32.1 C
Aghjabadi
Bazar, İyun 26, 2022

Gənc məşqçinin uğurlu addımları

Ölkəmizdə bütün sahələrdə olduğu kimi idmana da dövlətimiz tərəfindən yüksək diqqət və qayğı göstərilir. Bunu rayonumuzun timsalında daha aydın görmək olar. Son illər bölgədə idmanın bütün növləri ilə məşğul olmaq üçün kifayət qədər lazımi şərait yaradılıb. Ağcabədi Olimpiya İdman Kompleksi, şəhər və kəndlərdə inşa edilmiş müasir tipli məktəblərdə fəaliyyət göstərən geniş məşq zalları, yarış meydançaları mühüm əhəmiyyət kəsb edir. Rayon idmançıları sözügedən idman qurğularında, zallarda və meydançalarda inamla hazırlaşaraq, respublika birinciliklərində, dünya və Avropa birinciliklərində yüksək uğurlara imza atırlar. Rayonda kikboksinq idman növü son dövrlər inkişaf etməyə başlayıb. Gənc məşqçi-müəllim Mehman Quliyev bu sahədə layiqli xidmət göstərir. Mehman müəllim uzun illərdir ki, bu məşhur döyüş növü ilə məşğul olur. O, dəfələrlə ölkə birinciliyi yarışlarına qatılaraq, mükafata layiq yerlər tutub. İstedadlı idmançı 2013-cü ildən kikboksinq idman növü üzrə məşqçi-müəllim kimi fəaliyyətə başlayaraq, bu sahəni gənclər və yeniyetmələr arasında yaymaq qərarına gəlib. Gənc mütəxəssis hazırda Azərbaycan Dövlət Bədən Tərbiyə və İdman Akademiyasında təhsil alır. O, gənclər və yeniyetmələrlə fərdi məşqlərini şəhər 1 saylı tam orta məktəbin idman zalında aparır. Həmin məşqlərdə 60 nəfər perspektivli gənc və yeniyetmələr iştirak edir. O, kikboksinq idman növü üzrə bütün bilik və bacarıqlarını yetirmələrinə böyük həvəslə öyrədir.

Qeyd edək ki, 2022-ci il 20-22 may tarixlərində keçirilən Azərbaycan çempionatında M.Quliyevin tələbələrindən Mahmud Hüseynov bütün rəqibləri üzərində qələbə qazanaraq, V İslam Həmrəylik Oyunlarında iştirak etmək üçün lisenziya qazanıb. Xatırladaq ki, yarış bu ilin 9-19 avqust tarixlərində Türkiyənin Konya şəhərində keçiriləcək. M.Quliyeva yetirmələrindən Mahmud Hüseynov, Vüqar Mamedov, Sübhan Mamedov respublika birinciliklərində yüksək yerlərə layiq görülərək, bu ilin sentyabrın da İtaliyada təşkil olunacaq kikboksinq üzrə dünya çempionatında iştirak etmək hüququ qazanıblar.

Yetirmələrinin hazırlıq səviyyəsindən razı qalan M.Quliyev onların bu mötəbər yarışlarda yüksək nəticələr qazanacağına əmindir. Biz də öz növbəmizdə gənc məşqçiyə və onun yetirmələrinə böyük uğurlar, yeni-yeni nailiyyətlər arzu edirik.

Hüseyn QULUZADƏ

Xəbər lenti

Ağcabədidə Silahlı Qüvvələr Günü qeyd olunub

Azərbaycan Silahlı Qüvvələrinin yaradılmasının 104 illiyi münasibətilə Ağcabədi rayon ərazisində "N" saylı hərbi hissədə tədbir keçirilib. Öncə Ağcabədi rayon icra hakimiyyətinin başçısı...

26 İyun Azərbaycan Silahlı Qüvvələri Günüdür

1918-ci il mayın 28-də müstəqilliyini elan etmiş Azərbaycan Xalq Cümhuriyyəti cəmi 23 ay yaşamasına baxmayaraq, ölkədə ordu quruculuğu sahəsində əhəmiyyətli addımlar ata...

“Şuşa ili”nə həsr olunmuş tədbir maraqla qarşılanıb

Ağcabədi Rayon Heydər Əliyev Mərkəzinin təşəbbüsü və təşkilatçılığı, "Ələk" ədəbi məclisi, Ağcabədi şəhər Uşaq İncəsənət Məktəbi, Qarabağ Muğam Mərkəzi və Ağcabədi Rayon...

Dövlətçiliyin və Xalqın xilaskarı

Azərbaycanın Xalqının Ümummilli Lideri Heydər Əlirza oğlu Əliyev  tarixə öz adnını qızıl həriflərlə yazmış dahi sərkərdə olmuşdur. Heç şübhəsiz ki, Ulu...

“Qəbələ”nin kapitanı: “Valideynlərim futbola getməyimə ancaq bir şərtlə razılaşmışdılar ki…” – MÜSAHİBƏ

Saytımızda bu gündən etibarən "TAM ŞƏXSİ" rubrikasına start veririk. Sözügedən rubrikada tanınmış futbolçularla onların futbol karyerası və ailə həyatına dair müsahibələrə yer...

Təbrik edirik!

            Azərbaycan Respublikasının Prezidenti İlham Əliyevin 22 iyun 2022-ci il tarixli Sərəncamı ilə respublikamızda bir qrup dövlət qulluqçusu “Dövlət qulluğunda fərqlənməyə görə”...

23 İyun Dövlət Qulluqçularının peşə bayramıdır

Azərbaycan Respublikasının Prezidenti İlham Əliyevin 25 may 2006-cı il tarixli Sərəncamına əsasən hər il İyunun 23-ü dövlət qulluqçularının peşə bayramı günü kimi...

Yerli idarəetmədə yeniliyin ünvanı

Dövlətin istəyi reallaşır, vətəndaş məmnun qalır Ağcabədi ölkənin böyük iqtisadi potensiala, əmək ehtiyatlarına malik rayonlarındandır. Bu diyarın torpağı münbit,...

Aran kəndində səyyar qəbul keçirilib

            Azərbaycan Respublikasının Prezidenti İlham Əliyevin tapşırığı ilə icra və idarəetmə orqanlarının rəhbərləri tərəfindən vaxtaşırı yerlərdə səyyar qəbullar keçirilir, vətəndaşların problemlərinin həlli...

Azərbaycan Milli Kitabxanasının direktoru , həmyerlimiz CENL toplantısında çıxış edib

Azərbaycan Milli Kitabxanasının direktoru Kərim Tahirov Ankarada Prezident Kitabxanasında keçirilən CENL toplantısında çıxış edib. Kitabxanadan bildirilib ki, Avropa Milli...

Şərhlər