“Rayonumuzun tarixini öyrənmək başlıca vəzifədir” -Müsahibə

Şəfa Mövsümov 1982-ci ildə rayonun Salmanbəyli kəndində anadan olub. O, 2000-2004-cü illədə Gəncə Dövlət Universitetinin tarix fakültəsində bakalavr pilləsində təhsil alıb, 2005-2007-ci illərdə isə magistraturada oxuyub. İstedadlı gənc tarixçi 2007-2010-cu illərdə Ağcabədi rayonunun Şərəfxanlı kənd orta məktəbində müəllim, 2010-2011-ci illərdə indiki ADPU-nun Ağcabədi filialında əməkdaş kimi fəaliyyət göstərib. 

​Şəfa 2011-2012-ci illərdə Bakı Turizm Şirkətində çalışıb. O, 2014-cü ilin yanvar ayından AMEA-nın əməkdaşıdır. Hazırda AMEA-nın Milli Azərbaycan Tarixi Muzeyin Vətən Müharibəsi Fondunun müdiridir. Gənc mütəxəssis AMEA Tarix İnstitutunun doktoranturasında təhsil alıb, dissertasiya üzərində işləyir. Ş.Mövsümov yeni yaradılmış Vətən Müharibəsi Fondunun rəhbəri kimi, 1941-45-ci illər Böyük Vətən müharibəsi iştirakçılarına, şəhid və qazilərə məxsus şəxsi və hərbi əşyaların aşkarlanması, sistemləşdirilməsi, tədqiqi və təbliği istiqamətində elmi işlər aparır. Onunla ilk respublikamızın qədim yaşayış məskənlərindən sayılan, zəngin tarixi abidələrlə məşhur olan Ağcabədi rayonunun tarixinin öyrənilməsi sahəsində həyata keçirilən tədqiqat işləri ilə əlaqədar oldu. 

Bu gün Ağcabədi rayonunda mövcud olan tarixi və arxeoloji abidələrin tədqiq olunmasını çox vacib və zəruri hesab edirəm. Çünki burada Azərbaycan tarixinin ən qədim dövrlərini əhatə edən zəngin arxeoloji mənbələr mövcuddur. Əlamətdar haldır ki, bu sahədə tarixçi-arxeoloq həmkarlarımmüəyyən uğurlara imza atıblar. Bu baxımdan həmyerlimiz, arxeoloq-alim Təvəkkül Əliyev, Xəqani Alməmmədovun və digərlərinin Qalatəpə, Yantəpə, Kamiltəpə və Canavartəpə kimi insan məskənlərində apardıqları tədqiqatlar önəmli əhəmiyyət kəsb edir. Onların tədqiqatları haqqında məlumatlar dünyanın bir sıra nüfuzlu elmi jurnallarında gemiş əksini tapıb. Hazırda AMEA Arxeologiya, Etnoqrafiya və Antropologiya İnstitutunun əməkdaşları tərəfindən bu istiqamətdə elmi araşdırmalar uğurla davam etdirilir. Qeyd edim ki, ərazidə araşdırılan abidələr çoxdur. Onların tədqiq edilməsi ilə yanaşı, qorunması və mühafizəsi mühüm vəzifələrdəndir. 

-Şəfa müəllim, üzərində işlədiyiniz dissertasiya hansı mövzuya həsr olunub?

​-Dissertasiyam “1941-1945-ci illər müharibəsinin tarixi Azərbaycan sovet tarixşünaslığında” adlı maraqlı mövzuya həsr olunub. Bunu əlavə edim ki, həmin dövr Azərbaycan tarixi sovetlər dönəmində lazımi qədər öyrənilməyib. Bu sahədə mebahisəli məsələlər çoxdur. Məqsədim həmin problemləri çözmək, bəzi qaranlıq məqamlara aydınlıq gətirməkdir. Təsadüfi deyil ki, bununla əlaqədar 3 tezis və 20 elmi məqaləm akademik jurnallarda dərc olunub.

​Rusiyada, Ukraynada və Qazaxıstanda keçirilən bir çox nüfuzlu elmi konfranslarda, beynəlxalq tədbirlərdə iştirak etmişəm. Yeri gəlmişkən, qeyd edim ki, 2020-ci ildə Rusiyanın Kursk şəhərinin “Planeta” nəşriyyatında dərc olunmuş “Azərbaycan v qodu Velikoy Oteçestvennoy Voynı” adlı 272 səhifəlik kitabın həmmüəlliflərindən biri də mənəm. Kitabda elmi-tədqiqat əsərləri ilə yanaşı, həmyerlimiz, 416-cı Taqanroq diviziyasının kəşfiyyatçısı Əlinağı Bünyadov haqqında olan materiallar, eləcə də, yeni arxiv araşdırmaları yer almışdır. Sözügedən kitab Rusiya Federasiyasının Azərbaycan diaspor təşkilatının dəstəyi ilə işıq üzü görüb və Rusiyanın müxtəlif bölgələrində keçirilən təqdimat mərasimlərində geniş müzakirə olunub. Bütövlükdə bu kitab Rusiyada Azərbaycan xalqının qəhrəmanlığının təbliği baxımından mühüm hərbi tarixi əhəmiyyət kəsb edir.

-Rayonumuzla əlaqədar başqa tədqiqat işləri aparırsınızmı?

​-Bəli, tanınmış ağcabədililər haqqında saytlarda, Azərbaycan dilli vikipediyalarda məqalələr tərtib edirəm. Bütün bunları özümə borc hesab edirəm.

​Maraqlı söhbət üçün təşəkkür edirik. Zənnimizcə bu mövzuda redaksiyamızda görüşlərimiz hələ çox olacaq.

​-Çox sağ olun mən də buna şübhə etmirəm

​Söhbətləşdi: Yəhya PAŞAZADƏ

Türkiyədəki zəlzələ ilə bağlı yardım toplama məntəqəsi yaradıldı

Türkiyənin Azərbaycandakı səfirliyi zəlzələdən zərər çəkən insanlara humanitar yardımla bağlı Azərbaycan vətəndaşlarına müraciət edib. “Qafqazinfo” səfirliyə istinadən xəbər verir...

XRİTDX: “Mayda bütün dövlət qurumlarının yeni poçt sisteminə köçürülməsinə başlanacaq”

Bu il mayın 1-dən Azərbaycanda bütün dövlət qurumlarının yeni poçt sisteminə köçürülməsinə başlanacaq. "Report" xəbər verir ki, bunu Xüsusi Rabitə...

Azərbaycan Ordusunun bölmələrinə həyəcan siqnalı verilib, döyüş qabiliyyəti yoxlanılıb

Müdafiə nazirinin təsdiq etdiyi 2023-cü il üçün döyüş hazırlığı planına əsasən Azərbaycan Ordusunun qoşun növləri və hərbi hissələrində yeni tədris dövrü ilə...

DYP sürücü və piyadalara çağırış edib

Daxili İşlər Nazirliyinin Baş Dövlət Yol Polisi İdarəsi hərəkət iştirakçılarına çağırış edib. İdarədən "Report"a daxil olan açıqlamada deyilir:

Türkiyə səfirliyi zəlzələdən zərərçəkənlərə yardımla bağlı Azərbaycan vətəndaşlarına müraciət edib

Türkiyənin Azərbaycandakı səfirliyi zəlzələdən zərərçəkənlərə humanitar yardımla bağlı Azərbaycan vətəndaşlarına müraciət edib. Diplomatik nümayəndəlikdən “Report”a bildirilib ki, zərərçəkənlərin əsasən qış...

Prezident yeni səfirlərin etimadnamələrini qəbul etdi – Fotolar

Prezident İlham Əliyev fevralın 7-də Konqonun ölkəmizdə yeni təyin olunan fövqəladə və səlahiyyətli səfiri David Madukanın etimadnaməsini qəbul edib.

Türkiyədə zəlzələ nəticəsində ölənlərin sayı 3 381-ə çatıb, 20 426 nəfər yaralanıb – YENİLƏNİB

10:50 Türkiyədə zəlzələ nəticəsində ölənlərin sayı 3381 nəfərə yüksəlib. “Aran” Türkiyə KİV-lərinə istinadən bildirir.

Energetika naziri Beyləqanda vətəndaşlarla görüşəcək

Energetika naziri Pərviz Şahbazov fevralın 24-də Beyləqan, Ağcabədi, Füzuli və Xocavənd rayonlarından olan vətəndaşları qəbul edəcək. Nazirlikdən AZƏRTAC-a bildirilib ki,...

Azərbaycan Türkiyəyə tibbi ləvazimat və 34 nəfərlik tibbi heyət olan daha iki təyyarə göndərib – YENİLƏNİB

Azərbaycan Respublikasının Prezidenti İlham Əliyevin tapşırığına uyğun olaraq, Türkiyə Respublikasında baş vermiş güclü zəlzələnin fəsadlarının aradan qaldırılması məqsədilə Fövqəladə Hallar Nazirliyinin yardımlarından...

Quş qripinə qarşı monitorinqlərin nəticələri açıqlanıb

Azərbaycan Respublikasının Qida Təhlükəsizliyi Agentliyi (AQTA) tərəfindən respublika ərazisini yüksək patogen quş qripi xəstəliyindən qorumaq məqsədilə keçirilmiş epizootoloji monitorinqlərin nəticələri açıqlanıb.

Şərhlər