın gözünü qorxudur. Bəs sizcə, bu, o qədər çətin işdirmi?

– Əvvəla məni yaxşı kümçü kimi bilib, müsahibə götürdüyünüz üçün sizə təşəkkür edirəm. Vallah, çətinlik deyəndə ki, hər işin özünə görə asan və çətin tərəfləri var. Ancaq kümçülüyün qazancı həm az vaxta başa gəlməsi, həm də o qədər ağır iş olmamasına görə çox yaxşıdır. Ona görə də mən bu işdə qorxmalı nə isə görmürəm. Özüm də artıq üç ildir ki, barama qutusu götürürəm və təxminən bir ay ərzində lazımı qədər yaş barama istehsal edirəm. Bir qutu üçün gəlir orta məxrəclə 450-500 manat təşkil edir ki, bu da rayon sakini üçün çox yaxşı gəlirdir.

– Bacarıqlı kümçü olaraq, bu sahəylə bağlı təklif, tövsiyə, məsləhətləriniz nələrdi?

– Hər şeydən əvvəl, rayon rəhbərliyinə təşəkkür edirəm. Bu cür faydalı işdə sakinlərə diqqət ayırdığı üçün. Mən çox istərdim ki, gələcəkdə bizim rayonumuzda pambığa olduğu kimi baramaya da yaxşı maraq olsun. Bu marağı yaratmaq üçün də, mənim fikrimcə başlıca motivasiya subsidiyanın verilməsi olardı ki, kənd camaatının işi daha da asanlaşsın. Qeyd edim ki, rayon rəhbəri özü də bu işlərdə daim sakinlərin yanında olub. Hətta bir dəfə özü şəxsən bizi ziyarət edib, yerindəcə kəndin barama təsərrüfatı və görülən işlərlə tanış olmuşdu. Bu il də kümçülər, hər il olduğu kimi nəzarətdə saxlanır. Bir neçə gün əvvəl İcra Hakimiyyətinin əməkdaşı Fuad Şirinovla da kənddə görüşdük. O da görülən işlər və kümçülərin problemləriylə  maraqlandı. Rəhbərlik tərəfdən daim belə qayğı görmək, əlbəttə bizi bir az da ruhlandırır.

Xahişim isə, “barama rəfi” adlanan əşyanın tapılmasında bizə kömək olunmasıdır. Biz hətta öz qazancımızla belə, onun xərcini ödəməyə hazırıq. Ancaq tapa bilmirik. Mən ötən il Şəki şəhərində barama təsərrüfatına getmişdim. Orada o əşyanı gördüm və işin necə asan ola biləcəyinin şahidi oldum. Əgər elə olsa, nə kağız nə karton nə də havalandırma əziyyəti olmaz. Məhsuldarlıq da artmış olar. O ki qaldı tövsiyəyə, hər kəs bilməlidir ki, baramaçılıq çox sərfəli və gəlirli sahədir. Şəxsən bizim kəndin bir çox ailəsi bu sahədən yaxşı gəlir götürə bilir. Yem bazası yaratmaqda da bir az bacarıqlı olsalar, qısa vaxta hər kəs 1000 manat civarında pulu, rahatlıqla qazana bilər.

Orxan KƏRİMOV

Xəbər lenti

​​​Xalqımız bütün təhdidlərə sinə gərəcək

  2020-ci ilin sentyabr  ayının 27-də​Ermənistanın təh-riki ilə başlayan və qəhrəman ordumuzun sücaəti nəticəsindəAzərbaycanın qələbəsi ilə başa çatan 2-ci Qarabağ Müharibəsi 30 il işğal altında inləyən torpaqlarımızın azad edilməsi ilə nəticələndi.

Anım günü kitabxanada da qeyd edilib

Sentyabr ayının 26-da Ağcabədi Regional Mədəniyyət İdarəsi Ağcabədi rayon Mərkəzləşdirilmiş Kitabxana Sisteminin kollektivi tərəfindən “27 Sentyabr - Anım Günü” ilə bağlı tədbir...

Şəhid ailələri ziyarət olunub

      YAP Ağcabədi rayon təşkilatının sədri Rövşən Əhmədov və aparatın əməkdaşları sentyabrın 27-də Vətən müharibəsinin ilk günündə qəhrəmancasına həlak olmuş Poladlı...

Taekvondo üzrə rayon turniri keçirilmişdir

25 sentyabr 2022-ci il tarixdə Ağcabədi Rayon Gənclər və İdman İdarəsinin təşkilatçılığı ilə "Rizvan" Taekvondo Klubunun idman zalında "Anım...

İcra Hakimiyyətində yeni komissiya yaradılıb

Sentyabrın 23-də Ağcabədi Rayon İcra Hakimiyyətində şəhid ailəsi üzvləri, əlillik dərəcələri təyin olunmuş Vətən müharibəsi iştirakçıları və “Müharibə...

Şəhid Gülalı Qəhrəmanovun anım mərasimi keçirilib

​Şəhidlik məqamına ucalan hər kəs əbədi olaraq könüllərdə yaşayır, əbədilik qazanır.  ​Vətənimizin sərhədlərini yenidən quran Vətən baniləri öz adlarını tarixə əbədi...

Gücümüz birliyimizdir!

    Səfər Ali Baş Komandan cənab Prezident İlham Əliyevin və birinci xanım Mehriban Əliyevanın cari ilin 27 sentyabrda Anım günündə Füzuli rayonuna səfərləri mühüm əhəməiyyət kəsb etdi. Səfəri zamanı çıxışında cənab...

Şəhid Rövşən Allahverdiyevin anım günü qeyd edildi

​Sentyabrın 28-də digər Qaraxanlı kəndində şəhid Rövşən Allahverdiyevin anım mərasimi keçirildi. ​Mərasimdə Ağcabədi Rayon İcra Hakimiyyəti başçısı, hüquq-mühafizə orqanları rəhbərləri, səfərbərlik və hərbi...

Şəhid Mirağa Əliyevin anım günü qeyd olunub

​44 günlük Vətən müharibəsində torpaqlarımızın azadlığı uğrunda canından keçən Vətən oğullarından biri də Ağcabədi rayon Xocavənd kəndindən Əliyev Mirağa Musa oğludur. Hərbi Dəniz Donanmasında...

Şəhid Sənan Miriyevin anım günü qeyd edildi

Vətən üçün yaşayanlar unudulmur... Şəhidlər unudulmur... Müzəffər Ali Baş Komandan cənab İlham Əliyevin rəhbərliyi ilə Azərbaycanın suverenliyi...

Şərhlər