5.6 C
Aghjabadi

Bir gün səhnədə

     Rayonumuzda gənclərimizin fəallığı, yaradıcılığa meyilli olması ürəkaçandır. Son zamanlar  Gənclərin İnkişaf və Karyera Mərkəzinin Ağcabədi nümayəndəliyinin həyata keçirdiyi işlər də bizləri çox sevindirir. Onların asudə vaxtını səmərəli keçirməsi, müxtəlif yaradıcılıq sahələrində özlərini sınaması həm də inkişaf etmələrinə imkan yaradır. Bugünlərdə mərkəzin gəncləri “SəhnəmİZ”  layihəsi çərçivəsində, Məcid Şamxalovun “Qayınana” adlı pyesinin motivləri əsasında çəkilmiş “Qayınana” filminin bəzi hissələrindən səhnəcik hazırlayıblar.  Gənclərimizin təşəbbüsü  ilə sözügedən layihə çərçivəsində “Bir gün səhnədə” adlı qrup yaradılıb ki, “Qayınana”nın  çəkilişində  məhz həmin qrupun üzvləri- Mirhəsən Həsənov, Fərid Quliyev, Nərmin Zeynallı, Məhəmməd Mustafayev, Rafael Quliyev, Nəzrin Zeynalova, Nur Zeynalova, Rəvan Fərzəliyev rol alıblar. Çəkilişlər Ağcabədi rayon Mədəniyyət evində həyata keçirilib.

     Əlbəttə, biz burada böyük səhnədən, peşəkar yaradıcılıqdan danışmırıq. Bütün bunlar hələ ki, özfəaliyyətdir və ilk addımlardır. Lakin, rayonumuzda belə bir təşəbbüsün olmasına çox sevindim. Bir neçə il  əvvəl Ağcabədi rayon Heydər Əliyev Mərkəzində fəaliyyət göstərən “Həvəskar aktyorluq və bədii qiraət” dərnəyində istedadlı uşaqlar və gənclər yetişirdi və ilk dəfə S. Vurğunun  “Vaqif” pyesindən bir parça  ilə səhnəyə çıxanda çox böyük alqışlar qazanmışdılar. Biz bu işə can qoymuşduq və nəticə uğurlu idi. Lakin sonra müəyyən səbəblərdən  dərnəyin fəaliyyətini davam etdirə bilmədik. Bu gün Gənclərin İnkişaf və karyera mərkəzində yenidən bu kimi təşəbbüsün olması məni çox sevindirdi. Səhnəciyi izlədim. Əlbəttə, əvvəldə qeyd etdiyim kimi, bu,ilk addımdır. Hətta  addım yox, iməkləməkdir. Amma əgər yorulmayacaqlarsa, ruhdan düşməyəcəklərsə, çətinliklərdən qorxmayacaqlarsa, inanıram ki, qarşıda yaxşı işlər ortaya qoya biləcəklər.

     Səhnəcikdə əsasən  “Qayınana” filmindən təqlidləri görürük. Amma hiss olunur ki, bunadək xeyli zəhmət çəkilib. Əsas da zəhmətdir. Bu varsa, iş alınacaqdır.  Qayınana obrazını yaradan Mirhəsən Həsənov çox istedadlı bir gəncimizdir. İstər  gözəl səsi, ifası, istər aktyorluq bacarığı ilə onun gələcəkdə özünəməxsus yer tutacağına inanıram. Amma…  İlk addımlar olsa belə, elə  məqamlar  var ki, onları deməsək,  gələcək üçün böyük qüsurların qalmasına, böyük səhvlərin olmasına  şərait yaradarıq. Jestlər, danışıq, səs…  Bir qadın obrazını yaratmağa çalışan Mirhəsən  bacardığını edib. Lakin yaradılan obrazın geyimi,  qayınananın silikonlu bədənləri  xatırladan  fiqurası, əndamı  həmin filmdə təsvir olunan Cənnət xala obrzını yerlə yeksan edib. Necə deyərlər, bu vid-fasonda Cənnət xala olmaz, qadan alım. Cənnət xala xarakteri filmdə tənqid olunsa belə, görünüşcə özü əsl milli qadın obrazıdır. Analarımızın, nənələrimizin ümumi obrazı. Odur ki, gənclərə məsləhət görərdim ki, növbəti işlərində daha diqqətli olsunlar, bəzən böyüklərdən məsləhət almaqdan çəkinməsinlər.

       İnanıram ki, zəhmətdən və öyrənməkdən qorxmasalar “Bir gün səhnədə” yox,  tez-tez səhnədə ola bilərlər.

         Uğur olsun, gənclər!

                                                                                          Məhsəti MUSA

Xəbər lenti

Köyük kəndində səyyar qəbul keçirilib

Ağcabədi Rayon İcra Hakimiyyətinin başçısı Rafil Hüseynovun dekabr ayı üzrə ilk, 2022-ci il üçün isə növbəti səyyar qəbulu Köyük kəndində keçirilib. Qəbulda rayonun hüquq-mühafizə orqanlarının, idarə, müəssisə və təşkilatların rəhbərləri, kənd sakinləri...

Əhməd Cavadın 130 illik yubileyi qeyd olunub

Noyabrın 24-də ADPU-nun Ağcabədi filialında görkəmli Azərbaycan şairi və ictimai xadimi Əhməd Cavadın anadan olmasının 130 illik yubiley tədbiri keçirildi.

Müasir poeziyamızda Qarabağ hadisələrinin və qələbəmizin bədii əksi

      Bütövlüyün, vəhdətin izini, bəlkə də, sərhədlərdən silmək olar, amma yadlaşlardan, qandan yox. Odur ki, bu xalqın yaddaşından silinməyən, “böyük bir həsrət...

Ağcabədidə sürətli şahmat üzrə rayon turniri keçirilmişdir

    30 noyabr 2022-ci il tarixdə Ağcabədi Rayon Gənclər və İdman İdarəsinin və Uşaq Gənclər İdman Şahmat Məktəbinin birgə təşkilatçılığı ilə uşaq...

Azərbaycanın uğurlu inkişafının memarı Ulu Öndər Heydər Əliyev olmuşdur

    Ümummilli Lider Heydər Əliyevin Azərbaycan tarixində rolu, həlledici olmaqla bərabər, çoxcəhətli və çoxşaxəli xarakteri ilə xüsusi əhəmiyyətə malikdir. Ölkəyə rəhbərlik etdiyi...

295 min ton təhvil verilib

Bugünədək fermerlər tərəfindən kondisiya çəkidə 295645 ton pambıq yığılaraq tədarük məntəqələrinə təhvil verilib. Kənd Təsərrüfatı Nazirliyinin yaydığı məlumata görə,...

Bakıda “Gender bərabərliyi və idarəetmə” mövzusunda təlimlərə start verilib

Noyabrın 28-də Ailə, Qadın və Uşaq Problemləri üzrə Dövlət Komitəsinin (AQUPDK) təşkilatçılığı və Avropa İttifaqının dəstəyi ilə "Gender bərabərliyi və idarəetmə” mövzusunda...

Regional sabitlik və potensial əməkdaşlıq təmin olunacaq

Noyabrın 25-də Bakıda, ADA Universitetində “Orta Dəhliz boyunca: geosiyasət, təhlükəsizlik və iqtisadiyyat” mövzusunda beynəlxalq konfrans keçirilib. Prezident İlham Əliyev konfransda iştirak edib.

“Baş məşqçinin məni niyə əvəzedici heyətə göndərdiyini bilmədim” – MÜSAHİBƏ

"Aranqezet.az" saytı vaxtilə Bakının "Neftçi" klubunda top qovan və Azərbaycan futbol tarixinə yeganə avstraliyalı futbolçu kimi düşən Con Tamburasın müsahibəsini təqdim edir.

Pambıq yığımı davam edir

     Rayonumuzda ənənəvi təsərrüfat sahəsi olan pambıqçılıq ölkə rəhbərinin diqqət və qayğısı sayəsində öz əvvəlki şöhrətinə qayıdır.Bu isə təsərrüfat rəhbərlərində böyük ruh...

Şərhlər