25.4 C
Aghjabadi

Nəsibə Zeynalova olmaq istəyirdi, 90 yaşlı qəzetin redaktoru oldu – Əyalət jurnalisti ilə MÜSAHİBƏ

“Mənim ürəyimdə bir Nəsibə Zeynalova ölüb. İçimdə, ürəyimdə o qədər böyük potensialımın olduğunu məhz o sahədə hiss edirdim, bilirdim”.

Bu sözləri Lent.az-a 90 yaşlı “Aran” qəzetinin baş redaktoru Məhsəti Musa deyib. 

Arayış: Məhsəti Ağayeva (Məhsəti Musa) 1984-cü ildə Ağcabədi şəhərində anadan olub. 2007-ci ildə Bakı Dövlət Universitetini bitirən Məhsəti, Ağcabədi rayon MSK-nın 56 saylı filialının müdiri vəzifəsində çalıb. 2020-ci ilin sentyabrdan isə “Aran” qəzetinin baş redaktoru vəzifəsində çalışır. Azərbaycan Yazıçılar Birliyinin üzvüdür. 2009-cu ildə Prezident təqaüdünə layiq görülüb. 

Onunla müsahibəni təqdim edirik: Bir xanım üçün jurnalistikada çalışmağın çətin tərəfləri nələrdir?

– Öncə diqqətiniz və bir bölgədə qəzeti ilə maraqlandığınız üçün təşəkkür edirəm. Bir xanım üçün jurnalistika ilə məşğul olmağın çətin olmayan tərəfi yoxdur. Ümumiyyətlə, bu sahə özü çətindir. Kənardan asan görünə bilər, amma işin içinə girəndə çətin və məsuliyyətli olduğunu anlayırsan. Jurnalist bir xanım üçün ən çətini zamanı düzgün bölməkdir. Mən “Aran” qəzetinə redaktor keçəndən sonra bəzən günlərlə dərmanlarımı belə vaxtında içməyə imkan tapmıram. Övladlarıma vaxt ayıra bilmirəm. Hiss edirəm ki, onlarla vaxt keçirməyimə həsrətdirlər. Eyni zamanda, bu məsuliyyəti üzərimə götürmüşəmsə, işin öhdəsindən gəlməliyəm. Mənim üçün ən çətini zamanı bölməkdir. İşlərə zaman ayırmağı bacarsam da, özümə vaxt qalmır. 

Hazırda “Aran” qəzetinin 90 illik yubileyinə hazırlaşırıq. Mən bununla bağlı bəzən evə gecə 1-də gəlib çatıram. Evə gələndən sonra gecə saat 3-ə qədər də həm ev işləri, həm də yazılarımla məşğul oluram. Çətin olmasına baxmayaraq, öhdəsindən gəlməyi bacarırıq. Hazırda “Aran” qəzetinin 90 illik yubileyinə hazırlaşırıq. Mən bununla bağlı bəzən evə gecə 1-də gəlib çatıram. Evə gələndən sonra saat 3-ə qədər işlərimlə məşğul oluram. Çətin olmasına baxmayaraq, öhdəsindən gəlməyi bacararıq.

90 yaşlı qəzetin baş redaktorusunuz. Özü də bu yaşda. Bu sizdə hansı məsuliyyətləri önə çəkir?

– Harada işləməyimdən asılı olmayaraq, məsuliyyətli biriyəm. Hərdən məsuliyyətim ucbatından atdığım addımlara görə, digər əlavə işləri vaxtında çatdıra bilmirəm. Və bu, kənardan məni bəlkə də məsuliyyətsiz kimi göstərir. Amma belə deyil. Nə olur olsun, işi vaxtında təhvil vermək mənim üçün önəmlidir. Bundan əvvəl, Heydər Əliyev Mərkəzində direktor vəzifəsində işləyərkən də eyni məsuliyyətdə idim. 

Məhz 90 yaşlı qəzetin baş redaktoru kimi danışsam, təbii ki, çox məsuliyyətli bir işdir. Əvvəla, bir rayonun tarixidir. Bunu gələcək nəsillərə ötürmək lazımdır. Məndən əvvəl bu qəzetdə redaktor işləmiş şəxslər indi çox hörmətlə xatırlanır. İstəyərdim ki, gələcəkdə məni də belə xatırlasınlar.  

Adətən, azərbaycanlı valideynlərin bir qismi övladlarının, əsasən də qız uşaqlarının müəllim olmasını istəyir. Siz necə, övladınızla həmkar olmaq istəyərsiniz?

– Mənim yaralı yerimə toxundunuz. Bütün rayon mühitində böyümüş xanımlar kimi mən də qadağalar görmüşəm. Məhz gələcək üçün sənət seçimində jurnalistikaya da böyük marağım olub. Onun da üstündən xətlər çəkilib. Bizdə “qız uşağısan” deyə bir ifadə var. Sevmədiyim bir ifadə. Həvəsdən salmağa çalışıblar ki, bu sahəyə getməyim. Bundan əlavə, rəssamlığa böyük marağım var idi. Bacarığım, qabiliyyətim də olub. Sadəcə onu inkişaf etdirməyə ailəmdə həvəs, maraq olmadı. Məktəb illərində müsabiqələrdə də yer tutmuşam. Amma bir  gün bu arzumdan da vaz keçməli olduğumu anladım.  Mübarizə aparmağım əbəs idi…

Amma sənət seçimində ən böyük arzumu ilk də sizə verdiyim müsahibədə dilə gətirirəm.Aktrisa olmaq, fərqli işlər görmək, yaratmaq, yaşatmaq…  Mənə elə gəlir ki, bu sahədə çox böyük uğurlar qazana bilərdim. Həmişə hiss edirəm ki, mənim içimdə bir Nəsibə Zeynalova ölüb. 

Bu gün də mən aktyorların həyatını izləyərkən, filmlərə baxarkən çox təəssüf hissi keçirirəm ki, vaxtında mücadilə aparmamışam, o sahəyə getməmişəm. 

Jurnalistikaya gəldikdə isə ,əslində mən başqa bir ixtisası bitirmişəm. Amma bu sənət elə bir sənətdir ki, yaradıcılıq, söz demək,yazmaq varsa,istər-istəməz sənin əlindən tutub özünə tərəf çəkir.Və bir vaxtlar  maneələr olsa da, görünür jurnalist kimi fəaliyyət göstərmək taleyimdə var imiş.
Bir müddət özəl bir qəzet var idi, orada işlədim. Orada müəyyən şeylər gördüm, açığı, bir az bu sahəyə marağım öldü. Amma qəzetlərlə, saytlarla əməkdaşlıq edirdim. Nəhayət, çıxdığım yol məni “Aran” qəzetinə gətirdi. Bundan sonra yenidən jurnalistikaya ürəyimdə sevgi yaranmağa başladı”. 
Övladımla həmkar olmağım? Bəli, mən bu gün də axtarışdayam. Necə deyim, övladlarımı çək-çevir edirəm ki, görüm bu uşağın hansı sahədə bacarığı, qabiliyyəti var. Onun arxasınca gedim ki, o sahədə inkişaf etsin. 

Mənim övladım jurnalist olmaq istəyərsə, çox sevinərəm. Ümumiyyətlə, mən hər zaman övladlarımın seçimlərində dəstək olacaq bir anayam”.

-Ev işlərinə vaxt ayıra bilirsiniz?

İnsan istərsə, zamanı düzgün bölə bilər. Mən də vaxtımı bölə bilirəm. Adətən, ev işlərimi gecələr görürəm. Çünki hər kəs yatıb və rahat işlərimi edə bilirəm. Gecə saatlarında olsa belə, uşaqlarımın geyimləri, yeməklərini hazırlayıram. Bu rejimə alışmışam. Mən nə etsəm də, axşam 11-12-də mənim gözümə yuxu getməz. Çünki bu rejimə alışmışam.

-Çalışdığınız müddətdə iş prosesi zamanı hansı ekstremal vəziyyətlə qarşılaşmısınız?

Xüsusi bir ekstremal hadisə baş verməyib. Amma mənim bu redaksiyaya gələndə gördüklərim özü vahiməli idi. Şəxsən mənim üçün belə oldu. Çünki tamamilə başqa bir iş mühitindən bura gəldim. Təsəvvür edin ki, üç stuldan ikisi qırıq idi. Bir normal kompüter yox idi ki, yazı yazasan. Ayda iki dəfə çıxan qəzet, həftədə iki dəfə çıxmağa başlamalıydı. İnternet televiziyamız, saytımız yaradılmalı idi. Düşündüm ki, işim çətin olacaq. Zamanla rayon rəhbərliyinin maddi və mənəvi dəstəyi görəndə həvəsləndim. Artıq bu gün biz 13 nəfərlik kollektivik.

-Əyalətdə jurnalisti, özü də qadın jurnalisti olmaq çətin deyil ki?

Düşünmürəm ki, əyalətdə yaşamağın jurnalist kimi fəaliyyət göstərməyə hansısa bir maneəsi ola. Müasir dövrdür. Sosial medianın fəal olduğu bir vaxtda, hər kəs özü bir jurnalistdir. Belə bir fərq yoxdur ki, qadın jurnalist bölgədədirsə maneə var.

-Sonda işçilərinizin sayı, iş prosesindən də danışardınız…

Əməkdaşlarımız sayı əvvəlcə 3 nəfər idi. Hazırda isə sayımız 13-ə çatıb. İnternet televiziyasının, saytın yaradılması səbəbi ilə yeni əməkdaşlara ehtiyac duyuldu. Bu həm də əyalətdə 10 nəfər şəxsin işə cəlb olunması demək idi. Arzu edərdim ki, digər bölgə qəzetləri də bu cür diqqət görsünlər.

Bölgə mətbuatına soyuq yanaşmaq olmaz. Bu gün biz nə isə axtaranda “Aran” qəzetinin arxivini vərəqləyirik. Bu, tarix, salnamədir. Hər bir bölgənin mətbuatı olmalıdır. İnanıram ki, növbəti illərdə digər bölgə mətbuatlarımız da inkişaf edəcək.

Xəbər lenti

Ağcabədi gəncləri Şahmat turnirində

Gənclərin İnkişaf və Karyera Mərkəzinin Ağcabədi nümayəndəliyi gənclərin şahmata olan sevgi, maraq və həvəsini nəzərə alaraq “12 Avqust - Beynəlxalq Gənclər Günü” münasibətilə “Şahmat turniri” təşkil edilmişdir. 

Ağcabədi rayon prokurorluğunun təşəbbüsü ilə səhiyyə işçiləri arasında hüquqi maarifləndirmə tədbiri keçirilmişdir

Ağcabədi rayon prokurorluğu tərəfindən 12 avqust 2022-ci il tarixdə “Ağcabədi rayon Mərkəzi Xəstəxanası”  Publik hüquqi şəxsinkollektivinin iştirakı ilə hüquqi maarifləndirmə tədbiri keçirilmişdir.

Ağcabədidə 12 avqust – Beynəlxalq Gənclər Gününə həsr olunmuş tədbir keçirilmişdir

12 avqust 2022-ci il tarixdə Ağcabədi Rayon Gənclər və İdman İdarəsinin təşkilatçılığı ilə Beynəlxalq Gənclər Gününə həsr olunmuş könüllü gənclərlə görüş keçirilmişdir. Ağcabədi...

Yaxın zamanlarda problem həll olunacaq

Son günlər bir neçə rayon sakininin işıq problemi iləbağlı iradlarının tez-tez şahidi  oluruq. Sakinlər elektrik enerjisinin verilməsində problemlər yaşandığını, işıqların zəifləməsini və bu...

Daha bir pambıqtəmizləmə zavodu istifadəyə veriləcək

Türkiyənin Kahramanmaraş şəhərində yerləşən “Do Cotton Group” şirkəti Azərbaycanda daha bir pambıqtəmizləmə zavodunu yaxın zamanlarda istifadəyə verməyə hazırlaşır.  ​Azərbaycanın...

Gənclərimizin təsərrüfata meyl etməsi sevindiricidir

Köyük kənd sakini Şahmalı Hacıyev gənc olmasına baxmayaraq sözügedən inzibati ərazi vahidində səriştəli təsərrüfatçılardan sayılır. Onun valideynləri, yaxın qohumları uzun illər vaxtı...

“Rayonumuzun tarixini öyrənmək başlıca vəzifədir” -Müsahibə

Şəfa Mövsümov 1982-ci ildə rayonun Salmanbəyli kəndində anadan olub. O, 2000-2004-cü illədə Gəncə Dövlət Universitetinin tarix fakültəsində bakalavr pilləsində təhsil alıb, 2005-2007-ci...

Sizinlə fəxr edirik!

I ixtisas qrupu üzrə ən yüksək nəticə  Dövlət İmtahan Mərkəzi tərəfindən I və IV ixtisas qrupları üzrə 21 iyul...

Şənlik kəndində səyyar qəbul

Vətəndaş müraciətlərinə həssaslıqla baxılması və qaldırılan məsələlərin diqqətlə araşdırılıb həllinə nail olunması ilə bağlı ölkə Prezidentinin qarşıya qoyduğu vəzifələr Ağcabədi Rayon İcra...

Gümüş medal

Ağcabədili taekvondoçu Əkbərova Minayə Tapdıq qızı V İslam Həmrəyliyi Oyunlarında -46 kq çəki dərəcəsində gümüş medal qazanıb.İdmançımızı təbrik edir, ona yeni-yeni uğurlar...

Şərhlər