Şəhidin təltif olunduğu orden ailəsinə təqdim olundu

Azərbaycan Respublikası Prezidentinin 25 iyun 2022-ci il tarixli Sərəncamı ilə Azərbaycan Respublikasının ərazi bütövlüyünün qorunub saxlanılmasında xüsusi xidmətlərinə, öz xidməti vəzifələrini və hərbi hissə qarşısında qoyulmuş tapşırıqları yerinə yetirərkən fərqləndiklərinə görə Azərbaycan Respublikası Müdafiə Nazirliyinin bir qrup hərbi qulluqçuları medal və ordenlərlə təltif edilib. Prezident İlham Əliyevin müvafiq Sərəncamına əsasən xüsusi təyinatlıların kəşfiyyat komandiri, Şuşa şəhəri ətrafında gedən döyüşlərdə şəhid olan, kapitan Mikayıllı Samir Sabir oğlu da ölümündən sonra 3-cü dərəcəli “Vətənə xidmətə görə” ordeni ilə təltif edilib. Eləbu münasibətlə də Ağcabədi rayonunda təqdimat mərasimi keçirilib. Mərasimdə YAP Ağcabədi rayon təşkilatının sədri Rövşən Əhmədov, Naxçıvan Əlahiddə Ümumqoşun Ordunun “N” saylı hərbi hissəsinin ideoloji iş və mənəvi – psixoloji təminat üzrə komandir müavini, polkovnik-leytenant Cəbrayıl Nəbiyev, hüquq – mühafizə orqanlarının əməkdaşları, Səfərbərlik və Hərbi Xidmətə Çağırış üzrə Dövlət Xidmətinin Ağcabədi rayon şöbəsinin məsul işçiləri, Ağcabədi Rayon İcra Hakimiyyətinin əməkdaşları, Salmanbəyli kənd sakinləri, şəhid ailələri, müharibə iştirakçıları, qazilər, bir qrup əsgər və zabitləriştirak ediblər. Mərasim iştirakçıları ilk öncə şəhid SamirMikayıllının dünyaya göz açdığı Salmanbəyli kəndində onun adına inşa edilmiş “ Şəhid Samir Mikayıllı adına xatirə parkını” ziyarət edib, parkda onun xatirəsinəucaldılmış büstün önünə tər çiçəklər düzərək xatirəsini yad ediblər. Ağcabədi Rayon İcra Hakimiyyətində davam edən təqdimat mərasimində torpaqlarımızın azadlığı uğrunda canından keçən şəhidlərimizin əziz xatirəsi 1 dəqiqəlik sükutla yad olunub, dövlət himni səsləndirilib. Tədbiri giriş sözü ilə açan YAP Ağcabədi rayon təşkilatının sədri Rövşən Əhmədov Vətən müharibəsindən sonra ölkə başçısı tərəfindən şəhid ailələrinin, qazilərin və müharibədə  şəhid olan hərbi qulluqçuların ailələrinin daim diqqətdə saxlanıldığını qeyd edib. Çıxış edən Ağcabədi Rayon İcra Hakimiyyəti başçısı Aparatının Vətən müharibəsi iştirakçıları və şəhid ailələri ilə işin təşkili şöbəsinin müdiri Şöhrət Orucov şəhid Samir Mikayıllının keçdiyi şərəfli döyüş yolundan, Şuşa uğrunda gedən döyüşlərdə xüsusi qəhrəmanlıqlarından geniş söhbət açıb.

Sonda Naxçıvan Əlahiddə Ümumqoşun Ordunun “N” saylı  hərbi hissəsinin ideoloji iş və mənəvi – psixoloji təminat üzrə komandir müavini, polkovnik-leytenant Cəbrayıl Nəbiyev ölümündən sonra 3-cü dərəcəli “Vətənə xidmətə görə” ordenini şəhidin ailəsinə təqdim edib. 

Gündüz SEVİNDİK

Xəbər lenti

Budapeştdə Azərbaycan Prezidenti İlham Əliyevin rəsmi qarşılanma mərasimi olub

Macarıstanda rəsmi səfərdə olan Azərbaycan Respublikasının Prezidenti İlham Əliyevin yanvarın 30-da Budapeşt şəhərinin Layoş Koşut meydanında rəsmi qarşılanma mərasimi olub.

Azərbaycanda ana arı yetişdirilən təsərrüfatlara subsidiyaların verilməsi təklif edilir

Azərbaycanda ana arı yetişdirilən təsərrüfatlara subsidiyaların verilməsi təklif edilir. Bunu "Report"a "Azərbaycan Arıçılar Assosiasiyası" İctimai Birliyinin İdarə Heyətinin sədri Bədrəddin...

Hamiləlikdə risk qrupları açıqlanıb

Hamiləlikdə risk qrupları açıqlanıb. "Report" xəbər verir ki, bu barədə Səhiyyə Nazirliyinin mütəxəssis-eksperti, mama-ginekoloq Nigar Axundova məlumat verib.

Yollarda ağırçəkili nəqliyyat vasitələrinin hərəkətinə icazənin rüsumu 50 manat olacaq

Yollarda ağırçəkili nəqliyyat vasitələrinin hərəkətinə icazənin rüsumu 50 manat olacaq. Bununla bağlı “Dövlət rüsumu haqqında” qanuna dəyişiklik edilir.

Şəhid Orxan Əsgərov dəfn edilir

Azərbaycanın İrandakı səfirliyinə edilən terror hücumu nəticəsində şəhid olan baş leytenant Orxan Əsgərov İkinci Şəhidlər xiyabanında dəfn edilir. “Report” xəbər...

Azərbaycanın İrandakı səfirliyinin diplomatik fəaliyyəti tamamilə dayandırılıb

"Biz İrandakı səfirliyimizin diplomatik fəaliyyətini tamamilə dayandırmışıq”. Bu barədə Azərbaycanın xarici işlər nazirinin müavini Xələf Xələfov deyib.

Azərbaycanın Tehrandakı səfirliyinə terror hücumu zamanı şəhid olan Orxan Əsgərovun nəşi Bakıya gətirilib

Azərbaycanın Tehrandakı səfirliyinə xain terror hücumunun qarşısının alınması zamanı şəhid olan mühafizə xidmətinin rəisi Orxan Əsgərovun nəşi yanvarın 29-da Bakıya gətirilib.

Ağcabədidə yol nəqliyyat hadisəsi baş verib – FOTOLAR

Mingəçevir-Bəhramtəpə avtomobil yolunun Ağcabədi rayonunun Aşağı Avşar kəndindən keçən hissəsində yol qəzası baş verib. Belə ki, Ağdam rayon sakininə məxsus "Mercedes" markalı...

Prezident İlham Əliyev Macarıstana rəsmi səfərə gedib

Azərbaycan Respublikasının Prezidenti İlham Əliyev yanvarın 29-da Macarıstana rəsmi səfərə gedib. Hər iki ölkənin dövlət bayraqlarının dalğalandığı Budapeştin Ferents...

Dünyanın ən çox ziyarət olunan saytları məlum olub

Aran xəbər verir ki, "Similarweb" tərəfindən dünyanın ən çox ziyarət edilən saytları açıqlanıb. Birinci yerdə dünyanın ən böyük axtarış platforması hesab edilən...

Şərhlər