Küçə iti ilə söhbət

– Salam, küçə iti

– Ham… ham…  Sadəcə it deyə bilməzdin?

– Axı küçədə yaşayırsan

– Neyləyim ki, bu mənim taleyimdir. Küçədə doğuldum, küçədə böyüdüm, mənim evim bu küçələrdir.

– Mən də eyni şeyi dedim.

– Dedin. Amma siz insanlar “küçə adamı”, “küçə uşağı”, “küçə iti” ifadələrini təhqir kimi işlədirsiniz.Ona görə də,sadəcə it de mənə.

– Yaxşı, səndən bir söz soruşacam. Özün də dedin ki, küçələr sənin evindir.Bəs bu evini zibilləmək sənə yaraşarmı? Niyə zibil torbalarını yırtıb dağıdırsan? Niyə evini-küçəni zibilləyirsən?

– Neyləyim,ac qalım?

– Ac qal demirəm. Amma…

– Bilirsən nə var? Bu küçədə tək mən yaşamıram.Hər gün onlarla it toplaşır  zibilliklərə. Ac qarınlarını doyurmaq, balalarını yedirmək üçün. Siz insanlar kimi, biz itlər də eyni deyilik. Pintisi var, acgözü var… Biri tapdığını yoldaşları ilə oradaca yeyir, biri torbanı sürüyüb aparıb kənarda təkcə özü həzmi – rabedən keçirir. Beləliklə, zibil küçələrə səpələnir… 

– Bax, görürəm sən ağıllı itsən. Bəlkə yoldaşlarına deyəsən, başa salasan ki, belə etməsinlər, zibili dağıdıb küçəyə səpələməsinlər. Axı insanlar əziyyət çəkirlər. Qışın soyuğunda, yayın istisində küçələri təmizləyənləri də nəzərə alın. Siz onların zəhmətini heç edirsiniz.

– İnsanlar hə? Yazıqdırlar hə? Bütün zibillikləri biz yaradırıq, eləmi?

– Əlbəttə 

– Ha(m)… ha(m)…ha(m)… Çön bir arxaya bax… Gördüyün o yaraşıqlı, böyük ağacın dibində qalaqlanan sərinləşdirici içkilərin, enerji içkilərinin qablarını, tum qabıqlarını, çipsi torbalarını, siqaret kötüklərini də bizim tökdüyümüzü düşünmürsən yəqin ki. Bu təkcə indi gördüyün yerdə deyil. Mağazaların qarşısında, aralıqların başında siz insanların yaratdığı belə “gözəllikləri” hər addımbaşı görmək mümkündür. Həyətindəki ağacın qol-budağını  kəsib səkilərin kənarında qalaqlayanlar da biz deyilik. Avtomobillərin pəncərələrindən küçələrə atılan zir-zibilləri də siz insanlar tökürsünüz. Bax…bax… Yaxşı bax… Gördün o uşağı? Yol getdiyi yerdə qayıdıb zibil qabına bir təpik ilişdirdi, zibil hamısı yerə töküldü… İndi buna mən cavabdehəm? Gedin uşaqlarınıza tərbiyə verin, insanlar arasında təbliğat aparın, öz gözünüzdəki tiri çıxarın, sonra biz itlərə irad tutarsınız. 

Əvvəl danışırdınız ki, zibil qutuları yoxdur. İndi pis-yaxşı, konserv qutusuna oxşasa da, çox yerdə qablar qoyulub. Amma siz insanlar özünüzə əziyyət verib zibilinizi  evinizdən bir az aralıda olan qutulara yox, elə küçənizin başında kefinizin istədiyi yerlərə tökürsünüz. İndi gəlib mənə təmizlik dərsi keçirsən. Özünüzü təmizləyin, sonra bizə yol göstərin. Arada Xəlfərəddin, Kamil Nəsibov və digər küçələrinə də baş çəkin.Yaratdığınız gözəllikdən zövq alın…- Nə isə, sən boş-bekarsan deyəsən. İşləməyib danışmaq axırınıza çıxacaq. Mən isə, balalarıma yeməyə nə isə tapmalıyam. Hələlik, ev adamı !

Xəbər lenti

Yollarda ağırçəkili nəqliyyat vasitələrinin hərəkətinə icazənin rüsumu 50 manat olacaq

Yollarda ağırçəkili nəqliyyat vasitələrinin hərəkətinə icazənin rüsumu 50 manat olacaq. Bununla bağlı “Dövlət rüsumu haqqında” qanuna dəyişiklik edilir.

Şəhid Orxan Əsgərov dəfn edilir

Azərbaycanın İrandakı səfirliyinə edilən terror hücumu nəticəsində şəhid olan baş leytenant Orxan Əsgərov İkinci Şəhidlər xiyabanında dəfn edilir. “Report” xəbər...

Azərbaycanın İrandakı səfirliyinin diplomatik fəaliyyəti tamamilə dayandırılıb

"Biz İrandakı səfirliyimizin diplomatik fəaliyyətini tamamilə dayandırmışıq”. Bu barədə Azərbaycanın xarici işlər nazirinin müavini Xələf Xələfov deyib.

Azərbaycanın Tehrandakı səfirliyinə terror hücumu zamanı şəhid olan Orxan Əsgərovun nəşi Bakıya gətirilib

Azərbaycanın Tehrandakı səfirliyinə xain terror hücumunun qarşısının alınması zamanı şəhid olan mühafizə xidmətinin rəisi Orxan Əsgərovun nəşi yanvarın 29-da Bakıya gətirilib.

Ağcabədidə yol nəqliyyat hadisəsi baş verib – FOTOLAR

Mingəçevir-Bəhramtəpə avtomobil yolunun Ağcabədi rayonunun Aşağı Avşar kəndindən keçən hissəsində yol qəzası baş verib. Belə ki, Ağdam rayon sakininə məxsus "Mercedes" markalı...

Prezident İlham Əliyev Macarıstana rəsmi səfərə gedib

Azərbaycan Respublikasının Prezidenti İlham Əliyev yanvarın 29-da Macarıstana rəsmi səfərə gedib. Hər iki ölkənin dövlət bayraqlarının dalğalandığı Budapeştin Ferents...

Dünyanın ən çox ziyarət olunan saytları məlum olub

Aran xəbər verir ki, "Similarweb" tərəfindən dünyanın ən çox ziyarət edilən saytları açıqlanıb. Birinci yerdə dünyanın ən böyük axtarış platforması hesab edilən...

Ceyhun Bayramov və Hikmət Hacıyev Orxan Əsgərovun yas mərasimində – Foto

Azərbaycanın xarici işlər naziri Ceyhun Bayramov və Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev Azərbaycanın İrandakı...

Soyuq havaya baxmayaraq, Xankəndi-Laçın yolunda aksiya davam edir

Havanın soyuq və şaxtalı olmasına baxmayaraq, Azərbaycanın Qarabağ iqtisadi rayonunda faydalı yataqların qanunsuz istismarı əleyhinə Xankəndi-Laçın yolunda keçirilən etiraz aksiyası qırx doqquz...

Ağcabədidə sahibsiz itlər şəxsi təsərrüfata hücum edib

Aran xəbər verir ki, hadisə rayonun Şənlik kəndində baş verib. Belə ki, ötən gün axşam saatlarında kənd sakini Ziyad Səfərovun həyatyanı sahəsinə...

Şərhlər