25.4 C
Aghjabadi

“Aran”dan görünən zirvə


“Aran” qəzetinin tarixindən, fəaliyyətindən, burada çalışan fədakar, qabiliyyətli, peşəkarlığı ilə seçilən, nüfuzlu insanlardan söz açanda görkəmli jurnalist, mətbuat işçisi Aslan Aslanovdan danışmamaq olmaz. Azərbaycanda, onun hüdudlarından kənarda yaxşı tanınan, böyük hörmət və nüfuz sahibinə çevrilən məşhur jurnalistin zirvələrə getdiyi yol “Aran”dan başlanır desək, yanılmarıq.
Aslan Əhməd oğlu Aslanov 1951-ci ildə Cəbrayıl rayonunda anadan olub. Hələ orta məktəb illərindən onda jurnalistikaya sonsuz maraq və həvəs yaranıb. Bu istəklə də Azərbaycan Dövlət Universitetinin (indiki BDU-nun) jurnalistika fakültəsinə daxil olub. O, 1975-ci ildə müvəffəqiyyətlə ali təhsilini başa vuraraq, təyinatla Ağcabədiyə göndərilib. Bacarıqlı gənc mətbuat işçisi o vaxtlar “Sürət” adı ilə nəşr edilən rayon qəzeti redaksiyasında əmək fəaliyyətinə başlayıb.
Sərdar Mehdiyev, Fazil Sarvan, Dilsuz Kazımov, Abbas Kazımov, Sədaqət Rəcəbova və sair kimi tanınmış qəzet işçiləri ilə çiyin-çiyinə çalışan gənc mütəxəssis öz yüksək bacarığı və yaradıcılıq məharəti sayəsində çox keçmədən məşhurlaşıb, qəzetin sayılıb-seçilən simalarından birinə çevrilib, xətir-hörmət qazanıb. A.Aslanovun yüksək həvəslə, peşəkarlıqla qələmə aldığı oçerk, müsahibə, reportaj, xəbər və digər publisistik yazılar rayonda oxucularının geniş marağına səbəb olub, rəhbərlik tərəfindən lazımınca dəyərləndirilib. Təsadüfi deyildir ki, Aslan müəllim bu gün də ağcabədililər tərəfindən hörmət və ehtiramla xatırlanır.
A.Aslanov sonralar müxtəlif vəzifələrdə çalışıb. Lakin mətbuatdan heç vaxt uzaqlaşmayıb, qəlbi həmişə onunla bir vurub. O, bir müddət keçdikdən sonra yenidən media fəaliyyətini davam etdirib.
Tanınmış jurnalist, media mütəxəssisi 2002-ci ildən AZƏRTACın baş direktoru, 2018-ci ildən isə Azərbaycan Dövlət İnformasiya Agentliyi idarə heyətinin sədri kimi çoxşaxəli fəaliyyət göstərir. Respublikanın əməkdar mədəniyyət işçisi, “Şöhrət” ordenli jurnalist hazırda dünyanın bir sıra mötəbər mətbuat qurumlarının rəhbərlərindən biridir. Onun ölkə mətbuatının inkişafında yüksək xidmətləri vardır. Aslan müəllim aradan uzun illər keçməsinə baxmayaraq, “Aran” qəzetini heç vaxt unutmur, onun fəaliyyəti ilə daim yaxından maraqlanır. O, həmişə qazandığı uğurlara görə, doğma qəzetə borclu olduğunu vurğulayır.
Yəhya PAŞAZADƏ

Xəbər lenti

Ağcabədi gəncləri Şahmat turnirində

Gənclərin İnkişaf və Karyera Mərkəzinin Ağcabədi nümayəndəliyi gənclərin şahmata olan sevgi, maraq və həvəsini nəzərə alaraq “12 Avqust - Beynəlxalq Gənclər Günü” münasibətilə “Şahmat turniri” təşkil edilmişdir. 

Ağcabədi rayon prokurorluğunun təşəbbüsü ilə səhiyyə işçiləri arasında hüquqi maarifləndirmə tədbiri keçirilmişdir

Ağcabədi rayon prokurorluğu tərəfindən 12 avqust 2022-ci il tarixdə “Ağcabədi rayon Mərkəzi Xəstəxanası”  Publik hüquqi şəxsinkollektivinin iştirakı ilə hüquqi maarifləndirmə tədbiri keçirilmişdir.

Ağcabədidə 12 avqust – Beynəlxalq Gənclər Gününə həsr olunmuş tədbir keçirilmişdir

12 avqust 2022-ci il tarixdə Ağcabədi Rayon Gənclər və İdman İdarəsinin təşkilatçılığı ilə Beynəlxalq Gənclər Gününə həsr olunmuş könüllü gənclərlə görüş keçirilmişdir. Ağcabədi...

Yaxın zamanlarda problem həll olunacaq

Son günlər bir neçə rayon sakininin işıq problemi iləbağlı iradlarının tez-tez şahidi  oluruq. Sakinlər elektrik enerjisinin verilməsində problemlər yaşandığını, işıqların zəifləməsini və bu...

Daha bir pambıqtəmizləmə zavodu istifadəyə veriləcək

Türkiyənin Kahramanmaraş şəhərində yerləşən “Do Cotton Group” şirkəti Azərbaycanda daha bir pambıqtəmizləmə zavodunu yaxın zamanlarda istifadəyə verməyə hazırlaşır.  ​Azərbaycanın...

Gənclərimizin təsərrüfata meyl etməsi sevindiricidir

Köyük kənd sakini Şahmalı Hacıyev gənc olmasına baxmayaraq sözügedən inzibati ərazi vahidində səriştəli təsərrüfatçılardan sayılır. Onun valideynləri, yaxın qohumları uzun illər vaxtı...

“Rayonumuzun tarixini öyrənmək başlıca vəzifədir” -Müsahibə

Şəfa Mövsümov 1982-ci ildə rayonun Salmanbəyli kəndində anadan olub. O, 2000-2004-cü illədə Gəncə Dövlət Universitetinin tarix fakültəsində bakalavr pilləsində təhsil alıb, 2005-2007-ci...

Sizinlə fəxr edirik!

I ixtisas qrupu üzrə ən yüksək nəticə  Dövlət İmtahan Mərkəzi tərəfindən I və IV ixtisas qrupları üzrə 21 iyul...

Şənlik kəndində səyyar qəbul

Vətəndaş müraciətlərinə həssaslıqla baxılması və qaldırılan məsələlərin diqqətlə araşdırılıb həllinə nail olunması ilə bağlı ölkə Prezidentinin qarşıya qoyduğu vəzifələr Ağcabədi Rayon İcra...

Gümüş medal

Ağcabədili taekvondoçu Əkbərova Minayə Tapdıq qızı V İslam Həmrəyliyi Oyunlarında -46 kq çəki dərəcəsində gümüş medal qazanıb.İdmançımızı təbrik edir, ona yeni-yeni uğurlar...

Şərhlər