Ağcabədi Rayon Polis Şöbəsinin əməkdaşları tərəfindən keçirilmiş tədbirlər zamanı qanunsuz küçə ticarəti ilə məşğul olan və məişət tullantılarını kənar yerlərə atan şəxslər aşkar edilib.

Daxili İşlər Nazirliyinin Mətbuat Xidmətinin Bərdə regional qrupundan verilən məlumata görə, Ağcabədi Rayon Polis Şöbəsinin əməkdaşlarının keçirdiyi tədbirlərlə qanunsuz küçə ticarəti ilə məşğul olan 23 nəfər, məişət tullantılarını kənara atan 10 nəfər müəyyən edilib. Həmçinin tədbirlər zamanı qanunla qadağan edilmiş yerlərdə tütün məmulatlarından istifadə edən 6 nəfər aşkarlanıb. Qeyd edilən qayda pozuntuları ilə əlaqədar İnzibati Xətalar Məcəlləsinin müvafiq maddələri ilə inzibati qaydada protokollar tərtib olunub.

Bu istiqamətdə tədbirlər davam etdiriləcək.