28 C
Aghjabadi

Ağalı kəndi yüksək təfəkkürünün təcəssümüdür

 

         Bəşər cəmiyyəti təşəkkül tapandan insan öz həyati təlabatını ödəmək üçün əvvəllər kortəbii sürətdə, sonralar isə elmə, biliyə sahib olduqca yeni enerji mənbələrindən istifadə etmişlər.

         Təbiətin nemətlərindən necə gəldi istifadə etmək, qarşıya qoyulan məqsədə çatmaq üçün bəşər övladının təbiətə vurduğu ziyan, bunun nəticəsində isə atmosferin və suyun çirklənməsi, ətraf mühitə dəyən zərərin müqabilində təbii fəlakətlərin və kataklizlərin meydana  çıxması insanları bir daha düşünməyə sövq etdi. Beləliklə təbiətin, ətrafın mühitin, ekologiyanın qorunması kimi yeni konsepsiyalar meydana çıxdı.

         Bu konsepsiyaların əsas mahiyyəti təbiətə daha az ziyan vurmaq, atmosferə və su hövzələrin ziyanlı, kimyəvi tullantıların atılmasının azaldılması,  bütün istehsal sahələrində qoruyucu vasitələrdən istifadə edilməsi, ən başlıcası isə  ekoloji cəhətdən ziyansız enerji mənbələrindən istifadə etməkdən ibarət idi. Nəticədə insanlar su, külək, dalğa, günəş, bioloji enerji mənbələrinə üz tutdular. Son illər elmi-texniki tərəqqi inkişaf etdikcə ekoloji cəhətdən təmiz bu enerji növlərindən istifadəyə üstünlük verilməyə başladı.

         Ona görə  dünyanın inkişaf etmiş ölkələrində az enerji ilə daha çox iş görməyə, faydalı iş əmsalı yüksək olan  maşın və mexanizmlərə, təbiətə daha az ziyan vuran texnalogiyalara  üstünlük verilməyə başladı.

         Bu nəzəriyyələr əsasında “Ağıllı şəhər”, “Ağıllı kənd” layihələri meydana çıxdı.

         İndi isə tarixi ekaloji ekskursiyadan reallığa qayıdaq.

         30 il işğalda qalan torpaqlarımızda  ermənilər sözün əsl mənasında ekoloji terror törədiblər.

         Ermənilər işğal edilmiş ərazilərimizdə qeyri -qanuni qızıl, qiymətli metallar, mis, molibden,  filiz və digər faydalı qazıntıları talan etmiş, bu qiymətli xammalların əldə edilməsində bütün ekoloji tələblər kobudcasına pozulmuşdur.

         Qacaran mis-molibden kombinatının kimyəvi tullantıları Oxcu çayı vasitəsilə Araz çayına axıdılmış, Zəngilan rayonunda ərazisinə görə dünyada ikinci olan təbii çinar meşəsi qırılıb daşınmış və yaxud yandırılmışdır. Müdafiə məqsədilə çox yerlərdə torpağın münbit  qatı –homusun strujturu  pozulmuş, minaların basdırılması üçün hər tərəf necə deyərlər dəlik-deşik edilmişdir.

         Bu kimi ekoloji terror aktlarına aid siyahını daha da uzatmaq olar. Lakin mövzumuzun məqsədi bu deyil. Məqsədim Ermənilərin törətdikləri vəhşilik nəticəsində bədənimizdə qövr edən yaralara qoyulan məlhəm barədə söhbət açmaqdır.

         Bu məlhəm elə Zəngilan rayonunun Ağalı kəndində açılışı olan Ağıllı” kəndi oldu.

         Bu kəndin layihələndirilməsində kənd və şəhər salınması arxitekturası,  alternativ,  ekoloji cəhətdən zərərsiz enerji mənbələrindən istifadə edilməsi, az məsrəflə da çox məhsul əldə etmək, təbiətə vurulan zərəri minumuma endirmək, insanın normal həyatı üçün hər şeyin xırda detallara qədər hesablanması göz önündədir. Atalar misalı var: görünən kəndə bələdçi lazım deyil.

         İşğaldan azad edilmiş ərazilərə yeni həyat verilməsi cənab Prezident İlham Əliyev tərəfindən şəxsən nəzarət edilməsi belə bir önəmli layihənin- “Ağıllı” kəndin meydana gəlməsinə səbəb oldu.

         Allah Möhtərəm Prezidentimizi, qəhrəman Azərbaycan xalqını qorusun. Şükürlər olsun ki, 30 il ərzində sinəmizə vurulan yaralar Ağalı kəndi kimi “dərmanlarla” sağalır.

         Vaxt var idi  kimlərsə istirahətə, gəzməyə başqa ölkələrə üz tuturdular. İndi yəqin ki, tezliklə tərsinə olacaq, dünyanın inkişaf etmiş ölkələrindən, elə Avropanın özündən ekoloji cəhətdən təmiz, müasir və ekoturizm mərkəzi kimi Ağalı kəndinin və sayları sürətlə artacaq bu cür  “Ağıllı kənd” lərə üz tutacaqlar.

         Nazim Bünyatov

         YAP Ağcabədi rayon təşkilatının əməkdaşı

                                                                     

Xəbər lenti

​​​Xalqımız bütün təhdidlərə sinə gərəcək

  2020-ci ilin sentyabr  ayının 27-də​Ermənistanın təh-riki ilə başlayan və qəhrəman ordumuzun sücaəti nəticəsindəAzərbaycanın qələbəsi ilə başa çatan 2-ci Qarabağ Müharibəsi 30 il işğal altında inləyən torpaqlarımızın azad edilməsi ilə nəticələndi.

Anım günü kitabxanada da qeyd edilib

Sentyabr ayının 26-da Ağcabədi Regional Mədəniyyət İdarəsi Ağcabədi rayon Mərkəzləşdirilmiş Kitabxana Sisteminin kollektivi tərəfindən “27 Sentyabr - Anım Günü” ilə bağlı tədbir...

Şəhid ailələri ziyarət olunub

      YAP Ağcabədi rayon təşkilatının sədri Rövşən Əhmədov və aparatın əməkdaşları sentyabrın 27-də Vətən müharibəsinin ilk günündə qəhrəmancasına həlak olmuş Poladlı...

Taekvondo üzrə rayon turniri keçirilmişdir

25 sentyabr 2022-ci il tarixdə Ağcabədi Rayon Gənclər və İdman İdarəsinin təşkilatçılığı ilə "Rizvan" Taekvondo Klubunun idman zalında "Anım...

İcra Hakimiyyətində yeni komissiya yaradılıb

Sentyabrın 23-də Ağcabədi Rayon İcra Hakimiyyətində şəhid ailəsi üzvləri, əlillik dərəcələri təyin olunmuş Vətən müharibəsi iştirakçıları və “Müharibə...

Şəhid Gülalı Qəhrəmanovun anım mərasimi keçirilib

​Şəhidlik məqamına ucalan hər kəs əbədi olaraq könüllərdə yaşayır, əbədilik qazanır.  ​Vətənimizin sərhədlərini yenidən quran Vətən baniləri öz adlarını tarixə əbədi...

Gücümüz birliyimizdir!

    Səfər Ali Baş Komandan cənab Prezident İlham Əliyevin və birinci xanım Mehriban Əliyevanın cari ilin 27 sentyabrda Anım günündə Füzuli rayonuna səfərləri mühüm əhəməiyyət kəsb etdi. Səfəri zamanı çıxışında cənab...

Şəhid Rövşən Allahverdiyevin anım günü qeyd edildi

​Sentyabrın 28-də digər Qaraxanlı kəndində şəhid Rövşən Allahverdiyevin anım mərasimi keçirildi. ​Mərasimdə Ağcabədi Rayon İcra Hakimiyyəti başçısı, hüquq-mühafizə orqanları rəhbərləri, səfərbərlik və hərbi...

Şəhid Mirağa Əliyevin anım günü qeyd olunub

​44 günlük Vətən müharibəsində torpaqlarımızın azadlığı uğrunda canından keçən Vətən oğullarından biri də Ağcabədi rayon Xocavənd kəndindən Əliyev Mirağa Musa oğludur. Hərbi Dəniz Donanmasında...

Şəhid Sənan Miriyevin anım günü qeyd edildi

Vətən üçün yaşayanlar unudulmur... Şəhidlər unudulmur... Müzəffər Ali Baş Komandan cənab İlham Əliyevin rəhbərliyi ilə Azərbaycanın suverenliyi...

Şərhlər