2 C
Aghjabadi

“Aran” qəzetinin 90 illiyinə həsr olunmuş ümumrayon tədbiri

            İyulun 21-də Yaqub Məmmədov adına Ağcabədi şəhər Mədəniyyət Mərkəzində “Aran” qəzetinin 90 illik yubileyinə həsr olunmuş ümumrayon tədbiri keçirilib. Tədbirdə Ağcabədi Rayon İcra Hakimiyyətinin başçısı Rafil Hüseynov, Azərbaycan Yazıçılar Birliyinin sədr müavini, “525-ci qəzet”in baş redaktoru Rəşad Məcid, Millət vəkili Tahir Rzayev, rayon hüquq mühafizə orqanlarının rəhbərləri, “Aran” qəzetinin kollektivi, regionda fəaliyyət göstərən kütləvi informasiya vasitələrinin nümayəndələri, ziyalılar, şəhid ailələrinin üzvləri, Vətən müharibəsinin veteranları, qazilər, mədəniyyət və təhsil işçiləri iştirak ediblər.

            Tədbirdən öncə “Aran” qəzetinin kollektiv üzvləri ümummilli lider Heydər Əliyevin abidəsini ziyarət edib, önünə tər çiçək dəstələri düzüblər.

Sonra yubiley tədbiri adıçəkilən Mədəniyyət Mərkəzində davam etdirilib. Öncə foyedə təşkil olunmuş sərgiyə baxış keçirilib. Sərgidə qəzetin 1969-cu ildən bugünədək çap olunan sayları, mətbuatımıza həsr olunmuş kitablar, həmçinin Ağcabədi yazarlarının kitabları nümayiş etdirilib. “Şəhidlər ölməz, Vətən bölünməz”  bölməsində  Vətən müharibəsi zamanı şəhidlik zirvəsinə ucalan 42 ağcabədili igidimiz haqqında silsilə yazıların dərc olunduğu nüsxələr və onlara həsr olunmuş kitab nümayiş etdirilib.

       Sərgi ilə tanışlıqdan sonra yubiley tədbiri başlayıb. Öncə Vətən müharibəsində həlak olmuş şəhidlərin xatirəsi bir dəqiqəlik sükutla yad edilib. Sonra  Azərbaycan Respublikasının Dövlət Himni səsləndirilib. “Aran” qəzetinin fəaliyyətinə həsr olunmuş videoçarx iştirakçılar tərəfindən maraqla qarşılanıb.

            “Aran” qəzetinin redaktoru Məhsəti Ağayeva yığıncaqda qəzetin 90 il ərzində keçdiyi şərəfli yol haqqında ətraflı məlumat verib, son illər görülmüş işlərdən söhbət açıb. Tədbirin aparıcısı Pərvin Abışova Azərbaycan Mətbuat Şurasının sədri Əflatun Amaşovun təbrik məktubunu yığıncaq iştirakçılarına oxuyub.

            Milli Məclisin deputatı Tahir Rzayev, Azərbaycan Yazıçılar Birliyinin sədr müavini, “525-ci qəzet”in baş redaktoru Rəşad Məcid, Vətən müharibəsi şəhidi Anar Cəfərovun həyat yoldaşı Samirə Xudiyeva, rayon qəzetinin ilk redaktorlarından olan Fərhad Ağayevin oğlu Mahir Ağayev, GTM Qarabağ Regional ofisinin rəhbəri  Radə Qafarova çıxış edərək, “Aran” qəzeti haqqında öz fikirlərini bölüşüb, qəzetin kollektivini yubiley münasibəti ilə təbrik ediblər. Azərbaycan Mətbuat Şurasının idarə heyətinin üzvü Rəşad Məcid sözügedən qurumun diplomunu, GTM Qarabağ Regional ofisinin rəhbəri Radə Qafarova isə xüsusi hədiyyəni qəzetin redaktoru Məhsəti Ağayevaya tədqim edib.

           

Ağcabədi Rayon İcra Hakimiyyətinin başçısı Rafil Hüseynov yığıncaqda çıxış edərək “Aran” qəzetinin 90 illik şanlı tarixindən geniş söz açıb, kollektivin son 2 ildə əldə etdiyi nailiyyətləri yüksək dəyərləndirib. Rayon rəhbəri “Aran” kollektivini yubiley münasibəti ilə təbrik edib, bir qrup əməkdaşa Ağcabədi Rayon İcra Hakimiyyətinin Fəxri fərmanını təqdim edib.

            Tədbirin bədii hissəsində Məhsəti Musanın müəllifi olduğu “Mən Şuşadan gəlirəm” adlı videoreportaj nümayiş etdirilib. Sonra tədbir Ağcabədi Regional Mədəniyyət İdarəsinin tabeliyində fəaliyyət göstərən Qarabağ Muğam Mərkəzi, Ağcabədi Uşaq Musiqi Məktəbi və şəhər Uşaq İncəsənət Məktəbinin təqdim etdiyi konsert proqramı ilə davam edib.

Xəbər lenti

Ağcabədi sakininin çantasından oğurluq edilib

Yasamal rayonu ərazisindəki mağazaların birində Ağcabədi rayon sakini olan bir qadının çantasından içərisində pulu olan cüzdanının oğurlanması barədə polisə məlumat daxil olub.

Həmyerlimizdən daha bir uğur

Maltanın paytaxtı Valetta şəhərində 2022-ci il 25-28 noyabr tarixlərində yeniyetmə taekvondoçular arasında Avropa çempionatı keçirilib. Həmin turnirdə uğurlu nəticə qazananlardan biri həmyerlimiz...

Mədəniyyət və dünyagörüşü

 Mədəniyyət maddi və mənəvi sərvətlərin yaradılmasına, mənimsənilməsinə, saxlanmasına və bölgüsünə istiqamətləndirilən ictimai münasibətlər sistemidir. Bu maddi istehsalla şərtlənən, öz mahiyyəti etibarilə sosial...

Süleyman Gözəlov: İlk növbədə gənclərimizin sağlam ruhda böyüməsini düşünürdüm

İdmanla məşğul olmaq insanı bir çox zərərli vərdişlərdən uzaq etdiyi kimi, pis xəstəliklərdən də qoruyur. Müasir dövrün tələblərinə uyğun olan “Sağlam bədəndə,...

Ağcabədidə 5 dekabr Beynəlxalq Könüllülər Günü qeyd edilib

       Ağcabədi rayonunda Gənclər üçün Təhsil Mərkəzi (GTM) Qarabağ regional ofisi, Ağcabədi regional "ASAN xidmət" mərkəzi, Gənclərin İnkişaf və Karyera Mərkəzinin (GİKM)...

Mən Şuşadan gəlirəm -2

                                       Artıq dekabr ayıdır. Amma mən sizə avqust ayında baş tutmuş bir səfərimdən...

Xolesternlə necə mübarizə aparmalı? – MÜTƏXƏSSİS YANAŞMASI

Xolestern bir lipid, yəni bir yağ növüdür. Heyvan mənşəli qidalarda və bütün hüceyrələrdə olan şam quruluşunda yağ kimi maddələrdir. Yüksək xolesterin isə...

İnkişaf Qələbənin əsasıdır

 “Azadlıq meydanında paradlar çox keçirilib. Ancaq bu paradın xüsusi önəmi var. Bu, Zəfər paradıdır. Bu, tarixi hadisədir. Bu tarixi günün şahidi bizik,...

“Niva” “Ford Transit”lə TOQQUŞDU- Sürücü öldü

Dekabrın 4-də saat 2 radələrində Ağcabədi rayonunun Aşağı Avşar kəndi ərazisində Ağdam rayon sakini Məhəmməd Hüseynzadənin idarə etdiyi “Niva” və Ağcabədi şəhər...

Ağcabədidə ” 3 Dekabr -Beynəlxalq Əlillər Günü” qeyd olundu

Ağcabədidə " 3 Dekabr -Beynəlxalq Əlillər Günü" qeyd olunduAğcabədi rayonunda " 3 Dekabr Beynəlxalq Əlillər Günü"nə həsr olunmuş...

Şərhlər